Fálase

O Concello de Lugo inaugura a estatua en homenaxe á falecida alcaldesa Paula Alvarellos. O acto de presentación da obra, elaborada por Miguel Couto, celebrouse este Primeiro de Maio de acordo coa familia da finada política e avogada "por tratarse dunha data moi significativa e especial" e ligada á súa traxectoria no eido do traballo. Queda instalada provisionalmente na Praza Maior ata que sexa trasladada a un espazo definitivo no Parque Rosalía de Castro "por ser o lugar favorito" de Lugo para a rexedora falecida, quen "serviu ata o  último momento á cidade, con traballo, compromiso, valentía e tesón” resalta o alcalde, Miguel Fernández. Ao acto, presidido polo rexedor, acudiron familiares e compañeiros de Alvarellos, entre eles os principais dirixentes do PSdeG encabezados por José Ramón Gómez Besteiro [Imaxe: PSdeG]

• HEMEROTECA (marzo 2025) | Paula Alvarellos, a avogada que nun só ano deixou pegada como alcaldesa de Lugo

Falece o filólogo Fernando Cabeza Quiles (Ponferrada, 1953), incansable estudoso da toponimia galega. A Real Academia Galega expresa o seu "fondo pesar" pola morte de quen foi un gran "divulgador dos nomes da nosa terra, en particular daqueles lugares que marcaron a súa traxectoria vital". "Mostra desta paixón son os tres volumes que deixa publicados na colección Terra Nomeada: ‘Toponimia da Estrada’ (2018), ‘Toponimia de Carballo’ (2020), ‘Toponimia de Ribeira’ (2022) e ‘Toponimia de Padrón en Pontecesures’ (2025), explica a institución académica sobre Cabeza Quiles, falecido por mor dun accidente cando circulaba en bicicleta na parroquia carballesa de Ardaña. [Imaxe: © RAG]

A Xunta activa o protocolo tras morrer unha nena en Ourense con posible meninxite e estuda os seus contactos estreitos. Sanidade comproba o "estado vacinal" da súa contorna por se fose necesario completalo. 

O acordo comercial entre a UE e o Mercosur entra en vigor este venres de maneira provisional. O tratado entre Europa e a Arxentina, o Uruguai, o Brasil e Paraguai está pendente da resolución xudicial do TXUE e aínda debe ser ratificado pola Eurocámara. 

• O campo galego contra o acordo con Mercosur: "Competencia desleal" e peche de explotacións
• A UE asina o pacto con Mercosur fronte á "lei do máis forte" e tenta acougar o sector agrogandeiro

A folga médica contra o estatuto marco provocou no que vai de semana a suspensión de case 24.000 actos médicos no Sergas. O seguimento do paro no sistema sanitario galego foi na mañá deste xoves do 19,6%, alcanzando nos hospitais máis do 26%. Foto: O'Mega. 

O Congreso bota abaixo o decreto que permitía a prórroga extraordinaria de alugueiros. Os votos de PP, Vox e Junts derrotaron a medida aprobada polo Consello de Ministros o pasado 20 de marzo. As forzas de esquerda votaron a favor e o PNV abstívose. O Ministerio de Consumo estimou que máis de 130.000 persoas se poderían ter beneficiado en Galicia da prórroga de contratos e prezos.

• Máis de 130.000 persoas poden beneficiarse en Galicia da prórroga extraordinaria de alugueiros
• Rebaixas fiscais a luz e carburantes nun plan de 5.000 millóns para paliar os efectos da guerra

O seguimento da folga médica contra o estatuto marco sitúase en máis do 23% nos hospitais galegos, segundo cifra o Sergas, que asegura que o paro non foi secundado por case ningún profesional na atención primaria (1,6%). Os hospitais de Vigo, Pontevedra e A Coruña foron os que máis apoiaron a protesta. Foto. O'Mega. 

A CIG traslada a Lugo o seu acto central do Primeiro de Maio "en resposta á deriva autoritaria do PP". A central sindical nacionalista coida que os populares "veñen de dar un paso máis nas súas actitudes antidemocráticas asaltando o goberno municipal lucense cunha moción de censura nuns termos inaceptábeis", decisión que liga con outras como a "criminalización das baixas médicas" ou o "férreo control sobre os medios de comunicación públicos". A manifestación central da CIG parte ás 12 da mañá do Edificio Sindical, na Ronda da Muralla. Na imaxe manifestación lucense da Confederación Intersindical Galega o 1 de maio do pasado 2025.

• CRÓNICA | Lugo en pesetas
• Censura en Lugo: o PP obterá a alcaldía coa tránsfuga que logrou o posto pola morte dun compañeiro

O Estado homenaxea a Dolores Vázquez vinte e cinco anos despois do seu encarceramento inxusto tras ser sinalada como falsa culpable do asasinato da filla da súa ex-parella. A betanceira recibiu do Goberno de España a Medalla á Promoción dos Valores de Igualdade co gallo do Día da Visibilidade Lésbica. No acto evocou o "calvario" que viviu por mor da falsa acusación e agarda que a homenaxe sirva para que máis persoas poidan "entender que era e son inocente". "Non podía nin saír á rúa", lembra unha década despois de que a Xustiza lle denegase, alegando razóns formais, a indemnización que reclamou polos máis de 500 días que pasou na cadea.

• Homenaxe do Estado a Dolores Vázquez un cuarto de século despois do seu encarceramento inxusto
• HEMEROTECA | Betanzos homenaxea e pide perdón a Dolores Vázquez vinte e cinco anos despois da súa prisión inxusta

O profesorado galego vai mañá á folga por sexta vez este curso para exixir "melloras laborais reais" e a "garantía do seu cumprimento". CIG-Ensino convoca o paro e unha manifestación que sairá ás 12 do mediodía da Alameda de Santiago. O sindicato nacionalista cualifica de "anuncio propagandístico" o acordo difundido pola Xunta para reducir o horario do profesorado en Secundaria e adiantar a redución de ratios. 

• O profesorado impartirá dúas horas menos de clase en Secundaria