A folga en Vitrasa supera os cen días co transporte urbano de Vigo en servizos mínimos e unha situación límite tanto para a cidadanía como para o propio cadro de persoal. Este venres será clave para o conflito posto que os traballadores e traballadoras terán que vota a continuidade da folga indefinida.
"Estamos na zona cero para o turismo e decidimos prohibilo porque tiñamos un trasfego brutal de xente polo edificio. Non había a seguridade que calquera quere ter dentro da súa comunidade", conta a Praza.gal a vicepresidenta dunha comunidade de propietarios de Vigo que modificou os seus estatutos para impedir os alugueiros turísticos
Case 26.000 fogares e unhas 69.000 persoas son beneficiarias do Ingreso Mínimo Vital no país e máis do 70% de quen o solicita son mulleres, segundo os datos do Ministerio de Inclusión e Seguridade Social.
Tras unha década de ensino dixital en Galicia a cegas, sen que a Xunta fixera análise ou autocrítica ningunha da súa implantación, son numerosas as voces que piden unha reformulación da estratexia. Ás criticas dos propios docentes de Primaria e Secundaria sumáronse nos últimos tempos familias que piden directamente abandonar o programa E-dixgal. Co obxectivo de deitar luz sobre o debate da dixitalización na escola e tomar unha posición , a Confederación de Anpas galegas reuniu nunha xornada docentes e investigadoras que destaparon as principais eivas do proceso de dixitalización do ensino galego.
Nas últimas semanas suicidáronse en Galicia varias persoas novas, casos que apareceron na prensa –con excepcións– co foco na localización. Os especialistas lembran que o importante é o que hai detrás, chegar a tempo a quen pensa en intentalo, a quen o intentou pero non o logrou, a quen o vai intentar nos vindeiros días. Para iso, é preciso "ter a quen acudir, unha atención psicolóxica de calidade –para á que é necesario un acceso máis ou menos rápido e que o tempo entre consultas non se eternice– e que dea respostas eficaces ás dificultades que se presentan", detalla o psicólogo clínico Carlos Álvarez García.
A firma, con sede en Monforte, esixía ao persoal asinar documentos en branco e condicións laborais ilegais "abusando nalgúns casos da súa situación de necesidade"
Integrantes do Grupo Histagra da USC presentaron ao alumnado de Bacharelato do IES Rosalía de Casto de Santiago o traballo de procura, identificación e exhumación dos restos de persoas represaliadas polo Franquismo que realizan dende hai tres anos. Falamos con Antonio Míguez Macho sobre a importancia deste tipo de actividades
Ana G. Liste, xornalista de Praza.gal, será unha das relatoras da sétima edición do encontro, que se celebra en Pontevedra os vindeiros 15 e 16 de marzo
O obxectivo é controlar a escalada de prezos do alugueiro, que está a facer cada vez máis difícil o acceso a unha vivenda digna. Porén, alén dunha función orientativa, o índice só ten aplicacións prácticas se os gobernos autonómicos aproban primeiro unha declaración de zonas tensionadas.
A Comisión de Investigación do Ministerio de Transportes conclúe que o sinistro dunha avioneta que capotou no aeródromo de Rozas debeuse á "perda de control da aeronave debido á picadura ao piloto dunha vespa velutina"
Hai anos xa que o persoal das escolas públicas da Xunta alerta dunha situación de sobrecarga laboral que leva a estas traballadoras ao límite. Aseguran sentirse discriminadas respecto ás súas compañeiras da Galiña Azul, que tamén dependen da Xunta pero teñen outro convenio. "Se elas están en precario porque lles quitan as horas de titorías, nós xa non as temos desde nunca. A nosa xa é unha precariedade histórica”, lamentan desde a asociación de técnicas e técnicos superiores en Educación Infantil de Galicia. Con todo, garanten que os nenos están ben atendidos.