Miguel Pardo

A Corporación recorreu a amoestación que lle fixo a Xunta Electoral Galega por reducir o tempo de campaña co argumento de que os seus "principios xornalísticos" son emitir informacións máis curtas, pero a Xunta Central desbótao e lembra que en 2020 organizou cinco debates fronte a un único agora. 

Foi a comunidade onde máis aumentaron estes permisos para atender pequenos ou familiares en 2023, o 81% solicitadas por mulleres. As prazas públicas da Xunta no tramo de 0 a 3 anos en centros de Infantil supoñen apenas un terzo do total.

O ministro de Transportes, Óscar Puente, comparece a petición do PP no Congreso e cualifica de "calamitosa" a xestión do Goberno galego, insiste en que foi informado desde o principio do vertido e asegura que activou e desactivou o 3 de xaneiro a alerta que acabou por comunicar dous días despois. 

O ex-presidente do Goberno de España impulsa o PSdeG nun acto na Coruña no que carga contra a ausencia de Feijóo e agora de Rueda nos debates: "Quen non comparece non merece ser presidente". 

O desemprego subiu en case 1.600 persoas debido en exclusiva ao aumento no sector servizos tras o final da campaña de Nadal e das rebaixas. Case o 75% das novas persoas paradas foron mulleres nun mes no que se destruíron 12.000 postos de traballo. 

Estima parcialmente unha demanda do BNG e advirte que non está "xustificado" que a información diaria electoral fose recortada en case tres minutos con respecto á de 2020 pola "incidencia" que ten na cobertura dos partidos e pola "importancia do pluralismo político e social".

O pacto asinado entre administracións e persoal comarcal contra incendios implica adiar as futuras conversas ata despois das eleccións pero garantindo "melloras laborais" e de efectivos para os 24 parques e un novo convenio colectivo.

Unha modificación orzamentaria permite que 3,88 millóns dunha partida de 5,67 prevista para a construción de ambulatorios pasen a dotar "o crédito necesario para satisfacer o importe das facturas" da instalación hospitalaria. 

Un redactor denuncia que foi despedido tras ser declarado por segunda vez indefinido pola Xustiza, logo de ser trasladado do seu posto habitual de traballo durante 17 anos e tras declarar en xuízos contra a empresa. O comité advirte dunha "nova represalia, clara, indignante e intolerable" contra persoal crítico coa dirección. 

Antonio Rodríguez, fillo de galegos, organiza na cidade suíza de Delémont unha mostra que repasa seis décadas de "ida e volta", de "intercambios culturais, económicos ou gastronómicos" entre Galicia e o país helvético, a través de testemuños e retratos de decenas de emigrantes.

O comité cualifica de "lamentable e vergoñento para o persoal" o tratamento que os informativos deron da peza difundida polo PP, "a enésima mostra do secuestro dos medios públicos". Unha nova protesta ante San Caetano clama "por unha CRTVG ao servizo do pobo".

Educación aclara que non lle consta "que algún alumno ou alumna quixese matricularse nalgún destes centros e lle fose denegada a solicitude" e que todos os concertados "teñen matrícula mixta".