Miguel Pardo

Persoal da unidade denuncia unha decisión que "non respecta as normas do plan de continxencia fronte ao coronavirus" e advirte que a falta deste tipo de instalacións xa provocou a modificación doutros espazos no complexo hospitalario de Pontevedra.

O presidente da Xunta cre que os baixos números de contaxios por PCR ou a situación das UCI xustifican as súas demandas para a "desescalada": "O virus en Galicia tivo pouca circulación e a maioría de poboación galega non tivo contacto con el".

O Sergas iniciou este xoves a ampla análise epidemiolóxica nos centros de saúde, onde o persoal denuncia a "sobrecarga", cuestiona a súa idoneidade e critica a "irresponsabilidade" de non ser sometido ás probas. 

Os centros de saúde galegos engaden ás consultas diarias e ao seguimento dos afectados pola Covid-19 a realización das probas a 100.000 persoas para o estudo epidemiolóxico do Sergas, que comezan este xoves. 

A conselleira de Educación, Carmen Pomar, anuncia o adiamento das probas a menos de dous meses da súa celebración e logo do clamor de opositores, sindicatos e oposición para que rematase coa "incerteza". 

O Goberno central prorroga dous meses a prioridade do teletraballo e permite ERTE en empresas de servizos esenciais nun novo decreto lei. A Xunta avala ata 1.500 euros de anticipo aos traballadores nun expediente temporal que aínda non cobraran a prestación. 

A Consellería de Educación mantén as probas para docentes malia que advertira de que só seguirían se o estado de alarma non se prorrogaba máis aló do 11 de abril. O persoal opositor pide pór fin xa á "incerteza". 

Gandeiros e agricultores ven como perden mercado ou reciben menos por uns produtos que manteñen o importe ou mesmo o incrementan nas grandes superficies. Falamos con Roberto García (UUAA) e Isabel Vilalba (SLG).

Donald Trump asina a lei que concede a distinción aos mariños mercantes que serviron aos EUA na II Guerra Mundial, entre eles centos de emigrantes galegos, moitos falecidos en buques atacados por submariños nazis.

O presidente da Xunta carga a responsabilidade na xerencia da área sanitaria de Santiago e nega que houbese "intencionalidade" por parte do Sergas, que recuou logo de anular prórrogas de contratos xa asinadas polo persoal.

Defende A Galega cumpre un cento de semanas de protestas nuns medios públicos sen control da Cámara desde finais de xaneiro. A oposición coincide co persoal mobilizado na denuncia da súa "utilización partidista" a prol do PP, acentuada durante a pandemia. 

A xerencia da área compostelá prescinde de profesionais que xa asinaran ata finais de abril ao considerar que xa non eran necesarias na planta de Covid, pero rectifica ás poucas horas tras as súas denuncias. "Somos empregadas de usar e tirar", quéixase un sector farto de "abusos".