Marcos Pérez Pena

Os socialistas teñen catro candidaturas máis que no 2019 e o Bloque presenta 18 máis que hai catro anos. Vox suma un total de 39 listas e Podemos e Esquerda Unida (xuntos, por separado ou dentro doutras candidatutas) están presentes en preto de corenta localidades. En 33 concellos só se presentaron dúas listas: a do PP e outra máis, alternativamente PSdeG ou BNG. No outro extremo, A Coruña é a cidade con máis ofertas electorais: 12.

Tanto o Índice de prezos do Ministerio coma o Observatorio da Vivenda da Xunta amosan que entre 2016 e 2021 o encarecemento dos alugueiros superou en boa parte do país o límite fixado na nova Lei de Vivenda para poder aplicar accións de regulación. Porén, os territorios gobernados polo PP, entre eles Galicia, anuncian que non aplicarán as medidas.

A pobreza enerxética chega ao seu máximo dende o ano 2004. Pola contra, o pasado ano reduciuse a porcentaxe de poboación en risco de pobreza do 20% ao 18% e en risco de exclusión social e aumentou a renda media por persoa

O xornalista Joel Gómez vén de publicar a través do CSIC o libro 'Vite de Compostela. A comunidade (auto-) construida', que analiza as transformacións experimentadas por este barrio compostelán dende os anos 70, un tempo no que a través da organización veciñal, a zona deixou atrás problemas como a falta de servizos ou a drogadicción ata se converter nun "barrio residencial atractivo e modélico"

O 29 de setembro de 1936 apareceron en Bértoa (Carballo) os corpos de catro homes asasinados por mor da súa ideoloxía republicana, soterrados posteriormente no cemiterio. A ARMH, a petición dos familiares, iniciou os trámites legais para levar a cabo a exhumación. Porén, o Arcebispado leva un ano sen dar o permiso para os traballos, argumentando que cómpre "cautela" para evitar "profanacións". Falamos con Carmen García Rodeja

A bolsa de vivenda baleira do banco malo, xurdido do estoupido da burbulla inmobiliaria, pode ser unha década despois a base sobre a que construír un parque de vivenda pública con alugueiro accesible. O Goberno central destinará a este fin 50.000 vivendas da Sareb, 21.000 de maneira inmediata, das que 1.285 están en Galicia. Ademais, anuncia a construción ou rehabilitación doutras 43.000.

O 21 de abril de 1963, hai hoxe 60 anos, Álvaro Cunqueiro ingresou na Real Academia Galega. O seu discurso, que analizou o imaxinario dos tesouros na mitoloxía popular galega, foi respondido por Don Paco, que anos antes conseguira que o autor mindoniense volvese escribir en galego e recuperase "o sendeiro do galeguismo en que estaba antes de estalar a guerra”

O Teatro Jofre acollerá o 28 de abril un acto público no que intervirán familiares das vítimas, representantes políticos e membros da Comisión Pro Memorial, que leva anos promovendo un monumento que recolla os nomes e cronoloxía das persoas represaliadas, cuxa construción comezará en breve, segundo anuncia o Goberno local

PSdeG e BNG gobernan en coalición os entes provinciais da Coruña e Lugo, onde o resultado pode estar axustado, especialmente na deputación lucense. Tamén o fan en Pontevedra, onde a maioría progresista semella asegurada. De igual xeito, o dominio do PP en Ourense é claro, pero Baltar aspira a unha maioría absoluta para non depender da Democracia Ourensana de Gonzalo Pérez Jácome.

O Xacobeo é dende 1993 unha historia de éxito evidente a nivel turístico e económico. Porén, nos últimos tempos agromaron tamén críticas pola saturación de visitantes que se produce, especialmente en Compostela

O grupo de teatro amador máis antigo de Galicia aínda en activo, formado en 1933, celebra este ano o seu 90 aniversario cunha ampla programación de actividades. Mantivo o seu compromiso coa lingua galega en plena ditadura e nos últimos anos comezou a recibir o xusto recoñecemento á súa traxectoria

Os nacionalistas impulsaron unha declaración insitucional que contou co apoio inmediato do PSdeG pero non co dos populares. O texto rexeitaba a xestación por substitución por constituír "unha forma de explotación e mercantilización do corpo das mulleres, especialmente daquelas máis empobrecidas e vulnerábeis" e opoñíase a "calquera mudanza legal encamiñada a legalizar, regulamentar ou banalizar esta práctica"