Na Teixeira, Baños de Molgas, Beariz, Calvos de Randín, Chandrexa de Queixa, O Bolo, Porqueira e Sarreaus, todos na provincia de Ourense, non houbo nacementos en 2024. No 24% dos partos rexistrados o pasado ano a nai nacera no estranxeiro.
No ano 2024 rexistrouse un novo mínimo da serie histórica, con só 13.350 nacementos en Galicia, 650 menos que o ano anterior. Porén, nos nove primeiros meses deste ano está a producirse un aumento, o primeiro en case dúas décadas. Entre xaneiro e setembro naceron 111 nenos e nenas máis que no mesmo período do pasado ano.
O treito dende a glorieta da Garaballa ata o remate da avenida de Benigno Rivera completa os traballos de desdobramento e humanización da avenida Infanta Elena conexión clave na entrada norte de Lugo e nos seus polígonos industriais e áreas comerciais
Queimar o lixo sae caro para o peto da cidadanía. A nova lei estatal, na liña do estipulado en 2018 por unha directiva europea e co obxectivo de fomentar a reciclaxe, grava cun imposto a incineración do lixo e o seu envío a vertedoiros, unha das razóns que explica o aumento do prezo dos recibos. Galicia converteuse na comunidade autónoma cunha menor porcentaxe de residuos reciclados, apenas o 24%, 19 puntos por debaixo da media española. A metade do lixo quéimase e o 26% restante acumúlase en vertedoiros.
Un traballador morre e outro resulta ferido nun sinistro cun elevador nas obras da alta velocidade na aínda pendente variante de entrada a Ourense, en San Cibrao das Viñas
Este xoves a Casa Xohana Torres (Santiago) acolle a preestrea do documental O próximo baile será contigo no marco da programación do 25N. O filme, dirixido por Sabela Losada, amosa dende dentro o funcionamento dun destes grupos nos que mulleres que enfrontan violencia de xénero comparten experiencias e debates, pero tamén "tristura e gargalladas".
As sociedades científicas apoian a folga e únense ao malestar de sindicatos, organizacións profesionais, asembleas e colexios médicos polas intencións da Xunta. Persoal concentrouse este martes en centros de saúde e PAC de toda Galicia.
Os sindicatos con representación na mesa sectorial manteñen o paro previsto tras outra xuntanza con Sanidade cun resultado que "segue sen satisfacer as exixencias". CIG-Saúde amplía dous días máis —ao 27 e 28— a convocatoria de folga prevista para o 26 de novembro.
Case un milleiro de traballadores do persoal do Servizo de Prevención e Extinción de Incendios (SPIF) pasan á lista do paro desde este luns malia que insisten en poder traballar todo o ano e colaborar en labores de restauración e prevención nos montes. Volvéronse mobilizar ante San Caetano pedindo un servizo "100% público" e emprego os doce meses.
