O Sergas disponse a desbotar o groso do persoal contratado pola COVID: "Volve a precariedade"
Máis de 730 profesionais contratados de emerxencia rematan o seu contrato nos vindeiros días coa única alternativa de seren contratados de novo pero en peores condicións e por menos tempo. Sanidade di que "está a analizar a continuidade dos contratos activos para garantir a continuidade da xestión da pandemia".
Reganosa reclama seis millóns de euros ao Concello de Mugardos
A planta de gas demanda nos xulgados un suposto cobro indebido do Imposto de Actividades Económicas e provoca a indignación do alcalde popular, que amosa a súa "decepción, sorpresa e desacordo" coa compañía.
O movemento veciñal tamén se ergue contra o peche de sucursais: "Alguén debe frear o abuso dos bancos"
A Confederación Galega de Asociacións Veciñais convoca mobilizacións a partir de novembro contra a clausura de oficinas ou a limitación de horarios, reclama unha banca pública e pide a devolución do rescate financeiro.
- Entrevista | Paul Ríos
- Política
"As palabras de Otegi supoñen que no País Vasco, agora si, teñamos un consenso sobre o noso pasado"
O activista pola paz e ex-coordinador de Lokarri cre que as últimas declaracións da esquerda abertzale aos dez anos do final de ETA supoñen chegar ás dúas ideas que son "mínimo común denominador" desde o que "afrontar a convivencia" en Euskadi: "O que pasou nunca debería ter pasado e non pode volver pasar".
Un gromo en Carral eleva a 15 os focos do coronavirus detectados en granxas de visóns en Galicia
Máis de 50 positivos foron rexistrados en diferentes instalacións desde que comezara a pandemia no país, que conta con 25 das 37 granxas de todo o Estado.
A Xunta suprime a limitación de mandatos das presidencias dos consellos sociais das universidades que xa se incumpría
A Xunta tira da lei de acompañamento dos orzamentos para excluír este cargo do límite de oito anos que teñen os membros destes órganos e que xa superaban os presidentes dos consellos sociais da UDC e da UVigo.
O Estado pide a Feijóo "terreos viables" para trasladar Ence tras anular a Xustiza o seu permiso de ocupación da ría
Feijóo indicou que entregou á ministra Ribera un informe sobre a eventual adscrición dos actuais terreos de Ence ao porto de Marín, posibilidade que o propio Ministerio xa desbotou e que a papeleira nin menciona na información aos accionistas sobre os seus plans de futuro
O Estado esixe á Xunta un estudo radiolóxico da mina de San Finx tras anos sen avaliar o seu risco radioactivo
O Consello de Seguridade Nuclear require ao Goberno galego os informes que esixe o regulamento de protección sanitaria contra as radiacións ionizantes, aprobado en 2001, e que a Administración galega non cumpre.
40 anos das primeiras eleccións galegas: "Non só queríamos que nos votasen, senón ser didactas da democracia"
Mariano Rajoy, Vázquez Portomeñe, Xerardo Estévez e Camilo Nogueira lembran os primeiros comicios autonómicos do 20 de outubro de 1981, dos que sairían elixidos deputados de cadanseu grupo da Cámara.
A revolta no Saladino Cortizo, centro "de referencia" na Educación Especial que queda sen traballadora social medio século despois
As familias deste colexio de Vigo, que acolle alumnado de 16 concellos, reivindican a necesidade dunha praza "clave" e demandan que se recupere ante a negativa da Xunta, que considera que o seu labor pode ser realizado por un administrativo.
Persoal de Povisa atendeu pacientes no hospital público Meixoeiro mentres o privado tivo en obras a máquina de radioterapia
Profesionais denunciaron ante a xerencia da área sanitaria que o acordo coa empresa pública Galaria "salta as listas de contratación" habendo profesionais dispoñibles, algo que nega o Sergas
O difícil acceso a vivenda digna agrava a pobreza en Galicia: "Impide a inclusión social"
A porcentaxe de persoas con carencias materiais severas pasou do 3,6% de 2019 ao 5,2% de 2020, segundo un informe da Rede Galega contra a Pobreza, que destaca o impacto da pandemia, pero tamén da "situación de emerxencia residencial de milleiros de familias".