Praza Pública

O director finés obtivo o galardón principal do Festival de Cine de Ourense con Fallen Leaves. Ademais, La Memoria Infinita, de Maite Alberdi conseguiu o Premio Carlos Velo á mellor Dirección e o Premio Especial do Xurado. Ourense acolleu tamén a entrega dos Premios María Luz Morales de ensaio e videoensaio sobre o audiovisual, que foron para Ivan Villarmea, Juan Ares, Manuel Iglesias e Miguel Casaseca e Víctor López

A neurocientífica nacida na Pastoriza inaugurou as festas cun discurso no que destacou que "a ciencia trae saúde, alimenta o coñecemento e disipa os medos. Beber dela danos alentos e esperanza" e no que pediu que Galicia lle abra as portas aos galegos e galegas que viven fóra.

Esta tecnoloxía pode mudar o paradigma da rehabilitación das patoloxías neuromusculares na infancia.

As celebración ábrense este mércores coa lectura do pregón a cargo da neurocientifica Sonia Villapol e continuarán ata o vindeiro 12 de outubro. Ducias de concertos, actividades infantís e, por suposto, polbo, converten a cidade de Lugo na capital da festa en Galicia

Trátase dun conxunto de materiais que o Museo custodia dende a súa creación en 1977 por expreso desexo de persoas que foran membros do Seminario, como Xaquín Lorenzo ou Antonio Fraguas. Son as primeiras fichas visibles da colección en liña do MPG, que irá aumentando a medida que avancen os traballos de documentación e catalogación

Este martes presentouse en Ourense o informe Mapa de Cohesión Social do Eixo Atlántico, o primeiro elaborado para un sistema urbano transfronterizo. O documento alerta de que "na nosa sociedade, o futuro de cada persoa está fortemente determinado polo fogar no que nace" e subliña que "o principal reto para a redución da desigualdade" é "máis político que técnico".

O rei designa candidato á investidura ao socialista, que se citará con todos os grupos agás con Vox, nunha rolda que iniciará con Yolanda Díaz este mércores. 

Na xuntanza que mantivo coa alcaldesa Goretti Sanmartín, Alfonso Rueda comprometeuse a autorizar a aplicación da medida en Compostela, aínda que cunha serie de condicións, como que o imposto sexa recadado polo Concello e que se acade un "consenso" co sector. A Xunta opúxose nos últimos anos á implantación desta ferramenta, que o propio Rueda cualificou como "contraproducente"

O escrito di que os catro homes e a muller acusados actuaron en grupo xunto cos dous menores xa condenados e que "eran conscientes de que coa duración e persistencia dos golpes podían ocasionar a morte"

Ana Pontón asegura que o de Rueda é "un goberno coas pilas esgotadas" e salienta que o BNG "representa o futuro e a esperanza". A portavoz nacional do BNG presentará "medidas urxentes" como un bono escolar ou a restitución da Tarxeta Básica no debate de política xeral no Parlamento

Os sindicatos consideran "insuficiente" e "inaceptable" a proposta da Xunta, que non contempla rebaixa do número de escolares en Secundaria nin en FP.

A pasada semana a Deputación, agora presidida polo popular Luís López, anunciou o nomeamento de Ángeles Tilve Jar en substitución de José Manuel Rey, que chegara en 2019 tras un concurso aberto. Os sete integrantes do Consello Asesor abandonan o posto en "disconformidade" con decisións "unilaterais" que "non responden a ningún parámetro de orde técnica"