O Sergas muda o protocolo do estudo do coronavirus e agora fará probas PCR a positivos sen síntomas
A Xunta ordena agora estas probas ás persoas asintomáticas que dean positivo no estudo iniciado o día 23. Feijóo afirmou o pasado domingo que se lle farían a todos os positivos aínda que o protocolo, que vai pola súa terceira versión, negaba esa posibilidade.
A primeira EPA afectada polo coronavirus apunta á destrución de máis de 13.000 empregos en Galicia
A perda de ocupados e o incremento do paro en 11.000 persoas no primeiro trimestre do ano non reflicte aínda o impacto real da covid-19, moito maior do que sinalan as cifras de momento.
O que acontece se dás positivo no estudo da Xunta sobre o coronavirus
Feijóo di que calquera positivo será sometido a unha proba PCR, malia que o protocolo non o ordena. Persoal encargado do estudo aclara que os tests identifican anticorpos pero non se a persoa segue enferma, e que o método, por vía capilar e non venosa, provocará "moitos falsos negativos".
- Entrevista | Ricardo Cao Coronavirus
- Ciencia e tecnoloxía
"Os matemáticos podemos ser moito máis útiles nesta pandemia, pero atopamos moitos atrancos"
Ricardo Cao, matemático galego presidente do comité de expertos da Acción Matemática contra o Coronavirus, lamenta a escasa comunicación cos gobernos, os diferentes criterios á hora de rexistrar os datos ou a falta de información sobre os estudos epidemiolóxicos polas administracións.
Feijóo pide ao Goberno central que "axilice" a apertura de negocios e acúsao de "certa lentitude"
O presidente da Xunta cre que "a desescalada debe axilizarse" para non converter unha pandemia sanitaria "nunha pandemia social e económica". Ademais, reclama que o desconfinamento se faga por áreas sanitarias e non por provincias.
A Xunta permite de novo o desprazamento ás hortas de autoconsumo, que limitara a 500 metros polo coronavirus
O Goberno galego modifica a orde inicial e permite os "desprazamentos mínimos e imprescindibles para o mantemento e atención das leiras" no mesmo concello ou ata a cinco quilómetros se están noutro municipio.
O Hospital Montecelo pecha a UCI para facer obras en plena pandemia
Persoal da unidade denuncia unha decisión que "non respecta as normas do plan de continxencia fronte ao coronavirus" e advirte que a falta deste tipo de instalacións xa provocou a modificación doutros espazos no complexo hospitalario de Pontevedra.
Feijóo pide ao Estado poder facer deporte ou abrir comercios antes do resultado do estudo epidemiolóxico
O presidente da Xunta cre que os baixos números de contaxios por PCR ou a situación das UCI xustifican as súas demandas para a "desescalada": "O virus en Galicia tivo pouca circulación e a maioría de poboación galega non tivo contacto con el".
A Atención Primaria, ante o estudo da Xunta: "Facemos 100.000 test do virus e nós aínda non sabemos se estamos contaxiados"
O Sergas iniciou este xoves a ampla análise epidemiolóxica nos centros de saúde, onde o persoal denuncia a "sobrecarga", cuestiona a súa idoneidade e critica a "irresponsabilidade" de non ser sometido ás probas.
A Xunta encomenda ás enfermeiras de Atención Primaria o estudo do coronavirus: das chamadas aos test
Os centros de saúde galegos engaden ás consultas diarias e ao seguimento dos afectados pola Covid-19 a realización das probas a 100.000 persoas para o estudo epidemiolóxico do Sergas, que comezan este xoves.
A Xunta apraza a 2021 as oposicións docentes previstas para este mes de xuño
A conselleira de Educación, Carmen Pomar, anuncia o adiamento das probas a menos de dous meses da súa celebración e logo do clamor de opositores, sindicatos e oposición para que rematase coa "incerteza".
Paro tamén para os despedidos en período de proba, nas novas medidas económicas fronte ao virus
O Goberno central prorroga dous meses a prioridade do teletraballo e permite ERTE en empresas de servizos esenciais nun novo decreto lei. A Xunta avala ata 1.500 euros de anticipo aos traballadores nun expediente temporal que aínda non cobraran a prestación.