A proposta do BNG para substituír no rueiro a Eduardo Sanjurjo pola histórica banda bravú sae adiante cos votos socialistas e nacionalistas e o "non" do PP. PSdeG e Bloque destacan a achega dos 'Diplos' á música galega e á "Coruña dos barrios" cunha iniciativa que sinala a necesidade de cumprir coa Lei de Memoria Histórica. Os populares afean que pretendan "borrar a historia"
Malia que as toneladas de desperdicios nas praias seguen a baixar —13 menos que o ano pasado e cinco veces menos que hai unha década—, a alcaldesa, Inés Rey, advirte de futuras actuacións para evitar "unha imaxe que non casa coa cidade que construímos: amable e respectuosa co medio ambiente".
Aquí Tamén Se Fala e o edil de Cultura, Gonzalo Castro, descobren as novas placas da vía dedicada ao Deportivo, que mantiñan o topónimo deturpado desde 2012. O cambio na denominación da rúa chega no medio da intensa campaña a prol da mudanza no nome oficial do club, ao que aprema agora a administración local.
A iniciativa de dinamización lingüística impulsada polo IES Rafael Dieste da Coruña consolida o éxito do seu certame musical en galego, que volveu encher a Praza da Tolerancia. O alumnado tomará agora o control do proxecto fotográfico O Novo Normal para unha iniciativa a prol do topónimo oficial no Deportivo.
O agresor asestou varias puñaladas á falecida pouco despois das 6.30 horas da mañá. A Policía acudiu pouco despois e detivo de inmediato o home no propio inmoble. Activouse o protocolo VioGén por un posible caso de violencia de xénero, pois segundo varias fontes asasino e asasinada eran ou foran parella, un dato aínda non confirmado polas autoridades. Trataríase así do terceiro asasinato por violencia de xénero en Galicia este ano.
O Goberno galego, a través dun convenio da Axencia de Turismo de Galicia, volve subvencionar con máis de 40.000 euros a asociación Meigas de las Hogueras de San Juan, á que atribúe a "organización" dos festexos.
O Concello da Coruña e Xunta acordan manter as pinturas no seu actual emprazamento -ante o alto custo e risco que suporía un traslado destas doce pinturas a outras dependencias- coa intención de abrir no futuro un espazo que poña en valor a obra do artista.
A alcaldesa, Inés Rey, engade ás vantaxes para os inquilinos as dos propietarios, que "verán aumentada a desgravación fiscal". O presidente da Xunta, Alfonso Rueda, pola contra, cre que a medida reducirá a oferta para alugar vivendas.
A xunta de goberno local aprobou este mércores a ordenanza fiscal impulsada pola Xunta a través da que se implantará este gravame á estadía dos e das visitantes, que será levado a pleno para a súa entrada en vigor no final do verán.
O reitor, Ricardo Cao, anuncia o inicio dos trámites para implantar a nova titulación en dous anos, unha medida que xustifica pola falta de remuda xeracional no persoal médico e para dar resposta á alta demanda formativa.
O Goberno de España acepta suspender a votación prevista e continuar o debate tras a demanda de máis información e as dúbidas legais e financeiras de varios Estados. O Partido Popular recoñece as súas manobras para conseguir que os tres idiomas non se tornasen oficiais.
A iniciativa dinamizadora impulsada desde o IES Rafael Dieste organiza a segunda edición dun certame gratuíto de música en galego que reuniu preto de 5.000 persoas o pasado ano.