Praza Pública

Tras recibir denuncias de varios colectivos a Fiscalía Superior de Galicia remite o caso á do Supremo por afectar a persoas aforadas

A marca de orixe británica mercada pola chinesa SAIC salienta que o seu proxecto en Galicia supón "o reinicio da fabricación en Europa"

O pasado ano continuou a tendencia, iniciada hai uns anos, de incremento do número de médicos e médicas menores de 35 anos, que ten como consecuencia un progresivo (aínda que lento) rexuvenecemento do conxunto do persoal médico colexiado en Galicia, que é o cuarto de maior idade no Estado

Edicións do Cumio vén de publicar Mundial 2026. A guía definitiva, 48 páxinas con toda a información sobre o torneo e as seleccións participantes e que inclúe 500 adhesivos para ir completándoa a medida que avanza a competición. Realizada por Iker Biguri e Ignacio Hernández, ofrece a posibilidade de "gozar do fútbol e a literatura dun xeito atractivo e didáctico"

O selo Yisus debuta este 11 de xuño con Algún Día Volverémonos Ver, da chinesa Smalltung, e enmarcada no xénero yuri, centrado en relacións románticas entre personaxes femininas.

Trátase dunha cifra en aumento pero que fica moi por detrás doutras comunidades, mesmo de varios territorios con menos poboación. O pasado ano houbo máis nacionalizacións de mulleres (4.881) que de homes (3.463) case a metade foron de persoas entre os 25 e os 45 anos.

Merino, unha das voces máis singulares da poesía galega contemporánea polos seus cruces entre literatura, oralidade, escena e performance, será o protagonista da segunda edición desta iniciativa, que busca apoiar os novos creadores coa estadía dun mes na Residencia Literaria 1863 da Coruña e unha achega de tres mil euros.

A institución lucense lanza a súa estratexia de IA, un modelo público "baseado en código aberto", no que a "supervisión humana segue sendo fundamental" e o galego, "irrenunciable". As aplicacións de MencIA comezarán por "facilitar o labor do persoal" da Deputación con ferramentas como resumidores de documentos, calculadoras de prezos de contratos públicos, monitores de edictos no BOE ou varios chatbots especializados

Pontevedra acolleu a gala de entrega dos XIII Premios Martín Códax da Música, con 15 galardóns a artistas e proxectos por categrorías, un a artista emerxente e tres a salas, festivais e iniciativas de comunicación. Los Suaves recolleron tamén o seu recoñecemento honorífico nunha noite na que a directiva de Músicas ao Vivo subliñou "a necesidade de recoñecer o papel central das músicas e músicos dentro da cultura e da industria do país".

A catedrática de Literatura Galega, que substitúe no cargo a Rosario Álvarez, foi elixida nunha sesión plenaria de carácter extraordinario na que a súa era a única candidatura. É a sétima persoa que ocupa o cargo, tras Ramón Piñeiro, Xosé Filgueira Valverde, Carlos Casares, Alfonso Zulueta de Haz, Ramón Villares e Rosario Álvarez.

Hai dúas semanas dous torques e o brazalete de ouro, de posible orixe castrexa e procedentes dunha colección particular galega, foron vendidos nunha poxa realizada pola casa Ansorena por un total de 210.000 euros

A transferencia debe aprobarse como lei orgánica, o que require nun seguinte paso do voto a favor de 176 dos 350 escanos do Congreso, para o que podería ser necesario o apoio dos populares