Galicia perderá case 210.000 habitantes en quince anos e superará por pouco os 2,5 millóns
Segundo o INE, a poboación galega caerá un 7,6% nos tres próximos lustros e o saldo vexetativo seguirá sendo negativo, pero cuns 18.000 falecementos máis que nacementos, 6.000 máis que na actualidade.
O expediente, en "español ou inglés": moi lonxe do estado plurinacional
Unha investigadora queda fóra dunha convocatoria de contratos predoutorais do Ministerio de Economía por presentar a súa certificación académica en galego
A sombra da trama corrupta de Granados chega ao Sergas
AGE asegura que a Xunta contratou coa empresa Cofely, "corazón da rede de saqueo", por once millóns de euros. A Asociación Galega para a Defensa da Sanidade Pública advirte que tamén é adxudicataria da ampliación do hospital do Salnés e da construción de quince centros de saúde
Os emigrantes claman por unha solución de vez para as sancións de Facenda
Unha marcha percorre Compostela reclamando que se inclúan modificacións nos cambios lexislativos que se debaten no Congreso para conseguir un "tratamento igualitario" para os pensionistas multados por Facenda, que exixen "desculpas" do Executivo central.
O Valedor lembra a ausencia de estudos que xustifiquen o cambio de uso do Castelo de Monterrei
En resposta ás queixas presentadas pola Plataforma pola Defensa do Castelo, o Valedor pide "aclarar cales son as vantaxes económicas" para a Xunta "financiar integramente a rehabilitación de parte dos inmobles para seren cedidos gratuitamente"
'Cinemas de Galicia': máis cine e máis filmes galegos polo país
Agadic presenta un circuíto que pretende incrementar a oferta cinematográfica nos lugares sen sales e achegar máis títulos galegos ás pantallas. A rede comeza en catro concellos que proxectarán un mínimo de oito películas, cando menos cindo delas galegas.
Colectivos animalistas convidan os partidos a asumir as súas propostas de cara ás municipais
Asociación Animalista Libera, a plataforma Galicia, Mellor Sen Touradas e a Fondation Franz Weber elaboraron un manifesto que se ocupa dos circos con animais, da situación do canís, do comercio ilegal ou do acceso dos animais ao transporte público.
O Foro por un Mundo Rural Vivo lembra que só 12 labregas se acolleron á Titularidade Compartida
Mondoñedo acolleu esta fin de semana a novena edición deste encontro, organizado pola Plataforma Rural e acollido polo Sindicato Labrego Galego, e no que participaron 200 persoas chegadas de todo o Estado.
Mariza pechará o Womex con máis asistencia dos últimos cinco anos
A fadista porá a música na cerimonia de entrega dos premios desta edición, que recoñecerán o artista caboverdiano Mário Lúcio Sousa, o selo alemán Glitterbeat e á propia artista portuguesa. A feira celebrada esta semana en Compostela bateu marcas, coa presenza de 280 stands
O BNG denuncia a “criminalización e represión sistemática” da protesta social
Vence advirte de que o proxecto de Lei de Seguridade Cidadán agravará esta situación, “con cambios profundamente regresivos” que reducen “garantías xudiciais” e abren a porta á “arbitrariedade e indefensión dos informes de parte”
Un novo edil non electo substituirá a Currás, premiado coa dirección galega de Tragsa
O ex rexedor compostelán, imputado por tráfico de influencias no caso Pokemon, deixará a súa acta de concelleiro para dirixir en Galicia esta empresa pública, cun soldo mesmo superior ao que recibía como alcalde. Coa súa marcha, 8 dos 13 edís do PP non terán sido elixidos pola cidadanía.
Unha cadea humana polo futuro do naval en Ferrol
A CIG vén de convocar para o 13 de decembro a realización dunha cadea humana na Ponte das Pías para denunciar "o grave risco de desertización, non só industrial senón tamén humana" da comarca.