Miguel Pardo

Galicia ten menos persoas paradas que cando o líder do PP accedeu á presidencia da Xunta, pero polo camiño deixou 65.000 ocupadas e 3.500 postos de traballo. A terciarización da economía acentuouse: o sector servizos gañou 80.000 empregos en trece anos, case os mesmos que perderon industria, construción e sector primario.

Un home de 35 anos falece tras o accidente do pasado sábado no complexo de Repsol. Os sindicatos piden máis medidas de prevención e formación para o persoal das auxiliares que, denuncian, traballan en situación "precaria". 

As mobilizacións de persoal e cidadanía contra a falta de recursos e o empeoramento da asistencia no Sergas son constantes desde que o actual presidente chegou á Xunta, período inzado de recortes, conflitos e reivindicacións de melloras, tanto desde dentro do sistema sanitario como na rúa. 

A organización convocante ten a súa sede social nunha área de servizo de Baamonde e existe dende hai máis dunha década, pero foi case descoñecida para a opinión pública ata hai semanas, agora baixo a denominación Plataforma Nacional. Co paso dos días, a mobilización reborda os marcos da plataforma no contexto de alza xeral dos prezos e o seu impacto multiplícase co bloqueo de diversos sectores económicos

As consecuencias da guerra na Ucraína engaden máis dificultades a un sector que reclama solucións urxentes á protesta do transporte e o cumprimento da lei da cadea alimentaria. Falamos cun gandeiro sobre o día a día na súa explotación e mais con Isabel Vilalba (Sindicato Labrego Galego) e Roberto García (Unións Agrarias)

Pouco se parece a Galicia de 2009 á deste 2022 no que o quinto presidente da Xunta deixa o cargo cando aínda lle faltan dous anos para superar os do seu antecesor e despois de aplicar con éxito dispar a súa axenda liberal-conservadora

A mobilización paraliza importantes empresas e sectores no quinto día da protesta impulsada por unha plataforma minoritaria pero á que se unen moitos transportistas autónomos. 

O persoal mobilizado no movemento 'Defende a Galega' contra o "control político" cumpre 200 semanas de protesta, advirte que "a CRTVG non deu paso ningún cara a unha Radio Galega e TVG plurais, imparciais e neutrais" e acúsaa de "represaliar" ou condenar ao "ostracismo" aos traballadores que protestan. 

O TSXG condena o Consorcio Galego de Servizos de Igualdade e Benestar por negar un cambio de quenda para atender os pais a unha educadora á que deberá indemnizar con 3.000 euros. A sentenza únese ao aluvión que nos últimos meses ratifican o dereito a modificar a xornada laboral para conciliar. 

O 40% do millo importado, esencial para a alimentación do gando, provén do país agora invadido por Rusia. A flexibilización para comprar o cereal na Arxentina ou o Brasil suaviza a situación do sector gandeiro, xa afogado pola suba dos custos de produción. 

O importe sitúase nos 18,63 euros, cinco máis que hai un ano e o seu máximo histórico. Milleiros de fogares vense afectados polo incremento en Galicia, unha das comunidades onde máis gas butano se usa aínda. 

A invasión rusa de Ucraína dispara os prezos do gas natural, que impacta no recibo da luz e incrementou o seu peso no balance enerxético galego nos últimos anos malia que a electricidade que xera no país é minoritaria.