Praza Pública

En oito de cada dez fogares non hai ninguén menor de 16 anos. A cuarta parte do total están compostos só por maiores de 65.

Na votación organizada pola Real Academia Galega e o Portal das Palabras da Fundación Barrié o termo sumou máis do 40% dos case 7.200 votos rexistrados. O segundo máis votado entre os finalistas foi Foliada, con case o 20%; no terceiro posto ficou lume seguido de desfeita, loia e retrinco.

Na súa mensaxe de Nadal o líder dos socialistas galegos, José Ramón Gómez Besteiro, fai balance dun 2025 marcado polas esperas na sanidade, os problemas de acceso á vivenda, as eivas no ensino ou os incendios e chama a situar as persoas no centro da política fronte "a quen leva anos gobernando sen escoitar".

A folga convocada este martes no centro loxístico da multinacional tivo un seguimento do 100% segundo a CIG. Aínda que o persoal tentou impedir a saída dos vehículos de reparto, as forzas de seguridade interviron para escoltalos. A compañía só foi quen de dar saída a parte dos paquetes almacenados grazas á contratación a través de empresas de traballo temporal.

Este venres entra en vigor a Zona de Baixas Emisións (ZBE) da cidade de Ourense, na que non se comezará a sancionar aos vehículos infractores ata xullo do ano que vén. A medida acompáñase da peonalización das rúas Valle Inclán e Arturo Pérez Serantes e de parte da Avenida de Bos Aires, das rúas Cardeal Quevedo, Bedoya e dun lateral do Parque de San Lázaro.

O proxecto Galician Beats realizado polo xornalista Alejandro Gándara Porteiro, busca contextualizar e rexistrar a evolución contemporánea da música electrónica en Galicia. O autor ofrece un contexto global e local para explicar o fenómeno polo cal a electrónica pasou dunha posición marxinal a formar parte das principais propostas musicais da escena galega. A investigación inclúe entrevistas con artistas como Nuno Pico (Grande Amore), Alejandro Guillán (Baiuca), Belén Vidal (Bflecha) ou Elba Souto.

O PP presentou este ano o presidente da Xunta como cociñeiro dunha cea "para todos os galegos" entre mencións ao PSOE e BNG como corruptos e intolerantes. A portavoz nacional do BNG vira monologuista para, "con todo o meu humor", felicitar as festas con chanzas e referencias á actualidade

A Cátedra Rosalía da Universidade de Santiago vén de lanzar o primeiro museo en liña de iconografía rosaliana, resultado do traballo de Laura Camino. A ferramenta interactiva pódese visitar libremente e permite acceder por primeira vez a un percorrido virtual polas representacións da escritora desde o século XIX ata os nosos días.

O Gordo esquiva Galicia pero o resto de premios deixan varios millóns de euros en numerosas localidades, incluído o segundo, que caeu no número que xogaba a empresa Bimba y Lola. 

Despois dun primeiro intento en 2018, o proceso reiniciou en 2024 e culmina agora outorgando o máximo nivel de protección á música e baile tradicionais. O decreto recoñece o “gran protagonismo que teñen as mulleres no folclore galego” e  recolle medidas de salvagarda para a protección deste patrimonio

Macroplanta Biogás na Limia NON rexistrou este luns máis de 1.600 alegacións contra o proxecto nas oficinas da Subdelegación do Goberno e do concello de Xunqueira de Ambía

Celso Bugallo faleceu en Pontevedra aos 78 anos. O actor nado en Sanxenxo en 1947 foi merecedor do Premio Goya en 2005 como actor de reparto, polo seu papel de irmán de Ramón Sampedro no oscarizado filme 'Mar Adentro', de Alejandro Amenábar