Fálase

Ánxel Casal, alcalde de Compostela en 1936, homenaxeado no Concello de Santiago 88 anos despois do seu asasinato polos golpistas. A alcaldesa, Goretti Sanmartín, asegurou que "a memoria histórica é de gran importancia" porque "axuda a resignificar os feitos a partir do presente poñendo en perspectiva o vivido no pasado". No acto "necesario" polo "compromiso coa verdade, a xustiza e a dignidade de todas as persoas silenciadas" que tivo lugar no Pazo de Raxoi tamén interviron o alcalde de Arzúa, Xoán Xesús Carril; e o edil Juan Jesús Cerqueiro en representación do Concello de Teo. Sanmartín destacou o labor de personalidades como Casal ou María Miramontes, a súa compañeira de compromiso político e vida, que son "referentes para o noso país" grazas á súa loita. 

• HEMEROTECA | Santiago rende homenaxe oficial a Ánxel Casal e lanza a Comisión da Memoria das vítimas dos golpistas na cidade
• HEMEROTECA | Irmandiñas: as mulleres esquecidas das Irmandades da Fala
• HEMEROTECA | Unha ducia de medidas do alcalde Ánxel Casal

Na tarde deste domingo quedou extinguido un incendio de 40,72 hectáreas en Ponteareas que ardía desde o venres. Foi o primeiro no que vai de verán de máis de 20 hectáreas, cifra a partir da cal informa a Xunta.

• HEMEROTECA | As restricións informativas da Xunta fan imposible coñecer canto, cando e onde está a arder o monte

As fines de semana de agosto Praza.gal non se actualiza por descanso do persoal. Deixámosvos moito para lerdes e o luns estamos de volta

O BNG critica o "atraso" na publicación do informe anual sobre as actuacións contra a violencia machista do ano 2023, que a Xunta aínda non remitiu ao Parlamento. A deputada Noa Presas denuncia "a desidia do goberno da Xunta en materia de violencia machista",  unha "desidia que vai na mesma liña da supresión da Secretaria Xeral de Igualdade no inicio deste mandato para diluíla en dúas direccións xerais", e avanza que o seu grupo presentará iniciativas na Cámara para ter acceso a eses datos. 

• Detido un home de 76 anos polo asasinato da súa muller na Coruña
• Os centros para vítimas de violencia sexual que a Xunta abre por orde do Estado terán xestión privada
• Vinte mulleres vítimas das violencias machistas ao día en Galicia e aínda sen xulgados específicos en todas as cidades

Unha nova edición do denominado Ranking de Shanghai de universidades sitúa a USC entre as 501 e 600 mellores do mundo, a de Vigo entre a 801 e a 900 mentres que a da Coruña non figura. A nova valoración publicada este xoves supón unha mellora para a USC a respecto do pasado ano, cando se situaba no seguinte chanzo, mentres que a de Vigo cae desde o anterior nivel das 501-600.

A empresa concesionaria do servizo de recollida de residuos da Coruña despide o líder do Sindicato de Trabajadores de Limpieza (STL), Miguel Ángel Sánchez, que presionou os traballadores para forzar a extensión da folga e foi acusado de estafa, branqueo e corrupción entre particulares. Prezero tamén despediu outros dous traballadores, membros do comité de empresa, integrado na súa totalidade por membros do STL. [Na imaxe, un contedor do lixo queimado nun barrio da Coruña CC-BY-SA Praza.gal]

• HEMEROTECA | O conflito do lixo da Coruña remata despois de mes e medio cun STL debilitado
• HEMEROTECA | Medidas xudiciais e políticas pechan o cerco sobre o STL pero o lixo segue nas rúas da Coruña malia o alivio de Valoriza
• HEMEROTECA | Subornos, conflito, chantaxe e medo: a "rede criminal" ligada ao sindicato maioritario na limpeza da Coruña 

Un home morre ao caer dunha altura duns 20 metros mentres traballaba nunha nave situada no lugar de Pazos, en Marcón (Pontevedra). Trátase da segunda morte en circunstancias semellantes nas últimas horas, onte perdeu a vida un traballador en Santiago. O falecido en Marcón pertence a unha empresa de reformas e servizos, mobilizouse unha ambulancia do 061 pero non puido facer nada para salvalo. 

• HEMEROTECA | Radiografía dos accidentes laborais: tres mil persoas morreron no traballo nas últimas tres décadas en Galicia

Morre un traballador en Santiago ao caer dunha nave no polígono do Tambre. O 112 sinala que recibiu a alerta pouco antes das nove da mañá e que foi mobilizada unha UVI móbil que non puido facer nada por salvarlle a vida. 

• HEMEROTECA | Radiografía dos accidentes laborais: tres mil persoas morreron no traballo nas últimas tres décadas en Galicia

O ADN confirma que os restos conservados na necrópole da Catedral de Santiago pertencen ao bispo Teodomiro, descubridor do sepulcro do apóstolo Santiago, que deu inicio ás peregrinacións a Compostela. Así o demostran os resultados da investigación do arqueólogo galego Patxi Pérez-Ramallo, adiantados por El País, que se publican na revista especializada Antiquity. [Na imaxe, descuberta da tumba do apóstolo Santiago O Maior polo bispo Teodomiro no Tombo A da Catedral de Santiago - Dominio Público]

👉🏻AMPLIAMOS | Identifican os restos do bispo Teodomiro, quen descubriu a tumba do apóstolo Santiago hai 1.200 anos

Este luns comeza en Rianxo o festival Titiriberia, que se estenderá ata o próximo domingo coa República Checa como protagonista internacional.

• Os monicreques históricos da República Checa, protagonistas do Titiriberia de Rianxo