Fálase

Fin de semana de noites tropicais, en moitos lugares de Galicia a temperatura non baixou dos 20 graos nas dúas últimas noites. MeteoGalicia salienta que incluso en Fornelos de Montes ou Xesteiras (Cuntis) tiveron noites ecuatoriais, que suceden cando o termómetro non baixa dos 25º de temperatura. Os avisos por calor continúan este derradeiro día de xuño con nivel laranxa no sur da provincia de Lugo, na comarca de Valdeorras e na zona do Miño de Ourense; e están en nivel amarelo no centro e na montaña de Lugo, no interior da Coruña, no noroeste e no sur de Ourense e na zona do Miño de Pontevedra. Para o martes 1 de xullo seguirán activas as alertas por altas temperaturas en Ourense e Lugo.

Galicia atravesa unha fin de semana con temperaturas por enriba da media. Este sábado Ourense alcanzou os 41,5º, en Salvaterra de Miño o termómetro marcou 38.8º, en Monforte 38º, en Mondariz 37,6º, na cidade de Lugo superáronse os 36º e en Tui os 35º. Para este domingo MeteoGalicia ten activado o nivel de alerta laranxa por calor no sur das provincias de Lugo e Ourense, así como na comarca de Valdeorras e nas zonas do Miño de Pontevedra e Ourense. O resto do interior do país está en nivel amarelo, como permanecerá en gran medida no derradeiro luns de xuño. 

Falece José Antonio Redondo, catedrático de Economía Financiera da Facultade de Ciencias Económicas e Empresariais da Universidade de Santiago de Compostela, e que foi conselleiro maior do Consello de Contas de Galicia. O lucense era académico numerario da Real Academia de Ciencias Económicas e Financeiras de España e académico numerario da Sección de Ciencias Económicas e Sociais da Real Academia Galega de Ciencias. [📸 RAGC] 

A Xunta entregou este sábado en San Domingos de Bonaval as Medallas Castelao 2025 a Luar na Lubre, Víctor F. Freixanes, Emilio Pérez Nieto, Rosa Rodríguez Álvarez (en nome das e dos profesionais da atención primaria) e á Asociación Agaela. Uns galardóns que, en palabras do presidente Rueda, "recoñecen a persoas e institucións que, desde traxectorias vitais e profesionais moi diversas, contribuíron a engrandecer 'a fe na cultura, na historia e no ser dun pobo', o noso". [📸 David Cabezón/Xunta de Galicia]

Mobilización para a "reconquista" da illa de Toralla "por terra e por mar". Asociacións veciñais e ecoloxistas arribaron por terra e mar este sábado á illa de Toralla, no litoral vigués, para reclamar a "entrada libre" á illa e a realización da senda peonil litoral "que garantice o acceso á costa" de toda a cidadanía. Os manifestantes solicitan "máis implicación" do Concello de Vigo e esixen á Xunta e ao Goberno de España que "fagan cumprir a lei". [📸 Ecoloxistas en Acción] 

• HEMEROTECA | Chamamento á "reconquista de Toralla" na gran festa viguesa
• REPORTAXE | Cara á reconquista de Toralla: “Vivo aquí porque non entran os okupas”

O voceiro do PP insta a Pedro Sánchez e o seu gabinete a "saír coas mans e alto" do Goberno de España tras o aval do Constitucional á Lei de Amnistía. O que fora secretario xeral do PPdeG e actual xefe do grupo parlamentario dos conservadores no Congreso, Miguel Tellado, deputado pola Coruña, dá por "sometido" o Estado de Dereito a causa dun "Goberno corrupto nacido dun pacto corrupto".

• O TC declara constitucional a amnistía e amplíaa a delitos dos antisoberanistas

MeteoGalicia prevé temperaturas ata 10 graos por riba do normal en múltiplos puntos do país dende este venres e ata o luns por mor dunha nova entrada de aire cálido. As néboas, non obstante, "poden suavizar moito estes extremos" en moitos puntos da costa. [Mapa: MeteoGalicia]

• HEMEROTECA | A Xunta presenta o cambio climático como unha oportunidade para o turismo en Galicia
• HEMEROTECA | Dos 25,5 graos na Mariña aos 37,5 en Ourense: cando a calor fai saltar a alerta sanitaria

Greenalia prescinde da ex-conselleira Beatriz Mato no seu consello. A enerxética reestrutura o seu consello de administración, da que sae a ex-titular de Medio Ambiente da Xunta e ex-candidata do PP á alcaldía da Coruña, segundo adianta La Opinión. El Ideal Gallego asegura que continuará como directora de sostibilidade. Foto: Greenalia. 

O Parlamento acorda por unanimidade unha iniciativa do BNG para que a Xunta, da man do Concello de Ribeira, axilice a construción da residencia de maiores anunciada en 2021 e que Política Social vén de adiar 'sine die' amparándose nunha normativa estatal que aínda non existe. [📸 Proxecto arquitectónico gañador para a futura residencia de Ribeira, obra de Vázquez Muíño Arquitectos e Ola Arquitectura © Vázquez Muíño Arquitectos / Ola Arquitectura]

• + INFO👉🏻 A Xunta frea a súa residencia de maiores 'estrela' alegando restricións polas riadas de València

A ministra para a Transición Ecolóxica, Sara Aagesen, garante que Altri "non vai contar con axudas por parte do Estado". Así o manifestou nun acto en Vigo xunto ao alcalde, Abel Caballero.