- Mapa Coronavirus
- Acontece
Tan só o millón de persoas que vive na Galicia máis urbana manterá as franxas horarias para o paseo
Pedro Sánchez anunciou este domingo que se elevará de 5.000 a 10.000 habitantes o nivel a partir do cal se deben respectar as quendas horarias para saír da casa a camiñar ou facer deporte. En Galicia, de manterse o actual criterio que toma como referencia parroquias e núcleos separados, as franxas só afectarían ás zonas urbanas de 23 concellos
O Día das Letras máis anómalo celébrase dende as casas e con todas as opcións abertas sobre a homenaxe a Carvalho Calero
O coronavirus impide celebrar con normalidade o Día da Letras Galegas, pero numerosas entidades tentan manter viva a conmemoración mentres a Academia xa ten sobre a mesa diversas propostas para estender a 2021 a homenaxe a Carvalho Calero, para a que deixa a porta aberta "se non hai posibilidade ningunha de resarcir no segundo semestre do ano a parálise que supuxo isto"
- Entrevista | Imaxe Covid Coronavirus
- Acontece
"Nun mundo dominado polas 'fake news' o traballo dos fotoxornalistas é imprescindible, nesta pandemia demostrouse"
Falamos con Óscar Corral e Brais Lorenzo, dous dous fotoxornalistas que botaron a andar o proxecto Imaxe Covid, que día a día publica unha escolma das mellores imaxes tomadas polos reporteiros gráficos galegos sobre a crise do coronavirus
- Datos Coronavirus Galegas 2020
- Acontece
A Xunta revela datos do coronavirus non comunicados ata agora na súa defensa da convocatoria electoral no verán
Un dos informes difundidos este mércores polo Goberno galego indica que en 264 concellos non se detectou ningún novo positivo entre o 4 e o 11 de maio. Tamén confirma que o 60% das novas infeccións corresponden a persoal sanitario e a persoas internas nas residencias e amosa que Ourense e A Coruña presentan as maiores taxas de incidencia da enfermidade
A crise xerada polo coronavirus empurra á pobreza a milleiros de familias vulnerables en Galicia
A ONG Igaxes vén de publicar un informe "urxente" que analiza o impacto da actual situación na mocidade e crianzas máis vulnerables. Faino a través de 559 entrevistas coas persoas que participan nos seus programas, que revelan unha perda xeneralizada de emprego e ingresos.
- Entrevista Coronavirus
- Acontece
"Esta crise visibilizou o absurdo e a inxustiza do reparto do espazo que había nas cidades a prol dos coches"
Falamos con Adrián Fernández (Greenpeace) e con Ana Montalbán (Ciudades que Caminan) sobre o efectos que a actual crise pode ter na mobilidade urbana. Repasamos, ademais, as medidas postas en marcha nos últimos días nas sete urbes galegas para ampliar o espazo dos peóns
Varios concellos critican que a falta de concreción da Xunta sobre as franxas horarias nos paseos provocou confusión
Aínda que o Goberno galego declarou que a partir do venres os treitos horarios por idade se eliminaban en todas as parroquias de menos de 5.000 habitantes, a realidade é que deixou a decisión final en mans de cada localidade. Varios alcaldes e alcaldesas acusan á Xunta de indefinición e mesmo de provocar o "caos".
Reabren os centros educativos entre críticas dos sindicatos pola falta de garantías sanitarias
Escolas, institutos e universidades recuperan a actividade para funcións administrativas, mais o persoal critica que a Consellería se limitou a publicar unha serie de recomendacións xenéricas para previr contaxios. A partir do 25 de maio o alumnado podería regresar de forma voluntaria, pero as centrais denuncian que "non se dan as condicións" para facelo
Marcial Dorado detalla a súa amizade con Núñez Feijóo: "non sei por que a nega, non hai nada que ocultar"
Dorado falou este domingo en televisión por primeira vez dende a súa condena por narcotráfico. Entrevistado por Jordi Évole en La Sexta, detallou a súa amizade co presidente da Xunta, Alberto Núñez Feijóo, negada por este último.
- Datos Coronavirus
- Acontece
Galicia suma 37 novos positivos de coronavirus confirmados, pero cada vez realiza menos probas PCR
Ademais, detectáronse outros 31 casos a través de probas de anticorpos. A incidencia da enfermidade segue a descender lentamente, situándose en 32 casos diarios por cada 100.000 habitantes en 14 días, preto da media española. Por sétimo día consecutivo o número de probas PCR foi inferior ás dúas mil.
A fenda de xénero no coronavirus: sobrecarga de traballo para as mulleres, violencia de xénero e precariedade laboral
O Instituto da Muller vén de elaborar un informe que analiza o maior efecto causado pola epidemia sobre o colectivo feminino e que chama a ter en conta esta perspectiva de xénero para evitar o aumento das desigualdades, tanto nestas semanas coma nos vindeiros meses
- Datos Coronavirus
- Acontece
O número de novos diagnósticos de coronavirus en Galicia baixa ata 32, con 21 novas hospitalizacións
Mantense a tendencia positiva, co menor incremento de casos positivos detectados con proba PCR na última semana. Nas últimas 24 horas houbo tres mortes en Galicia, o que eleva a cifra total de falecementos polo coronavirus a 591.