O BNG reclama a transferencia das competencias de salvamento marítimo a Galicia, que "debe coller as rendas da súa costa"
Na celebración do 20 aniversario do Prestige, o Bloque lembrou a mobilización social que seguiu ao afundimento do petroleiro. A formación propón tamén a creación dun servizo público e a construción dun heliporto na Costa da Morte e alerta de que "permanece" o risco de que reproduza un desastre medioambiental no litoral
A muradá María Maceiras gaña o Premio Nacional de Gastronomía para mocidade pola súa defensa en TikTok da pesca sostible
Ten 22 anos e leva catro saído ao mar todos os días no barco da súa familia. O galardón destacou "o gran labor divulgativo" que desenvolve nas redes sociais, onde "promove o respecto ao mar e ás súas especies, concienciando da importancia da pesca sostible"
Hai cen anos Vicente Risco tiña un plan: a galeguización das escolas
A Fundación Vicente Risco publica unha edición facsimilar do Plan pedagóxico para a galeguización das escolas, publicado polo intelectual en 1921 na revista Nós. No texto avogaba pola introdución do idioma galego nun ensino absolutamente monolingüe en castelán.
Unha galega, detida en Irán durante as protestas pola morte de Mahsa Amini
A axencia especializada en dereitos humanos HRANA indica que Ana Baneira, de 24 anos, foi arrestada nas mobilizacións pola morte de Masha Amini. A coruñesa participou en diversas iniciativas sociais nos últimos anos e exerce como voluntaria en Cáritas
A Illa de Arousa homenaxea as xentes do mar que loitaron contra o fuel do Prestige coas súas propias mans
O 19 de novembro os protagonistas daquela loita protagonizarán un coloquio que se completa cunha exposición fotográfica de Víctor Mejuto e a proxección do documental 'Carcamáns', de Marcos Nine. "Se a catástrofe é incualificable, impresionante foi a resposta social. Na Illa bateeiros, pescadores, mariscadoras e voluntarios traballaron xuntos en primeira liña", destaca o Concello
🔊Fálase | As palabras do Prestige e memoria de nós en internet
No novo episodio do Fálase, o podcast informativo de Praza.gal conducido por David Lombao, achegámonos ao glosario colectivo que a asociación Unha Gran Burla Negra elaborou ao fío do vixésimo aniversario da catástrofe do Prestige e tamén escoitamos algo do que dicían os gobernantes da época. Ademais, tamén en clave de memoria, con VINTE coñecemos o videoensaio no que María Yáñez traza unha historia underground da internet galega.
'As Bestas', o filme de Sorogoyen inspirado no crime de Petín, chega aos cines con preestrea no Cineuropa
O crime do "holandés de Petín" sucedido no ano 2010 na aldea de Santoalla chega á ficción da man de Rodrígo Sorogoyen e conta con Luis Zahera e Diego Anido no reparto
Os sons do Prestige: varios podcast recuperan as voces da marea negra 20 anos despois
Cuando el mar se quedó mudo, realizado por Carne Cruda, e Prestige, todas as chamadas. Todas as voces: Toda a verdade, de Sonora afondan en varios capítulos no desenvolvemento da catástrofe do petroleiro. Así mesmo, o Fálase desta semana tamén se detén nas palabras que marcaron a traxedia e a mobilización social posterior.
Nunca Máis volve no aniversario do Prestige cun documental e avisos de materias pendentes para protexer o mar
O 13 de novembro a plataforma presenta o documental '20 anos de dignidade', dirixido por Xosé Aragunde, lembrando un tempo no que Galicia "rompeu clixés". Sinala que a presión social logrou avances, mais sinala que persisten "perigos" nos buques que transportan mercadorías perigosas con bandeiras de conveniencia e insiste na necesidade de vixiar o estado dos restos do petroleiro, onde "segue habendo 1.100 toneladas de fuel"
- 📺 Vídeos
- Cultura
Morre Llorenç Soler, que retratou coa súa cámara as loitas polo monte comunal ou contra a 'navallada' da AP-9
O documentalista valenciano fina aos 86 anos de idade. Nos anos 70 realizou varios filmes en Galicia, nos que recolleu varias loitas sociais do momento.
- Galería #DefendeAGalega
- Política
“Por unha CRTVG ao servizo do pobo”: unha manifestación reclama a fin do “secuestro da Xunta”
Persoal, sindicatos, partidos da oposición e todo tipo de asociacións critican que nada se corrixa nos medios públicos galegos malia as sentenzas que constatan a precariedade laboral e represalias
Unha manifestación reclama en Santiago a inmediata aprobación da ‘lei trans’
“Estamos soportando unha persecución e violencia que está tendo, e vai ter, unhas consecuencias incalculables nas vidas de persoas cunha enorme vulnerabilidade”, di a Asociación de Familias de Menores Trans