Fálase

A Federación Galega de Fútbol asegura prever que a selección feminina tamén volva xogar "antes de que remate o ano". Así o transmitiu á Plataforma Vía Galega, nunha xuntanza na da organización coa entidade federativa ao fío do Galicia - Panamá do vindeiro venres. "Ante a nosa preocupación por non ter fixado ningún partido da selección feminina de fútbol afirmaron que non fora posíbel polo calendario dalgunhas xogadoras, mais comprometéronse a que antes de rematar o ano a nosa selección feminina terá partido internacional", explican. Vía Galega promove unha manifestación pola oficialidade das seleccións galegas antes do partido do venres en Balaídos (18h30, Praza de América) [Imaxe: Vía Galega]

• Das celebridades da "outra Irmandiña" ao himno das Tanxugueiras: o programa da festa da selección
• HEMEROTECA (2016) | Catalunya impón a lóxica na festa do fútbol feminino galego

Rueda dá conta nun foro de La Voz de Galicia patrocinado por Abanca do cumprimento das medidas que prometeu para os primeiros cen días do seu segundo goberno. O presidente da Xunta apela, dous días despois da manifestación contra Altri, a "aproveitar as oportunidades que ofrecen as novas industrias". [Imaxe: Xunta de Galicia]

A nova edición de Acampa Coruña incluirá un memorial en lembranza da infancia asasinada en Gaza, ademais da recreación dun campo de persoas refuxiadas. O encontro internacional, que se celebrará na cidade herculina do 7 ao 9 de xuño, presentou o seu programa, que inclúe un minuto de silencio -o domingo 9 ás 12 nos Xardíns de Méndez Núñez- como repulsa ás accións do exército israelí, que asasinou xa 15 mil nenos e nenas.

9X | A CRTVG emite a partir das 10 desta mañá o seu debate polas eleccións europeas. Nel participan Nicolás González Casares (PSdeG), Francisco Millán Mon (PP), Ana Miranda (BNG), Juan Díaz Villoslada (Sumar) e Javier Nart (Ciudadanos). En anteriores convocatorias electorais, o director xeral dos medios públicos, Alfonso Sánchez Izquierdo, defendeu programar os debates electorais ás 10 da mañá e non en horario de máxima audiencia -como si fai a corporación nas eleccións galegas- para "comezar o día construíndo a axenda da actualidade" e que "os galegos e galegas sexan os primeiros en coñecer a opinión dos seus representantes".

• Resaca das galegas e tentación estatal nunhas eleccións europeas transcendentais
• Europeas 9X: xa están aquí (e poden pactar entre eles)
• 37 anos de eleccións europeas en Galicia: alta abstención e sorpresas nunha cita que ata 2019 dominou o PP
• HEMEROTECA | A CRTVG defende os debates electorais ás 10 da mañá e sinala baixa audiencia dos emitidos á noite noutras canles

O DOG publica os decretos que establecen as estruturas das consellerías do novo Goberno galego saído das eleccións do 18 de febreiro.

• HEMEROTECA | Rueda insire catro caras novas nun Goberno sen vicepresidencias

Ás 12 está previsto o inicio en Palas de Rei da manifestación contra o proxecto de celulosa de Altri, convocada pola Plataforma Ulloa Viva baixo o lema 'Dende a Ulloa ata a Ría, terra auga e aire son vida'. A marcha comezará no Polígono industrial e rematará na Praza da Feira. Ao longo da mañá rexistráronse importantes retencións nas estradas que levan a Palas e ao paso por vilas como Melide. Foto: @bngboiro

• ADEGA alerta de que a factoría de Altri en Palas contaminaría máis que a de ENCE en Pontevedra

Morre un bombeiro en Vigo tras o derrubamento dun edificio no que estaba a realizar unha revisión rutineira na Avenida de Beiramar. O traballador, de 49 anos, levaba dúas décadas no corpo de bombeiros da cidade. O Concello de Vigo decretou dúas xornadas de loito.

O Festival de Cans chega á súa intensa derradeira xornada, que contará coa presenza de David Trueba e os concertos de Su Garrido Pombo, Grande Amore, Nat Simons, Escuchando Elefantes e The Rapants e na que se entregarán os premios do certame.

Este venres a protagonista foi María Vázquez, que deixou a súa pegada no Torreiro das Estrelas e recibiu o Premio Pedigree de Honor. A actriz galega estivo acompañada pola vicepresidenta Yolanda Díaz e polo ministro de Cultura, Ernest Urtasun.

• A veciñanza de Cans homenaxea a Kepa Junkera, que xa ten o seu 'jaliñeiro'

A Corte Internacional de Xustiza ordena a Israel que deteña a súa ofensiva sobre Rafah. Israel non logrou convencer o tribunal das medidas que di que adoptou para mellorar a seguridade dos civís na franxa de Gaza. [Imaxe: Mohammed Hinnawi, UNRWA]

• España, Noruega e Irlanda anuncian que recoñecerán o Estado palestino o próximo martes
• A USC rompe relacións coas universidades ou empresas israelís que non acepten un estado palestino

A tradutora e asesora lingüística Rosa Moledo, galardoada co Premio de Honra Dolores Ben, que entrega a AGAPI (Asociación Galega de Produtoras Independentes) e que chega á súa terceira edición. Nacida en Mazaricos, como tradutora ten no seu haber numerosos traballos tanto para televisión coma para cine. Como asesora e supervisora lingüística colaborou en numerosas sesións de dobraxe para televisión e cine, así coma na rodaxe de diversos programas de entretemento e series televisivas, como é o caso de Mareas Vivas, Fariña ou El caso Asunta. A entrega do galardón terá lugar o vindeiro 18 de xuño.