A AGPXC (Asociación Galega de Profesionais da Xestión Cultural) e a AGEM (Asociación Galega de Empresas Musicais), denuncian o incumprimento por parte das administracións galegas dos períodos fixados pola lei para o pagamento das facturas e subvencións públicas
A compañía teatral Souvenir, creada por María de las Llanderas e David Alonso, estrea 'Non é unha canción' este venres no Teatro Rosalía de Castro da Coruña. Unha obra "meta-teatral e autoreferencial" que xira entorno á súa relación coas intelixencias artificiais (IA) e o universo estético do turismo de masas
Na web do Museo do Humor de Fene pódese ver a exposición sobre a publicación que marcou unha época e da que o pasado ano se celebrou o 40 aniversario. Creada por Pepe Carreiro, entre 1983 e 1991 sacou á rúa 23 números, nos que colaboraron medio cento de humoristas gráficos e literarios
O libro máis vendido e traducido da literatura galega torna agora en novela gráfica da man de Iria Aldegunde e da editorial Galaxia.
O documento, presentado este luns, fixa unhas características comúns que permitan identificalas, catalogalas e reforzar a súa protección xurídica, da que actualmente carecen. Tamén se aposta por protexer o legado cultural e etnolóxico deixado pola emigración de retorno.
"Cada un levamos un pouco de Iribarne dentro e pensamos que estaba ben poder sacalo en escena a xogar", di a dramaturga, actriz e produtora da obra Esther Carrodeguas. Coas estreas en Madrid e Vilalba superadas, a peza inicia a súa xira para achegarse a este personaxe capital da nosa Historia recente, que resulta tan "difícil de abordar"
Xabier Ron publica A oralidade na ficción amorosa dos trobadores galego-portugueses ou como salvar o itinerarium ad dominam, un estudo centrado na influencia da oralidade nos relatos amorosos que afonda nas estratexias de comunicación cifrada empregadas nas cantigas galego-portuguesas a través das que os trobadores declaraban o seu amor a mulleres da nobreza.
Sabela Caamaño e Antía Ameixeiras, Caamaño&Ameixeiras, apostaron forte no seu segundo disco, 'Quitar o aire', e optaron polo carreiro máis inesperado, por explorar os instrumentos que as trouxeron ata aquí –o violín e mais o acordeón– seguindo as súas propias normas.
O certame de cinema LGTBIQ+ celebrará os días 29 de febreiro, 1 e 2 de marzo a súa segunda edición con cinco sesións no Teatro Colón da Coruña. A iniciativa NCD Educa levará as curtametraxes aos institutos.