Miguel Pardo

Os datos da Igrexa sinalan que pouco máis da metade do estudantado (53,5%) cursa a materia de relixión católica, unha cifra inferior á media estatal e en liña coas achegadas polas administracións. En Primaria, a porcentaxe caeu máis de vinte puntos en só dez anos. 

A cifra do paro rexistrado é a menor da serie histórica, desde 1996, e a de emprego supón o mellor mes de abril en máis de dúas décadas. Case o 38% das contratacións foron indefinidas. 

O anteproxecto da nova lei de incendios prohibe "a creación ou difusión de feitos ou datos falsos por calquera medio, incluídas as redes sociais" e prevé multas de ata 100.000 euros. O Colexio de Xornalistas teme que o veto "poida ser interpretado como unha limitación á liberdade de información". O Goberno tamén contempla ampliar a súa capacidade para prohibir o acceso aos montes no caso de que considere que hai perigo de incendio neles

CIG, CCOO e UGT coinciden en reclamar o incremento dos salarios ante a "deterioración nas condicións de vida e rendas reais" da maioría da cidadanía en Galicia. Falamos con traballadores e traballadoras que explican como afrontan a carestía da vida. 

A disputa entre o sector mexilloeiro e o do percebe pola recollida da cría do molusco recrúa pola súa escaseza. O biólogo Pelayo Míguez sinala a ausencia de carbonato cálcico como a orixe da pugna e reclama "medidas urxentes" por parte da Xunta. "Chegamos xa tarde pero a situación non é irreversible", aclara. 

A Corporación rebaixa a menos do 30% do persoal o seguimento do paro, que provocou a cancelación de numerosos programas. A repercusión do conflito nos medios públicos aumenta e preocupa xa no PP estatal. 

Persoal dos medios públicos recibe o apoio da vicepresidenta do Goberno de España Yolanda Díaz, do deputado do BNG Néstor Rego, da eurodeputada nacionalista Ana Miranda e do PSOE ás portas da Cámara Alta. Dentro, Pedro Sánchez saudou os traballadores que "denuncian a manipulación e o sectarismo ao que están sendo sometidos".

Persoal dos medios públicos está convocado hoxe a outro novo paro contra os "abusos". Profesionais da TVG e da Radio Galega mobilízanse ante o Senado en Madrid para amplificar a protesta e sinalar a Feijóo como "responsable" a situación durante os seus mandatos como presidente da Xunta

O peso dos fixos descontinuos en Galicia é do 4,2% entre os traballadores por conta allea e sobre o 3% do total de afiliados á Seguridade Social. Desde 1985 non se inclúen como parados nas estatísticas do desemprego rexistrado porque teñen un contrato e están inactivos entre chamamento e chamamento.

A AGDSP ou SOS Sanidade Pública censuran que o acordo para desconvocar o paro se basee no aumento das retribucións e na ampliación a todo o persoal do plus por traballar só no Sergas e esqueza melloras asistenciais ou estruturais. Advirten dunha "estratexia electoral" de cara aos comicios sindicais. 

A das Pontes é a industria que máis gases de efecto invernadoiro produciu no país en 2022. A baixada na produción hidroeléctrica e a parálise no desenvolvemento das renovables axudaron a que xeración de electricidade con gas fósil nestas instalacións medrase o 37% o pasado ano. 

O pacto co Sergas para suspender a folga do CESM inclúe remunerar máis as gardas e que os arredor de 1.400 médicos que tamén traballan na privada cobren o complemento duns 800 euros ao mes ata agora reservado a quen ten exclusividade coa pública. Sanidade remite mensaxes a pacientes afectados polos milleiros de citas canceladas pedindo desculpas e indicando que reprogramará as súas consultas, probas e operacións cirúrxicas