Praza Pública

O Superior ditamina que a petición de informes sectoriais debe tramitarse antes da fase de información pública, doutrina que a empresa considera contraria á lei de avaliación ambiental e causante de "importantes perdas" económicas. A compañía presentou unha recusación, que foi rexeitada, contra o maxistrado Luís Villares. 

O equipo LHCb do Consello Europeo para a Investigación Nuclear (CERN) vén de dar a coñecer "resultados sen precedentes" sobre o fenómeno da violación da simetría CP (paridade de carga). Neste traballo participa persoal investigador do Instituto Galego de Física de Altas Enerxías (IGFAE), centro mixto da USC e da Xunta.

Case nove mil persoas participaron no exame en Silleda, moitas delas vestidas de negro seguindo a convocatoria lanzada por Eventuais en Loita. O colectivo denuncia as súas "precarias condicións de traballo" pola acumulación constante de contratos por días ou semanas ou pola falta de dereitos laborais.

A marcha convocada pola APDR defendeu un ano máis "un futuro sen ENCE na ría". A entidade confía aínda en decisións xudiciais que impidan a prórroga concedida ata o ano 2073 polo goberno de Mariano Rajoy, inicialmente anulada pola Audiencia Nacional pero posteriormente recuperada polo Tribunal Supremo.

A rebelión foi iniciada por Yevgeni Prigozhin, xefe do grupo Wagner, que ordeou este venres pola tarde a entrada das súas tropas na cidade rusa de Rostov, sede do mando militar sur. Dende as primeiras horas deste sábado os soldados de Prigozhin dirixíronse cara á capital do país ata que a media tarde a mediación do presidente Lukashenko conseguiu que regresasen ás súas bases

O pasado ano as medidas postas en marcha polo concello e a concienciación da cidadanía permitiran que o areal amencera sen lixo, pois o 95% das 20 toneladas xeradas fora depositado pola xente nos colectores. Este ano en praia América, entre Panxón e Lourido, xuntáronse máis de 60.000 persoas, tres veces máis que en anos anteriores. O alcalde anuncia "novas medidas" para o 2024.

A Consellería de Educación publicou este o xoves a versión definitiva do catálogo para o curso 2023/24, coa conversión de ciclos presenciais na modalidade a distancia. CIG e CCOO denuncian tamén "o fomento da FP dual" e o incremento da oferta en centros concertados e privados.

As asembleas de traballadores acordan convocar paros o 6 e 7 de xullo e logo os días 19, 20 e 21 do mesmo mes ante o "inmobilismo" da patronal na negociación dun novo convenio.

Os xuíces conclúen que nos dous lotes se vulnerou o número máximo de contratos que poderían adxudicarse a cada licitador porque as compañías do grupo tiñan unha presenza “moi significativa” en ambas UTE

O historiador Dionisio Pereira, o escritor Henrique del Bosque Zapata e o editor Antón Mascato, entre os promotores do manifesto que sinala a  "utilidade de concentrar o voto no BNG" tamén como "antídoto contra o avance da extrema dereita"

Son moitas as persoas que manteñen a tradición de recoller plantas para -co orballo da noite máis curta do ano- lavarse con elas ao día seguinte.Fiúncho, Fento macho, Codeso, Abeloura ou Herba de San Xoán, Malva, Romeu e a Herba Luísa son algunhas das especies máis empregadas, pero hai moitas outras

Xunto ás novidades non faltan os clásicos do Arde Lucus: das vodas e bautismos celtas ao mercado e os campamentos romanos e castrexos das asociacións locais que impulsan a festa xunto ao Concello