Marcos Pérez Pena

O documento obriga a que as persoas que traballen ou colaboren nas actividades da Igrexa presenten un certificado negativo do Rexistro Central de Delincuentes Sexuais. Así mesmo, inclúe un "código de boas prácticas" e establece o camiño que deben seguir as denuncias, que dependen directamente do bispo, que as arquivará de non consideralas "verosímiles"

As Pontes, Fene, Cervo e Ferrol teñen as maiores contías e as localidades rurais as máis baixas e 261 concellos sitúanse por debaixo da media galega, que supera por pouco os mil euros. A fenda entre homes e mulleres no conxunto das pensións, uns 286 euros mensuais, apenas variou nos últimos anos, aínda que si se reduce nas novas altas de pensionistas.

Este mércores un accidente no atuneiro vigués Albacora Cuatro levou a vida de dous mariñeiros nas Seychelles, unha traxedia que se suma ás 21 defuncións que provocou o afundimento do Pitanxo en febreiro. O sector da pesca é o que rexistra máis sinistros mortais en relación co número de persoas que emprega. Os sindicatos esixen unha mellora das condicións laborais e das medidas de seguridade.

Unhas 52.600 persoas reciben o Ingreso Mínimo Vital en Galicia, o dobre que hai un ano, pero aínda lonxe do obxectivo do Goberno central. Ademais, aos obstáculos burocráticos súmanse outras dificultades provocadas pola non actualización por parte da Xunta da Lei de inclusión social de 2013, que fai incompatibles as dúas prestacións

No ano 2021 naceron 14.784 nenos e nenas, 500 menos que no 2020 e sete mil por debaixo dos datos de hai unha década. Galicia é a comunidade autónoma con máis diferenza negativa entre mortes e nacementos e a segunda con menor taxa de natalidade

Investigadores do colectivo Roman Army levan a cabo unha campaña arqueolóxica nun xacemento no Castelo do Faro (1148 metros de altitude), o punto máis elevado da provincia de Pontevedra. O recinto, unha fortificación temporal do exército romano, foi descuberto en 2020 con técnicas de teledetección, cando unha parte xa se vira "considerablemente afectado" pola instalación enerxética.

Aceite (+42%), Ovos (+32%), Leite (+15,3%), cereais (+14,7%), polo (11,4%), pan (11,9%) ou as froitas (9,8%) son algúns dos produtos básicos que máis aumentan. A alimentación encareceuse un 7,9% dende xaneiro, por riba das alzas de combustibles e electricidade, mitigadas polas bonificacións e medidas do Goberno central.

O concello lucense reformou tres antigos colexios para crear seis vivendas de alugueiro e fará obras en dúas escolas máis para darlles o mesmo uso. Falamos desta iniciativa con Elva Carrera (BNG), tenente de Alcalde, que reclama ao Goberno galego accións para que os propietarios de vivendas pechadas as poñan no mercado.

A Federación Galega de Empresas Inmobiliarias cifra en 340.500 as vivendas baleiras en Galicia. 90 mil atópanse nas sete cidades, pero é nos concellos rurais, especialmente en Ourense, Costa da Morte ou Ortegal, onde a porcentaxe de inmobles desocupados é maior

Os casos confirmados ou posibles deberán ademais poñese en illamento domiciliario. Ademais, deberase extremar a precaución coas mascotas e evitar o seu contacto con outros animais. O Ministerio de Sanidade notifica 198 casos en España, 183 deles en Madrid. En Galicia, de momento, só hai tres casos confirmado

A plataforma SalvemosPonteNafonso, formada por veciñanza de Noia e Outes e por profesionais, concentrouse este domingo para esixir á Xunta que modifique a actuación, realizada "sen delicadeza e sen ningún tipo de encaixe co marabilloso traballo dos elementos primixenios" e que oculta os elementos máis característicos do monumento, os tallamares

Esta sociedade de Mazaricos, cunha produción de 30.000 litros de leite ao día e un gasto eléctrico de 10.000 KW diarios, instalou o pasado mes de novembro unha planta fotovoltaica coa que cobre unha parte importante do seu consumo e, ademais, proporciona enerxía a outras granxas. Fíxoo da man da empresa E.nova Enerxía e sen realizar ningún gasto inicial. Falamos con Pablo Suárez (Grille) e Xurxo López (E.nova Enerxía)