Fálase

A Universidade de Vigo elixe este mércores a súa nova reitora ou reitor entre as candidaturas de Carmen García Mateo, Belén Rubio e Jacobo Porteiro. Ademais, renova o seu Claustro. As votacións comezan ás dez da mañá e pecharanse ás seis da tarde. O voto, como é habitual, é ponderado, con maior peso para o profesorado doutor con vinculación permanente. Están chamadas ás urnas 21.226 persoas: 18.253 estudantes; 2207 docentes e 766 PTXAS. Non hai voto electrónico, pero a Uvigo convértese hoxe na primeira universidade do Estado en facilitar o voto accesible en braille. 

O reconto poderá seguirse a través desta web, na que tamén se informará dos avances de participación, ás 13 e ás 16 horas. Se ningunha das candidaturas obtén máis da metade dos votos, haberá unha segunda volta o 15 de maio entre as dúas con máis apoios. De ser escollida unha muller, a Uvigo elixiría a primeira reitora da súa historia, como fixo hai unhas semanas a USC. 

• A Universidade de Vigo escolle rumbo para os vindeiros seis anos

Un galego, a bordo do cruceiro afectado por un gromo de hantavirus, doenza que se transmite polo contacto con ouriña ou feces de roedores e que xa causou tres falecidos entre a pasaxe do buque. O MV Hondius partiu da Arxentina o pasado marzo e nos últimos días estivo fronte ás costas de Cabo Verde. O Ministerio de Sanidade do Goberno de España confirma que "en tres ou catro días" o barco chegará ás Canarias, atendendo a solicitude da Organización Mundial da Saúde. Na fotografía, imaxe de arquivo do MV Hondius [©Vessel Finder]

Falece un neno de 8 anos tras caer de varios metros de altura á rúa dende o centro de protección de menores Nosa Señora do Carme, en Fisterra. O 061 acudiu ao lugar cun helicóptero medicalizado sen que fose posible facer nada pola vida do menor. A Garda Civil investiga as causas do suceso. Na imaxe,  de arquivo, un helicóptero do 061.. O 061 acudiu ao lugar cun helicóptero medicalizado sen que fose posible facer nada pola vida do menor. A Garda Civil investiga as causas do suceso. Na imaxe,  de arquivo, un helicóptero do 061.

Greenpeace e Ecoloxistas en Acción exixen a Altri no Porto que retire o seu proxecto na Ulloa. Activistas das organizacións despregan unha pancarta á entrada da asemblea xeral de accionistas que a empresa celebra este luns na cidade portuguesa. 

• Contas volve pedir máis transparencia na empresa coa que a Xunta pactou a chegada de Altri
• Altri e Pemex: o fracaso dos dous grandes proxectos industriais apadriñados por Feijóo
• Altri non: da conexión política á desconexión eléctrica

Este 3 de maio é o Día Mundial da Liberdade de Prensa, "piar das democracias" que "non é nin cuestión menor nin nos afecta só aos xornalistas", lembra o Colexio Profesional de Xornalistas. En Praza.gal as informacións son posibles co apoio de socias e socios.

• 👉 Faite de Praza
• 👉 Desgravación de doazóns

Este 2 de maio é o Día Internacional contra o Acoso Escolar. O pasado curso rexistráronse 91 casos en Galicia, o dobre que en anos anteriores, o que a Xunta atribúe a "máis sensibilización".

• HEMEROTECA | 91 casos de acoso escolar o pasado curso: a Xunta atribúe que se dupliquen a "máis sensibilización"
• En praza temos un espazo específico dedicado a este problema: Acoso escolar

O Concello de Lugo inaugura a estatua en homenaxe á falecida alcaldesa Paula Alvarellos. O acto de presentación da obra, elaborada por Miguel Couto, celebrouse este Primeiro de Maio de acordo coa familia da finada política e avogada "por tratarse dunha data moi significativa e especial" e ligada á súa traxectoria no eido do traballo. Queda instalada provisionalmente na Praza Maior ata que sexa trasladada a un espazo definitivo no Parque Rosalía de Castro "por ser o lugar favorito" de Lugo para a rexedora falecida, quen "serviu ata o  último momento á cidade, con traballo, compromiso, valentía e tesón” resalta o alcalde, Miguel Fernández. Ao acto, presidido polo rexedor, acudiron familiares e compañeiros de Alvarellos, entre eles os principais dirixentes do PSdeG encabezados por José Ramón Gómez Besteiro [Imaxe: PSdeG]

• HEMEROTECA (marzo 2025) | Paula Alvarellos, a avogada que nun só ano deixou pegada como alcaldesa de Lugo

Falece o filólogo Fernando Cabeza Quiles (Ponferrada, 1953), incansable estudoso da toponimia galega. A Real Academia Galega expresa o seu "fondo pesar" pola morte de quen foi un gran "divulgador dos nomes da nosa terra, en particular daqueles lugares que marcaron a súa traxectoria vital". "Mostra desta paixón son os tres volumes que deixa publicados na colección Terra Nomeada: ‘Toponimia da Estrada’ (2018), ‘Toponimia de Carballo’ (2020), ‘Toponimia de Ribeira’ (2022) e ‘Toponimia de Padrón en Pontecesures’ (2025), explica a institución académica sobre Cabeza Quiles, falecido por mor dun accidente cando circulaba en bicicleta na parroquia carballesa de Ardaña. [Imaxe: © RAG]

A Xunta activa o protocolo tras morrer unha nena en Ourense con posible meninxite e estuda os seus contactos estreitos. Sanidade comproba o "estado vacinal" da súa contorna por se fose necesario completalo. 

O acordo comercial entre a UE e o Mercosur entra en vigor este venres de maneira provisional. O tratado entre Europa e a Arxentina, o Uruguai, o Brasil e Paraguai está pendente da resolución xudicial do TXUE e aínda debe ser ratificado pola Eurocámara. 

• O campo galego contra o acordo con Mercosur: "Competencia desleal" e peche de explotacións
• A UE asina o pacto con Mercosur fronte á "lei do máis forte" e tenta acougar o sector agrogandeiro