Miguel Pardo

MásMóvil lanza unha OPA para mercar por 2.000 millóns Euskaltel, grupo ao que pertence a empresa galega, impulsada hai vinte anos por Unión Fenosa, o Pastor ou a caixa de aforros do sur, máxima accionista ata 2010. 

Galicia afronta o impacto da COVID coa peor taxa, xunto a Andalucía, de psicólogos clínicos por habitante, menos de 4 por cada 100.000. O país sitúase á cabeza do Estado en casos de depresión e ansiedade e en "estado de alerta" por falta de recursos, segundo denuncian os profesionais. 

Arias Mosquera, presidente da Fundación Barrié, pide ao alcalde que se "absteña" de construír unha cidade deportiva na parcela do centro cedida pola entidade nos anos 70 e ameaza con "revogar as doazóns e exixir a súa reversión".  

As cifras diarias sobre incapacidades temporais polo coronavirus previron con moita precisión a incidencia da doenza. No que vai de ano tramitáronse xa máis de 42.000 baixas, chegando a rexistrarse 3.350 nun só día. 

O borrador de Educación non diferencia entre a figura do Acompañante Terapéutico e a de coidador e abre a posibilidade de que sete alumnos con necesidades especiais poidan ser atendidos por un único docente especializado.

Galicia foi unha das poucas autonomías onde descendeu o paro rexistrado en xaneiro e decembro, pero máis da metade das persoas que abandonaron as listas fixérono por non renovar a tarxeta de demandante ou por "outras causas". 

"Xogan cos picos da pandemia para ir contratando e despedindo", denuncian persoal e sindicatos sobre a empresa de telemárketing subcontratada pola Xunta, á que acusan de despedir tras o período de proba e contratar á marxe do convenio. Na terceira onda o plantel superou as 450 persoas fronte ás menos de 300 da actualidade. 

As restricións provocadas pola pandemia afectan con dureza actividades arredor do lecer, o turismo ou a estética, que reclaman máis axudas e maior "empatía e sensibilidade" tras un ano de limitacións ou parálise total. 

A Audiencia Provincial da Coruña considera "razoable" a investigación aos dous axentes que detiveran o futbolista tras unha denuncia da Liga de Fútbol Profesional durante o polémico caso Fuenlabrada. 

A presunta trama implica o presidente da entidade, a súa muller e a súa filla, xa en prisión. Fontes colexiadas e da investigación advirten do uso de "empresas pantalla" para o enriquecemento familiar a costa da institución. 

A pandemia provoca o aumento da ansiedade de da depresión entre a poboación, especialmente na mocidade. Profesionais advirten da situación "precaria" coa que Galicia afronta a problemática pola falta de recursos de atención psicolóxica na sanidade pública. 

O número de hospitalizados por coronavirus volve baixar, ata 320, pero hai aínda 75 persoas nas UCI. Sanidade suma 112 casos novos fronte aos 277 da xornada anterior.