Fálase

A plataforma Transfuguismo non, democracia si, maniféstase ante a casa do Concello de Lugo para rexeitar a moción de censura coa que o PP prevé facerse coa alcaldía esta mañá grazas ao voto da tránsfuga ex-socialista María Reigosa. Ao tempo, cargos institucionais e orgánicos dos populares acumúlanse no acceso á casa consistorial para ocuparen o espazo do salón de plenos reservado ao público. Toda a información, hoxe en Praza.gal.

• 👉 AMPLIAMOS | O PP consuma a obtención da alcaldía de Lugo grazas á tránsfuga
• "Non estou na política por necesidade": a tránsfuga de Lugo confirma que dará a alcaldía ao PP
• O goberno de Lugo apura a presentación de proxectos en marcha ás portas da censura
• Os estatutos do PP tipifican como moi grave "valerse de tránsfugas para cambiar maiorías de goberno"

A Xunta propón que o vindeiro curso escolar comece o mércores, 9 de setembro e remate o luns, 21 de xuño. A Consellería de Educación vén de remitir aos sindicatos a proposta de calendario escolar para debater na vindeira reunión da Mesa Sectorial Docente. Segundo esta proposta, as vacación escolares do curso 26-27 irían do 21 de decembro ao 6 de xaneiro polo Nadal; do 8 ao 10 de febreiro polo Entroido e do 22 ao 29 de marzo en Semana Santa.

Co 88% escrutado, Carmen García Mateo e Belén Rubio pasan á segunda volta das eleccións ao Reitorado da Universidade de Vigo. García Mateo recibe o 39% dos votos ponderados e Rubio o 33%, mentres que o terceiro candidato, Jacobo Porteiro, quedaría fóra co 27%.

• AMPLIAMOS 👉 A UVigo tamén terá reitora: Carmen García Mateo e Belén Rubio pasan á segunda volta

Familias e profesorado maniféstanse en 25 localidades de toda Galicia en defensa do ensino público. Milleiros de persoas participan nunhas convocatorias ás que se sumaron anpas, sindicatos e outras entidades para transmitir "unidade e transversalidade". [Imaxe: BNG A Coruña]

• Alumnado, familias e profesorado: unidade para 25 mobilizacións polo ensino público

O Ministerio para a Transición Ecolóxica encarga un informe científico sobre o salmón para decidir se o declara en perigo de extinción. Lamprea e anguía son outras das especies en grave retroceso nos ríos galegos, que ecoloxistas e cociñeiros piden deixar de pescar, mentres a Xunta segue permitindo a súa captura. 

• Lamprea, anguía, salmón: así festexamos a extinción nos ríos galegos
• Entidades ecoloxistas piden máis protección nos ríos galegos para salmón, anguía e lamprea

O Goberno de España concede 100 millóns aos portos da Coruña e de Ferrol para seren centros loxísticos e de fabricación da industria da eólica mariña. O proxecto conxunto Golfo Ártabro Offshore Wind recibe case a metade dos 212 millóns repartidos polo Ministerio para a Transición Ecolóxica para desenvolvementos industriais en peiraos clave. 

• O sector eólico desbota aeroxeradores no mar antes de 2030 se o Estado non acelera este verán
• O Goberno de España prevé xa a primeira poxa de eólica mariña en 2025

O xigante chinés SAIC negocia coa Xunta instalar unha fábrica en Ferrol para producir 120.000 coches MG ao ano. O fabricante da marca de coches china máis vendida na UE decántase polo porto exterior ferrolán para a primeira planta destes vehículos en terreo comunitario. Así o anuncia o medio especializado La Tribuna de la Automoción. Na foto, o presidente da Xunta, Alfonso Rueda, con directivos de SAIC nunha fábrica de baterías en China. 

• Rueda viaxa á China en plenas críticas do PP e Feijóo a Sánchez por facer o mesmo

A Universidade de Vigo elixe este mércores a súa nova reitora ou reitor entre as candidaturas de Carmen García Mateo, Belén Rubio e Jacobo Porteiro. Ademais, renova o seu Claustro. As votacións comezan ás dez da mañá e pecharanse ás seis da tarde. O voto, como é habitual, é ponderado, con maior peso para o profesorado doutor con vinculación permanente. Están chamadas ás urnas 21.226 persoas: 18.253 estudantes; 2207 docentes e 766 PTXAS. Non hai voto electrónico, pero a Uvigo convértese hoxe na primeira universidade do Estado en facilitar o voto accesible en braille. 

O reconto poderá seguirse a través desta web, na que tamén se informará dos avances de participación, ás 13 e ás 16 horas. Se ningunha das candidaturas obtén máis da metade dos votos, haberá unha segunda volta o 15 de maio entre as dúas con máis apoios. De ser escollida unha muller, a Uvigo elixiría a primeira reitora da súa historia, como fixo hai unhas semanas a USC. 

• A Universidade de Vigo escolle rumbo para os vindeiros seis anos

Un galego, a bordo do cruceiro afectado por un gromo de hantavirus, doenza que se transmite polo contacto con ouriña ou feces de roedores e que xa causou tres falecidos entre a pasaxe do buque. O MV Hondius partiu da Arxentina o pasado marzo e nos últimos días estivo fronte ás costas de Cabo Verde. O Ministerio de Sanidade do Goberno de España confirma que "en tres ou catro días" o barco chegará ás Canarias, atendendo a solicitude da Organización Mundial da Saúde. Na fotografía, imaxe de arquivo do MV Hondius [©Vessel Finder]

Falece un neno de 8 anos tras caer de varios metros de altura á rúa dende o centro de protección de menores Nosa Señora do Carme, en Fisterra. O 061 acudiu ao lugar cun helicóptero medicalizado sen que fose posible facer nada pola vida do menor. A Garda Civil investiga as causas do suceso. Na imaxe,  de arquivo, un helicóptero do 061.. O 061 acudiu ao lugar cun helicóptero medicalizado sen que fose posible facer nada pola vida do menor. A Garda Civil investiga as causas do suceso. Na imaxe,  de arquivo, un helicóptero do 061.