Praza Pública

Os combinados masculino e feminino, recoñecidos oficialmente, disputan varios partidos de cara aos World Games que se celebrarán o vindeiro ano. 

O Carme xunta abondosa presenza política nos actos festivos por toda a costa. Rueda centra a axenda na entrega de despachos na Escola Naval de Marín, Ana Pontón celebra a festa en Ribeira e José Ramón Gómez Besteiro, en Camariñas

As dúas últimas gañadoras do Premio Nacional de Poesía do Ministerio de Cultura chegan este 17 de xullo ao ciclo poético e musical dirixido por Lois Pérez, que ata fin de mes acolle tamén unha homenaxe a Lois Pereiro con Antón Reixa, Xosé Manuel Pereiro e Pedro Granell e mais un repaso á primeira década de Apiario con Antía Otero e Dores Tembrás

O IGFAE (Instituto Galego de Física de Altas Enerxías), protagonista nun achado "de récord", no límite da relatividade de Einstein, unha onda gravitacional que abre novas perspectivas no estudo destes eventos cósmicos.

A conselleira de Medio Ambiente anunciou a intención de recorrer a sentenza que constata a "inactividade" do Goberno galego e do Estado ante a auga contaminada polas macrogranxas apenas vinte e catro horas despois de que a ditase o TSXG. "O que teñen que facer Xunta e Estado é recuperar canto antes a calidade ambiental do encoro", di a portavoz nacional do Bloque

Ducias de persoas concéntranse ante o CHUO nunha mobilización á que acudiu a portavoz nacional do BNG, Ana Pontón, que denuncia que "en pleno século XXI as ourensás teñan que parir en condicións terceiromundistas".

O agora líder do PP teima en ligar a Pedro Sánchez co "abominable negocio da prostitución" unha década despois de que o seu grupo impedise excluír do financiamento público os medios que publicasen anuncios que dende 2023 son legalmente "publicidade ilícita" en todo o Estado

MeteoGalicia avanza que a temperatura media do mes pasado foi 20,5 graos, case tres por riba do habitual. Na segunda quincena do mes Ourense só tivo dous días nos que non superou os 30 graos e en catro xornadas rexistrou máis de 40

O equipo liderado pola doutora María Mayán, do grupo CellCOM do Centro de Investigación en Nanomateriais e Biomedicina (CINBIO) descubriu un novo mecanismo molecular capaz de restrinxir a capacidade das células tumorais para reparar o seu ADN, a principal forma de defensa fronte aos fármacos. Mayán destaca o valor de realizar "ciencia de vangarda" desde Galicia.

A conselleira de Política Social, Fabiola García, afirmou este xoves que Galicia non ten na actualidade nin unha soa praza dispoñible para acoller menores estranxeiros non acompañados que neste momento se atopan noutras comunidades autónomas. O Colexio de Psicoloxía amosa a súa "fonda preocupación" pola "situación crítica" do sistema, da que culpa á "escasa vontade política e institucional" da Xunta.

A proposta do BNG para substituír no rueiro a Eduardo Sanjurjo pola histórica banda bravú sae adiante cos votos socialistas e nacionalistas e o "non" do PP. PSdeG e Bloque destacan a achega dos 'Diplos' á música galega e á "Coruña dos barrios" cunha iniciativa que sinala a necesidade de cumprir coa Lei de Memoria Histórica. Os populares afean que pretendan "borrar a historia"

"Que dentro de dous anos, cando rematemos todo isto, o presidente Feijóo veña inaugurar estas instalacións como presidente do Goberno de España", desexou Nidia Arévalo ao intervir na presentación da segunda fase do complexo do club vigués no seu municipio, que foi mudando entre rexeitamentos dunha comunidade de montes afectada, unha licenza ilegal, unha reforma para legalizala ou a recente declaración como Proxecto de Interese Autonómico