Miguel Pardo

O Superior ordena unha indemnización de 15.000 euros a un pediatra que advertira do exceso de pacientes asignados antes de sufrir problemas de saúde e acusa a Sanidade de "non tomar as medidas tendentes a paliar" o exceso de carga asistencial e de adoptar unha "actitude pasiva".

Augas de Galicia cualifica as actuación de Explotaciones Gallegas como posible "figura delitiva" por desviar un regato sen autorización. A empresa xa foi multada en tres ocasións en medio ano pola Administración.

Novos colectivos convocan paros tras deixar a Coordinadora Galega de Atención Primaria, onde entidades propoñen tamén novas mobilizacións tras a "ridícula e escasa" oferta de médicos por parte de Sanidade na última mesa sectorial. Os médicos de centros de saúde de Vigo farán folga o 21 e 22 de maio.

Galicia crea 6.186 empregos no mes de abril, impulsada polo sector servizos, onde o desemprego rexistrado baixa en case 4.000 persoas fronte ao lixeiro descenso na construción, a industria ou a agricultura.

Os dous profesionais dos medios públicos recolleron o Premio José Couso Liberdade de Prensa en representación de Defende A Galega e lamentan que "mentres se fala do que supostamente pasa en TV3, silénciase que persoal da TVG e da Radio Galega leva un ano de protestas".

Require a retirada "inmediata" da cartelaría, que considera "publicidade e propaganda electoral con mensaxes claramente partidistas e electoralistas" difundidos fóra da campaña. A formación compostelá alude a accións semellantes do PP e do PSOE que non foron cuestionadas.

A nova entidade busca o “desenvolvemento efectivo e integral da muller, das súas capacidades, da súa participación e da promoción da igualdade” no movemento cooperativo galego e rachar, tamén alí, o "teito de cristal". 

Podemos activa a operación para desprazar o portavoz pero decide adiala ante o rexeitamento de Anova e EU a facelo antes das eleccións municipais. O voceiro négase a aceptar a orde e dii que só acatará o que diga a dirección do partido instrumental. 

CIG, UXT e Comisións piden ao novo executivo que dea xa un xiro ás políticas económicas e empece derrogando as dúas últimas reformas laborais, e advirten que a maioría progresista do Congreso deixa "sen escusas" o PSOE para non impulsar axiña "unha axenda social".

O bloque que inclúe a En Común, En Marea e o BNG cae 40.000 votos e máis de catro puntos respecto ás últimas xerais pero a división lastra moito os seus resultados ante un PSdeG que gaña máis de 175.000 sufraxios.

Os populares caen máis de trece puntos e vense superados polo PSdeG, que suma dez escanos fronte aos 9 dos de Feijóo. En Común e Ciudadanos obteñen cadanseus dous escanos e o BNG dobra resultados pero non consegue representación, ao igual que Vox. 

A cabeza de lista ao Congreso polo PSOE na provincia da Coruña cre que o vindeiro domingo está en xogo "a involución ou o progreso" e advirte de que "están en cuestión alicerces fundamentais da nosa convivencia que críamos consolidadas".