A asesoría xurídica conclúe que “o sistema de financiamento autonómico debe ser cumprido polo Executivo con independencia de que se atope ou non en funcións” e achega alternativas como un decreto lei ou unha iniciativa lexislativa
No que levamos de 2019 todos os indicadores de sinistralidade están a empeorar, con 24 mortes no primeiro semestre, fronte ás 19 do mesmo período do pasado ano. Os accidentes graves medraron un 6%. Os sindicatos piden máis prevención e derrogar a reforma laboral do 2012.
O 62% das beneficiarias son mulleres e o 59% viven nas sete cidades. O número de perceptoras da renda de integración descendeu no 2018 por segundo ano consecutivo, ficando en 10.163 familias
Os tribunais paralizaron en xullo o proceso de eleccións sindicais tralas denuncias da CIG, que acusa á empresa de "prácticas mafiosas" para evitar que a central obteña representantes. A pasada semana o sindicato foi o máis votado en Novafrigsa, dependente do mesmo grupo
A porcentaxe de desafiuzamentos motivados polo impagamento de alugueiros leva anos medrando, en paralelo co encarecemento dos prezos, sobre todo nas zonas urbanas
Vulcano fará fronte en setembro a un ERE extintivo que afectará a 69 empregos e Navantia asiste ao bloqueo dos proxectos do Estaleiro 4.0 e do encargo do buque de apoio loxístico da armada. Barreras, con encargos, enfronta dificultades polo abandono do capital mexicano, que completa un ronsel de decepcións
A firma creada o 3 de agosto de 1939 por empresarios cárnicos e investigadores perseguidos polo franquismo para obter insulina dos páncreas de animais sacrificados derivou nestas oito décadas en todo tipo de proxectos farmacéuticos e químicos
As inscricións nas oficinas de emprego caeron por riba do 7% en Galicia e a creación neta de emprego rolda as 8.000 persoas, cunha media de 15 contratos laborais por emprego creado. A combinación dos devalos económico e demográfico provoca que o paro estea en niveis pre-crise pero haxa case 60.000 cotizantes menos na Seguridade Social