O salario mínimo subirá 15 euros, ata os 965 mensuais, de maneira retroactiva desde o pasado 1 de setembro. O Goberno central vén de alcanzar un acordo cos sindicatos.
Fálase
-
A Unesco declara a Ribeira Sacra e Serras do Oribio como Reserva da Biosfera tras amosar en xuño as súas dúbidas de que poida ser Patrimonio da Humanidade.
Adif adxudica por 17 millóns a electrificación dos 73 quilómetros de vía entre Monforte e Lugo. As obras durarán 18 meses e son un dos principais elementos da modernización da liña entre Ourense e Lugo que a empresa pública ten en marcha.
Toda Galicia quedará no nivel baixo de restricións da Xunta pola COVID dende o sábado agás Monforte, que fica no nivel medio. Así o comunicou Sanidade o pasado serán. O cambio de niveis combínase co novo protocolo da hostalería, en vigor dende hoxe, que polo momento non varía malia á sentenza do Supremo que permite esixir o certificado de vacinación, de test negativo ou de superar a enfermidade para acceder aos locais. Cómpre agardar, en calquera caso, para coñecer se o Goberno galego se dispón tamén a suprimir os límites ao dereito de reunión que aínda mantén.
Vén de publicarse no D.O.G. a orde que aproba o 'Plan de hostalaría segura', o novo protocolo para bares e restaurantes que entra en vigor este mércores e que de momento non recolle os efectos da sentenza do Tribunal Supremo que avala á Xunta para esixir o certificado COVID
Medio Rural dá por extinguido o incendio forestal que comezou en Ribas de Sil o pasado 6 de setembro. As últimas medicións apuntan a que arderon 1.592,90 hectáreas, máis dun milleiros delas de monte arborizado. A elas agréganse as 140 que arderon no outro foco que atinxiu a outra parroquia do mesmo concello. Na imaxe, tomada por efectivos da Brif de Laza, un instante dos traballos de extinción.
O Tribunal Supremo atende o recurso da Xunta e aválaa para esixir o certificado COVID no acceso á hostalería, pubs e discotecas. A medida fora rexeitada polo Tribunal Superior de Xustiza de Galicia o pasado agosto. Máis información, esta tarde en Praza.gal
Comeza en VINTE a programación das curtametraxes da sección Novas Camadas - Deleite do Festival de Cans. Inaugúrase hoxe con Dores, a curtametraxe documental sobre os campos de concentración franquistas en Galicia. Podes vela ata as 9:59 deste 15 de setembro nesta ligazón.
A taxa de variación anual do Índice de Prezos de Consumo (IPC) en Galicia sitúase en agosto no 3,9%, o valor máis elevado dende abril de 2011 e catro décimas por riba do dato de xullo. O principal responsable é o encarecemento de electricidade, gas e outros combustibles, un 29% nos últimos doce meses e un 24% no que levamos de ano.
O Goberno galego inicia o trámite para que o Parlamento acolla en outubro o primeiro debate de política xeral da lexislatura. O vicepresidente primeiro, Alfonso Rueda, trasladou á Cámara este martes a solicitude coa que comeza a tramitación. Esta sesión non se celebra dende setembro de 2019 (na imaxe), xa que a actual lexislación non contempla que haxa debate de política xeral en ano electoral, caso de 2020. [Foto: © Parlamento de Galicia]
