Fálase

Podemos tomba o decreto do subsidio de paro e fai fracasar a medida impulsada polo Ministerio de Traballo. A formación morada si votará a favor dos decretos ómnibus e de escudo social. 

• AMPLIAMOS | Sánchez salva os decretos anticrise e ómnibus que bloqueaba Junts pero a reforma do paro de Díaz bate con Podemos
• HEMEROTECA | A reforma do subsidio de desemprego increméntao ata os 570 euros e faino compatible cun traballo
• HEMEROTECA | O Goberno de España mantén os descontos en transporte e alimentos e o imposto á banca

A OPE (oferta pública de emprego) en educación para este ano consta de máis de 1.700 prazas, 520 delas en Primaria e Infantil e outras 875 en Secundaria. A Consellería traslada o borrador coa oferta aos sindicatos para abordalo o martes na mesa sectorial. 

Aurichu Pereira será homenaxeada este xoves 11 no Museo do Pobo Galego cun acto en memoria da artista, que comezará ás 19 horas e que se complementa cunha exposición da súa obra pictórica e dos seus deseños de moda. No acto intervirán Concha Losada, Xosé Ramón Fandiño, Chus Nogueira, Mercedes Rozas e Xosé Manuel Beiras. Haberá música a cargo de Miro Casabella e Tomás Camacho e poesía da man de Oriana Méndez e Celso F. Sanmartín. A homenaxe, será aberta para todas as persoas que queiran asistir, retransmitirase en directo a través da canle de Youtube do Museo.

• OBITUARIO | Morre aos 83 anos a pintora Aurichu Pereira, a sensibilidade e o compromiso
• OPINIÓN | Aurichu e Xanela

O Goberno de España concede a Medalla de Ouro ao Mérito nas Belas Artes 2023 ao Hematocrítico a título póstumo. O Ministro de Cultura informou este martes dos premiados, persoas e entidades que destacaron no campo da creación artística e cultural. 

• OBITUARIO | As redes choran a morte de Miguel López, 'El Hematocrítico': "Hoxe a vida é un pouco menos divertida" 

O comité intercentros da CRTVG chama o persoal a manifestarse este xoves "contra a manipulación informativa na cobertura do vertido de pellets na costa galega". A representación laboral chama a "non quedar caladas ante este novo uso burdo e partidista dos medios públicos para silenciar a catástrofe". 

Sanidade amplía a campaña de vacinación fronte a gripe e a COVID-19 ata o 26 de xaneiro. A Consellería volve incrementar o prazo para que o maior número de galegas e galegos poida vacinarse e mantén o sistema de autocita aberto. Segundo os datos da Xunta, ata o momento vacináronse contra o virus da gripe un total de 802.646 persoas. O 82% das persoas maiores de 80 anos e o 51,3% das menores de cinco anos xa foron inmunizadas.

• O Sergas recomenda o uso xeral de máscara en todos os centros sanitarios ante o pico de gripe
• O BNG reclama a comparecencia "urxente" de Rueda no Parlamento polo "colapso sanitario" coa gripe

Asturias activa o nivel 2 de alerta polo vertido de pellets que lle permite recibir axuda do Estado. O Goberno asturiano vén de activar esta mañá o segundo nivel de emerxencia do Plan Territorial de Continxencias por Contaminación Mariña Accidental (Placampa). Galicia mantén o nivel 1 de alerta malia o ofrecemento do Goberno central a colaborar coa retirada dos plásticos. Foto: Principado de Asturias. 

O Ministerio de Sanidade impón pola gripe a máscara obrigatoria nos centros sanitarios, que en Galicia xa era recomendada desde hai dez días.

• (29/12/2023) | O Sergas recomenda o uso xeral de máscara en todos os centros sanitarios ante o pico de gripe

A alcaldesa de Lugo, Lara Méndez, deixará o Concello e será candidata nas galegas tras Besteiro, segundo avanza El Progeso e puido confirmar Praza.gal. O diario lucense di que rexedora será a número 2 da lista do PSdeG por Lugo, que encabezará Besteiro.

• AMPLIAMOS | Lara Méndez deixa a alcaldía de Lugo e será a 'número 2' do PSdeG tras Besteiro na lista por esa provincia

El País publica este luns unha enquisa que reflicte unha lixeira baixada na intención de voto ao PP, que mantería a maioría absoluta. BNG e PSdeG mellorarían lixeiramente os seus resultados e Sumar non lograría ningún escano.

• Podes consultar aquí todas as sondaxes publicadas dende a convocatoria das eleccións