A Audiencia Nacional investiga se a venda de Alcoa na Coruña implicou entregar a planta a empresas pantalla para destruír empregos
O tribunal admite a querela presentada pola Confederación de Cadros Profesionais contra Alcoa, Parter e o Grupo Industrial Riesgo e oficia á UDEF para que realice unha investigación integral. O auto lembra que o TSXG tamén atopou "mala fe" nas negociacións de Alcoa para vender a planta de San Cirao
Unha furgoneta retira mobles da Casa Cornide ás portas do inicio do proceso para que os Franco devolvan o edificio
A veciñanza da zona alertou sobre a operación, aínda que se descoñece os contidos que foron sacados do edificio. A Xunta iniciou os trámites para declaralo Ben de Interese Cultural e o Concello da Coruña prevé activar en breve os mecanismos legais para reclamar a titularidade do inmoble por irregularidades na súa entrega ao ditador.
O barco nuclear ruso 'Sevmorput' pasa este martes a 50 millas da costa galega vixiado por Mariña Mercante
O buque, que nos últimos días amosou problemas fronte ás costas africanas, diríxese a San Petersburgo para ser reparado. Ata agora os sistemas de vixilancia radiolóxica ambiental españois non detectaron valor anómalo ningún, pero Salvamento Marítimo está "listo para atender cualquera tipo de incidente que puidese producirse"
Os servizos sociais dos concellos galegos atenderon 17 mil novas persoas solicitantes de axuda por mor da crise da COVID
Trátase de traballadores/as á espera de recibir a axuda por ERTE, autónomos/as afectados polo cese de actividade, familias monoparentais e persoas con traballos vinculados á economía sumerxida. A FEGAMP denuncia que cuns sobrecustos medios de case seis millóns de euros ao mes, os concellos "non recibiron fondos extraordinarios"
- Reportaxe 40 anos do Estatuto
- Política
40 anos do 'Anque chova, vota' que aprobou sen entusiasmo o inicio da autonomía galega
O 21 de decembro de 1980 celebrouse o referendo do actual Estatuto de Autonomía. O texto foi aprobado por ampla maioría (73% fronte ao 20%) pero cunha abstención récord, próxima ao 71%. A pesar de que a súa aprobación deu inicio ao autogoberno galego, a data pasa todos os anos desapercibida.
Cinco de cada cen vivendas de Carnota, Sanxenxo, Fisterra e O Grove xa son pisos turísticos
O INE publicou este xoves a estatística completa de vivendas de uso turístico en todo o Estado. Galicia é a sétima comunidade cunha maior saturación deste tipo de establecementos, encabezada por Carnota, onde xa representan o 7% do total de inmobles. Varias zonas do casco histórico de Compostela móvense entre o 5,7% e o 8,5% do total.
Galicia prepárase para a vacinación contra a COVID, que comezará en toda a Unión Europea do 27 ao 29 de nadal
A Axencia Europea do Medicamento reunirase este luns 21 de diciembre para, previsiblemente, aprobar a vacina de Pfizer. Unha semana despois comezaría a súa administración, que en Galicia chegará a 40.000 persoas na súa primeira fase, na que se protexerá os usuarios de residencias de maiores, o seu persoal e a persoal sanitario.
Bamad pide a Xunta, Concello e Ministerio de Cultura que cambien as "liortas" por "servizos bibliotecarios dignos" para Vigo
Nos últimos días Xunta e Concello acusáronse da redución do proxecto de construción da nova biblioteca central. A Asociación de Profesionais das Bibliotecas de Galicia pide un compromiso das tres administracións e critica o Goberno municipal pola ausencia dunha rede de bibliotecas na cidade
- Reportaxe
- Acontece Pontevedra
O 'Efecto Pontevedra': a cidade exporta o modelo que reduciu un 60% a contaminación e eliminou as mortes por atropelo
A diminución da circulación de vehículos de motor iniciada na cidade en 1999 acadou varios dos obxectivos que urbes de todo o planeta perseguen para loitar contra o cambio climático e para mellorar a sáude e o benestar da súa cidadanía.
A Asociación de Psicólogos Clínicos do SERGAS pide incorporar máis especialistas ante o impacto da COVID na saúde mental
A entidade advirte de que "xa se está notando un aumento de malestar anímico, da sintomatoloxía ansioso-depresiva" e alerta de que "nos próximos meses van aumentar os problemas psicolóxicos, a demanda para a súa atención e as listas de espera que, se xa son longas, aínda o serán máis"
- Gráficos
- Acontece
O número de persoas maiores de 65 anos duplica o de menores de 15 por primeira vez en Galicia
O INE publicou as súas cifras definitivas de poboación correspondentes ao ano 2019, nas que todos os indicadores confirman a intensificación do proceso de envellecemento no país. Ourense é a provincia do Estado cunha maior porcentaxe de poboación de máis de 65 anos, o 31,49% do total. Lugo, terceira, e A Coruña, décima, tamén aparecen entre as zonas máis avellentadas.
- Mapa Coronavirus
- Acontece
A Xunta volve impoñer o peche perimetral en Compostela e endurece as restricións noutros dez concellos
Santiago pasa ao nivel medio de restricións, que tamén aumentan en Ribeira, Bueu, e Baiona (que pasan ao nivel máximo) e en Santa Comba, Mazaricos, Negreira, Carnota, Rodeiro, A Illa e Fisterra (que pasan ao nivel alto). Pola contra, as medidas suavízanse en Barro, Coristanco, Cee, Laxe, Carballo e Ponteceso, que deixan de ter limitacións de mobilidade