Praza Pública

Institutos de Cerceda e Cangas tiveron que suspender as clases polo desprendemento das cubertas e caídas de árbores e pólas provocaron varios accidentes de tráfico. 

Hibernarse é o título da nova canción do dúo, que dende este xoves pode escoitarse nas plataformas dixitais. É o primeiro avance dun EP do mesmo título, que ata o vindeiro 10 de abril irá dando a coñecer cada semana un novo tema

O Superior reafirma un ditame de 2022 no que rexeitou a solicitude do Estado para que a Administración autonómica tamén pagase a indemnización pola rebaixa de peaxes ilegal na AP-9 do Goberno de Rajoy.

As representacións sindicais da CRTVG, RTPA, EITB, TV3, Canal Sur, Telemadrid, IB3, Canal Estremadura e Castela a Mancha Media crean a alianza 'RTVs Públicas en Loita', desde onde poderán convocar mobilizacións conxuntas

"É unha liña vermella", avisa Néstor Rego, que exixe ao Executivo de Sánchez que "abandone a ambigüidade" e negue calquera financiamento público ao proxecto de Palas de Rei. Lara Méndez (PSdeG) dubida que a iniciativa cumpra cos requisitos para obter axudas da UE. 

O programa 'A cultura é un dereito' da Deputación da Coruña xunta voces expertas da música, o dereito e os arquivos nas xornadas 'Traducir a tradición'. As xornadas, que culminarán coa presentación do 'Cancioneiro galego serodio' de Xabier Díaz, teñen as inscricións abertas ata este 18 de marzo

Emerxencias responde ao PSdeG, que cuestionou o uso dun "contido machista" na conta institucional, que retirou o meme "ante a controversia suscitada": "Pode dar lugar a diferentes interpretacións"

Eros, o documental de de Rachel Daisy Ellis sobre os "moteis do amor" en Brasil, fíxose co Premio AGANTRO á excelencia antropolóxica na Mostra Internacional de Cinema Etnográfico do Museo do Pobo Galego. O Premio MICE ao Mellor filme galego foi para Corre o vento, unha peza de Paula Fuentes e Guillermo Cabrera que nos conduce até Vilar do Courel, unha pequena aldea que leva décadas resistíndose á desaparición.

Grupos Vivos contra Altri por todo o país saíron hoxe ás rúas de máis dunha ducia de concellos para protestar contra o proxecto da macrocelulosa de Altri en Palas de Rei e a Declaración de Impacto Ambiental (DIA) positiva a este proxecto que a Xunta de Galicia emitiu no Diario Oficial de Galicia (DOG) o pasado venres 14 de marzo. 

“Imos gañar a batalla de Altri fronte á traizón do PP coa mobilización de todas as persoas que lle queren a Galiza”. Así o afirmou a portavoz nacional do BNG, Ana Pontón, nunha comparecencia trala reunión de urxencia que o grupo parlamentar celebrou este sábado no Parlamento para abordar a situación creada despois da publicación do informe ambiental favorable ao proxecto de macrocelulosa.

O CSIC presentou este mércores en Ribadavia as tres novas variedades autóctonas, froito do traballo realizado nos últimos anos polo grupo VIOR da Misión Biolóxica de Galicia, e que xa se poden plantar. Os aceites elaborados a partir delas poderán venderse incluíndo o nome da variedade nas etiquetas.

Profesionais da educación social mobilízanse en repulsa pola morte de Belén Cortés a mans de tres menores no centro tutelado onde estaban internados cando a traballadora se atopaba soa ao seu cargo. Denuncian que a falta de recursos e a externalización de servizos "impactan na calidade da atención e poñen en risco a integridade" de quen a realiza. Advirten, asemade, do "cúmulo de informacións erróneas" en torno ao caso que "estigmatizan nenas e nenos no sistema de protección"