Alcoa teima en parar as cubas de San Cibrao pero abre a porta a mudar o ERE por un ERTE de dous anos
Este martes finaliza o periodo de consultas do ERE. Os traballadores denuncian a "insistencia" de Alcoa cando está sobre a mesa unha oferta dun comprador interesado en adquirir a factoría, Liberty House Group, que este luns mantivo un encontro co comité de empresa, que cualifica a súa proposta de "solvente".
A Xunta abre un proceso sancionador contra a Liga e o Fuenlabrada por incumprimentos graves do protocolo sanitario
O procedemento, resultado dunha investigación iniciada a pasada semana pola Consellaría de Sanidade, será notificado nos vindeiros días. O presidente da Xunta di que se trara defeitos "moi graves dende o punto de vista da saúde pública". Arteixo rexistra un brote con 17 novos positivos nun ximnasio.
Profesorado e familias reclaman ante a Xunta un novo protocolo da Covid que garanta a seguridade nos centros de ensino
Unha concentración ante a sede de San Caetano esixiu unha redución do número de alumnos e alumnas por aula, contratacións de profesorado e persoal non docente e instrucións claras para levar a cabo a teledocencia ou sobre como actuar ante posible brotes
Gonzalo Caballero aposta por un novo PSdeG "galeguista, enraizado no país e autónomo"
O PSdeG-PSOE levou a cabo o seu tradicional acto en Rianxo polo Día Nacional de Galicia, no que realizou unha ofrenda a Castelao. O secretario xeral da formación destacou que "socialismo e galeguismo" son as dúas caras "da mesma moeda" e subliñou que “Galicia é
a nosa causa”.Pontón celebra os resultados do 12X pero advirte de que son "un punto de partida" e que "haberá goberno do BNG"
O Bloque 'expande' os actos do 25 de xullo polas sete cidades galegas e fai un chamamento a sumar "máis galegos e galegas" ao seu proxecto, mesmo as persoas non nacionalistas. "Dirixámonos con sorriso e man tendida a todas aquelas persoas que queren un futuro mellor para o noso país", di Ponton
Dous incendios en Monterrei e Viana do Bolo queiman máis de 700 hectáreas
O forte vento complica os traballos que extinción, nos que están a colaborar un gran número de traballadores, que mesmo actuaron durante a noite.
A análise de mil mostras de pacientes galegos da Covid-19 servirá para coñecer máis a enfermidade e a súa evolución
O proxecto Epicovigal, liderado polo catedrático da Universidade de Vigo David Posada, secuenciará o material xenético do virus para entender mellor a súa circulación en Galicia. Ademais, a Real Academia Galega de Ciencias premiou nun acto celebrado na USC o traballo de 20 grupos de investigación das tres universidades galegas na crise da Covid-19.
A Editorial Galaxia celebra o seu 70 aniversario cun número especial de Grial
A Asemblea Fundacional tivo lugar o 25 de xullo de 1950 no Hotel Compostela da capital galega. A revista, que conmemora a efeméride, será dobre e incluírá contidos especiais sobre a historia do proxectos e estrea novas seccións que pasarán a ser fixas na publicación
O BNG leva o 'Día da Patria' ás sete cidades, nun acto político "expansivo" que quere abrir ás persoas non nacionalistas
Ademais do tradicional mitin da Praza da Quintana, precedido por unha marcha dun milleiro de persoas dende a Alamaeda, as outras seis urbes acollerán cadanseu encontro, que conectarán en directo coa transmisión dos discursos realizados en Compostela
Un incendio en Verín queima máis de 160 hectáreas en poucas horas e dificulta a circulación na A-52
O lume declarouse a primeira hora da tarde e obrigou a mobilizar a un gran número de traballadores forestais e equipos de extinción, chegados mesmo dende fóra de Galicia.
Sindicatos do ensino 'sulfatan' o plan da Xunta para a COVID-19 nas aulas: "Así non pode empezar o curso"
O principal "clamor" do persoal docente é a "redución das ratios" de estudantes por aula, que o protocolo da Xunta non contempla. BNG e PSdeG secundan a reivindicación e instan a Xunta a negociar
Ecoloxistas en Acción advirte sobre a ameaza da minaría submarina fronte ás costas galegas
A entidade reclama unha moratoria desta actividade, prexudicial para a biodiversidade mariña e a produción pesqueira. Unha parte dos montes submarinos do Banco de Galicia contan con depósitos metálicos de potencial interese económico para as empresas mineiras