O comité da CRTVG acusa a dirección de "represalias" por convocar a manifestación "en rescate dos medios públicos"
O comité intercentros asegura que representantes sindicais foron apercibidos por accións como pegar en instalacións da corporación carteis chamando á mobilización do 6 de novembro. "Accións anteriores de exactmaente a mesma natureza" non foran respondidas con "amoestacións", afirman
Vinte no patio: os mellores contidos de VINTE para descubir de camiño á escola (e tamén na clase)
A xente máis moza atopará en Vinte no Patio vídeos, podcast, xogos e novos formatos que chegan acompañados de mudanzas e melloras no sitio web de VINTE
- 🔊Podcast Orzamentos 2023 Fálase
- Acontece
🔊Fálase | Números importantes e aburridos e mais unha sonata
No novo episodio do podcast informativo de Praza.gal, conducido por David Lombao, poñemos pausa e contexto para explicar o fundamental dos Orzamentos Xerais da Xunta para o ano vindeiro: o que sobe, o que baixa, o que se mantén e o que inflúe nas nosas vidas, que é case todo. Contra o remate escoitamos unha sonata para coñecer o que nos contou James Rhodes durante a súa estancia na Coruña
Folga indefinida na axuda no fogar: "Abocan as traballadoras á pobreza"
Unhas 25.000 persoas de avanzada idade e en situación de dependencia reciben atención do SAF con traballadoras que cobran apenas 15.500 euros brutos anuais. A CIG desmárcase do preacordo asinado por CC.OO. e UGT porque, alén da reclamada suba do 6,5% neste ano, pode dar lugar a que "a traballadoras dun concello lles apliquen incrementos do 3% e ás do lado, do 1%"
Unha pequena fiestra para (algunh)as seleccións galegas no pacto do PNV co PSOE na Lei do Deporte
O acordo implica que a nova Lei do Deporte permita a participación internacional directa das federacións autonómicas de deportes "con arraigo histórico e social" no seu territorio ou se a federación que corresponda está integrada na súa homóloga internacional antes que a española
A contaminación e as altas temperaturas elevan os niveis nocivos de ozono en Galicia, dos que só se libra Pontevedra
Nos nove primeiros meses de 2022 as concentracións deste contaminante en Galicia aumentaron con respecto aos dous anos anteriores, aínda que seguen por debaixo das cifras de 2019, salienta Ecoloxistas en Acción. Segundo os indicadores da OMS, toda a poboación galega respirou aire contaminado, agás a da cidade do Lérez.
Rueda acepta ante Lores contribuír á rehabilitación do convento de Santa Clara e elude a Ence no futuro do pazo de Lourizán
O alcalde de Pontevedra destaca o ton "cordial e construtivo" da xuntanza co presidente da Xunta, pero lamenta que o Goberno galego siga sen ter "oco dentro dos seus plans" para a variante de Alba malia ser "unha necesidade imperiosa para as infraestruturas de Pontevedra"
'As malas mulleres' de Marilar Aleixandre gañan un Premio Nacional de Narrativa ata agora inzado de homes
O xurado do premio, que ata este ano recibiran 4 escritoras e 39 escritores, destaca a "orixinal estrutura híbrida" desta novela histórica sobre a situación carceraria das mulleres no século XIX. En edicións previas este mesmo premio distinguira obras en galego de Suso de Toro, Manuel Rivas e Alfredo Conde. Nos últimos anos abondan as autoras e autores galegos nos galardóns do Ministerio de Cultura
Investigadores da USC debullan a orixe do meteorito que no 2021 iluminou o ceo de Galicia: un evento que sucede cada 700 anos
Na madrugada do 18 de xaneiro de 2021 moitas persoas viron un intenso brillo no ceo nocturno, acompañado dun grande estrondo. O superbólido correspondía a un asteroide de 1,15 metros e 2,62 toneladas que penetrou na atmosfera e imactou contra o chan no Concello de Baralla, onde dous meses máis tarde foi recuperado un meteorito de 527 gramos
As bibliotecas celebran o seu día como espazos "abertos e libres" que "te coidan"
Este luns 24 de outubro celébrase o 'Día das Bibliotecas' baixo o lema "BiblioTEcoida", destacando que a través dos seus diversos servizos e recursos estes equipamentos "preocúpanse por atender as necesidades dos seus usuarios". "As bibliotecas están abertas a toda a cidadanía e son un alicerce fundamental ao servizo das comunidades ás que pertencen", destácase
- Galería Prestige 20
- Política
A inauguración oficial do Parador de Muxía chega 20 anos despois do Prestige e tras dous en funcionamento
A principal promesa para a reactivación turística da Costa da Morte tras a catástrofe do Prestige inaugúrase oficialmente polas autoridades vinte anos despois do afundimento do petroleiro con discursos que gaban a súa sostibilidade e respecto pola contorna natural
- Galería
- Cultura Pontevedra
Milleiros de fotografías e documentos históricos da cidade de Pontevedra, dispoñibles para a súa consulta na rede
O portal atoPo da Deputación publica 150.000 fondos do arquivo municipal dende 1834 ata 2004. O repositorio suma xa 2,2 millóns de referencias de toda a provincia, agás da cidade de Vigo.