Praza Pública

O Teatro Principal acolleu a segunda edición da conmemoración inspirada no Alba de Gloria de Castelao e que homenaxeou a Concha Losada, Xaquín Mato, Mabel Loza e a Miguel Fernández. A alcaldesa, Goretti Sanmartín, destacou que a festa "naceu para ser colectiva, unitaria, para sumar vontades, para dialogarmos e medrar, para subir novos chanzos nesta Compostela amada"

O secretario xeral do PSdeG rexeita a "triste idea de que somos un territorio atacado e menosprezado". Contrapón o galeguismo do PSdeG cun Goberno do PP ao que "lle dá preguiza" o país e por iso "vive mellor inventando rivalidades que traballando para transformar"

A empresa, que achegará 13 vehículos e 32 traballadores, comezará este xoves a recoller os residuos acumulados nas rúas da cidade. Nas últimas semanas, no marco do conflito que a cidade mantén co comité de empresa do servizo de recollida de residuos, controlado polo sindicato STL, 125 contedores foron queimados, cun custo total aproximado de 375.000 euros

O palangreiro sufriu unha vía de auga a unhas 200 millas das Malvinas por causas que aínda se descoñecen. Entre as 14 persoas sobreviventes atópanse catro tripulantes galegos: tres veciños de Ribeira e un de Pontevedra

Ás 22:07 da noite en Fisterra, 5:07 da mañá en Nachikatsuura (Xapón) produciuse, á vez, o solpor e o mencer a dez mil quilómetros de distancia. Un acto simultáneo das dúas localidades, que se retransmitiu na rede, amosou o fenómeno, que ten lugar dúas veces ao ano e selou a unión entre as dúas terras.

A cifra, moi por riba dos datos de anos anteriores, sitúa o noso país como o territorio do Estado con máis falecementos por esta causa. A maior parte das mortes rexistradas este ano en Galicia e no conxunto do Estado producíronse en espazos sen vixilancia

Ademais da programación de concertos e outras actividades das Festas de María Pita, o calendario inclúe o Viñetas desde o Atlántico, o Festival Noroeste, o fútbol do Teresa Herrera e a Romaría de Santa Margarida, ademais da Feira do Libro, o Festival Internacional de Folclore, a Semana Clásica e o Festival de Habaneras

ADEGA e Mariña Patrimonio alertan de que as probas motociclistas de enduro do Alto de Guítara, nas que chegaron a participar 250 motos, veñen celebrándose dende o ano 2022, e a última edición tivo lugar en marzo de 2024.

Este mércores o IGADI organiza a primeira edición do Maratón de Galeguidades, un evento online no que dende as 8:30 da mañá se sucederán conexión en directo cos diferentes continentes para manter entrevistas e faladoiros con galegos e galegas que viven e traballan neses lugares. Búscase "visibilizar" o papel da emigración galega na construción da Galicia global de hoxe e reflexionar sobre a potencialidade da diáspora.

A autorización da construción dos parques Moeche, Badulaque e Barqueiro chega pouco despois de que o Goberno de España tamén aprobase os denominados Tesouro e Santuario, todos eles promovidos por Enel

Viñetas desde o Atlántico celebrará a súa 27ª edición do 12 ao 18 de agosto cunha ampla programación na que destaca a exposición colectiva Toriyama en Galicia, da man dunha coidada selección de autoras e autores do país. Ademais, Gaspariño convértese no primeiro personaxe galego que se incorpora á colección de figuras de tamaño xigante que durante eses días se instalarán na cidade.

O Museo do Gravado acolle a exposición Os homes, por Castelao na Colección de Roberto Taboada, que amosa por vez primeira as 68 pranchas de cinz orixinais utilizadas polo artista rianxeiro na creación destas estampas, que primeiro se publicaron no xornal Galicia