Fálase

Aprobados definitivamente os orzamentos do Concello de Santiago para 2025 cos votos a prol do Goberno de BNG e CA e mais do grupo do PSdeG, que polo momento segue contando con todos os seus membros. O PP, pola súa banda, votou "non" ao proxecto, dotado con 146 millóns. Co trámite definitivo das contas compostelás o Concello de Ourense queda coma o único das sete principais cidades sen orzamento á vista na metade do mandato municipal; o goberno de Jácome non aproba contas dende 2020. Na imaxe, un intre do pleno [© Concello de Santiago]

• Ourense, única cidade sen orzamentos á vista na metade do mandato municipal

O propietario de Sargadelos afirma agora que declara a semana vindeira como "período vacacional" na fábrica de Cervo. Nun comunicado, Segismundo García di non crer "conveniente permitir o acceso de persoal" á factoría ata que sexa reparadas "as deficiencias detectadas pola eminentísima inspectora" de Traballo. O empresario engade, ademais, unha relación de "taras ou infraccións" que, mantén, tamén existen non complexo e que, afirma, "por neglixencia ou pode que por lacazanería, a insigne comisaria non detectou". A decisión sobre a próxima semana, indica, tómaa ata "que non se resolvan convenientemente as faltas e deficiencias detectadas ou se nos indique pola autoridade competente o camiño a seguir". [Imaxe: CC BY-SA Praza.gal]

• Sargadelos, vítima política do empresario que a salvou da quebra

Vivenda activa o primeiro contrato para construír en Vigo o seu segundo edificio de "aloxamentos compartidos" para mocidade, neste caso con 80 en San Paio de Navia. O primeiro destes proxectos sitúase en Santiago, nunha parcela onde Feijóo cancelou 40 pisos para mocidade. Na imaxe, a conselleira de Vivenda e o seu homólogo de Xuventude, este xoves nos terreos onde a Xunta construirá o edificio.

• HEMEROTECA | O primeiro "aloxamento compartido" da Xunta estará nun terreo onde Feijóo cancelou 40 pisos para mocidade
• HEMEROTECA | A Xunta prevé "aloxamentos compartidos" como vivenda protexida "transitoria" para mocidade e familias 

Sargadelos segue adiante co peche patronal da planta de Cervo e impide acceder ao persoal. O plantel congregado nas instalacións de Cervo avisou á Garda Civil para deixar constancia de que acudira con normalidade aos seus postos de traballo pero non puideron acceder a eles por mor da decisión do propietario, Segismundo García, de pechar para non cumprir coa Inspección de Traballo. Na imaxe, o complexo de Sargadelos en Cervo, onde este xoves si puido entrar o persoal da área administrativa, segundo confirmou El Progreso [CC BY-NC-SA Praza.gal]

• AMPLIAMOS 👉 Sargadelos teima no peche patronal en Cervo e suma outra denuncia na Inspección de Traballo
• O dono de Sargadelos anuncia o peche para non cumprir coa Inspección de Traballo

Trump intensifica a súa guerra comercial con aranceis masivos a múltiplos países, do 20% do caso na Unión Europea. O presidente dos EUA anunciounos no que deu en chamar "día da liberación", na imaxe, distribuída pola Casa Branca. [© The White House]

• HEMEROTECA | Os aranceis do 25% anunciados por Trump custarían 200 millóns ás empresas galegas, segundo a Xunta
• HEMEROTECA | "As fracturas na UE veranse agravadas con Trump, dando pulo ao populismo ultraconservador"

Sargadelos pecha a fábrica de cerámica de Cervo. O propietario da empresa, Segismundo García, anuncia o cese da actividade na fábrica, que afecta a uns 200 traballadores e traballadoras, tras recibir requirimentos da Inspección de Traballo. 

• AMPLIAMOS 👉 O dono de Sargadelos anuncia que pecha a empresa para non cumprir coa Inspección de Traballo
• HEMEROTECA | Do BIC global en Cervo ao BIC parcial en Sada: a protección das fábricas de Sargadelos pide "coherencia"
• HEMEROTECA | Sargadelos: unha icona de Galicia que teima na convulsión

A alcaldesa de Cambre dimite apenas un ano despois de chegar ao cargo. Nunha carta dirixida á veciñanza, María Pan sinala que PP, PSdeG e BNG lle botan "todo abaixo, pleno tras pleno, aferrándose a informes técnicos en contra". Marcha, agrega a ata agora rexedora en minoría para que "os once concelleiros de PP, PSdeG e BNG, que están boicoteando sistematicamente todas as solucións que o goberno de Unión por Cambre están poñendo enriba da mesa, teñan que situarse á fronte e traballar dende o goberno". Pan substituíu en marzo de 2024 a Óscar García Patiño, que dimtiu alegando o "bloqueo" da institución por decisións da secretaría e da intervención municipais. [Imaxe: © Concello de Cambre]

• OPINIÓN | Cambre, concello fallido? Por Carlos Amoedo

A Xunta pide a outras 209 persoas a través do DOG que acrediten ser "parte interesada" para alegar contra Altri. Anteriormente, o Goberno galego xa realizara a mesma petición a case un milleiro de persoas en dous chamamentos os pasados días 18 e 3 de marzo. Como nas publicacións previas, indica que se trata de persoas que asinaron alegacións contra o proxecto e "non indicaron adecuadamente o lugar de notificación ou non foi posible efectuala".

• A Xunta pide a outro cento de persoas no DOG que acrediten ser "parte interesada" para alegar contra Altri

As deputadas Raquel Arias (PP), Olalla Rodil (BNG) e Paloma Castro (PSdeG) abren o "melón" sobre o feminismo na política este martes en Pontevedra. Os Faladoiros Feministas que organiza o Concello de Pontevedra abordan a consecución do principio de igualdade no mundo do Deporte, a Política e a Cultura e o impulso e cambios que o feminismo conseguiu nestes eidos. A quenda do tándem feminismo e política é esta tarde, ás 19h, no Teatro Principal, moderado pola xornalista María Varela.

PuntoGal alerta de que a Liga de fútbol está a bloquear sitios web co dominio .gal "que non están realizando actividades ilegais" amparándose "na sentenza xudicial que lle permite impedir a emisión de eventos deportivos sen permiso". A entidade xestora do dominio galego na rede amosa "preocupación" por que a patronal do fútbol español estea a "invalidar dominios de xeito indebido, arredor dun cento en Galicia". "Estes feitos son un perigoso precedente para os dereitos dixitais", advirten.

• HEMEROTECA | Recolleita masiva de webs .gal para preservar a memoria da identidade galega en internet 
• HEMEROTECA | O .gal fai dez anos: un dominio galego non só "bonito", tamén "útil" e que busca medrar no eido empresarial