Fálase

Alfonso Rueda agradece os apoios dos 'baróns' provinciais do PPdeG para presidir a Xunta e o partido, pero evita confirmar a súa candidatura ao congreso extraordinario da formación, no que apela a manter a “unidade”, como xa fixo Feijóo esta semana.  

• PERFIL | Alfonso Rueda: de fillo e afiliado a presidente da Xunta
• Alfonso Rueda será o novo presidente da Xunta e do PPdeG tras ceder o coruñés Diego Calvo e sumarse a Ourense e Lugo
• + INFO E CONTEXTO | 16 anos despois outro Baltar volve decantar a presidencia do PPdeG e ratifica a da Xunta para Alfonso Rueda

Os menores implicados no asasinato de Samuel Luiz xa cumpren condena de tres anos nun centro de internamento tras un acordo entre as partes do caso previo a xuízo. É unha información de La Opinión de A Coruña. Na imaxe [CC BY-SA Praza.gal], flores en lembranza de Samuel Luiz no lugar do asasinato, no verán de 2021.

• HEMEROTECA | Probas de ADN "implican directamente" os dous principais agresores de Samuel Luiz

Desestimado o recurso dos herdeiros de Franco contra o arquivo da causa contra as persoas que ocuparon simbolicamente o Pazo de Meirás en 2017 para reclamaren a súa devolución (na imaxe). Contra esta resolución aínda cabe recurso ante a Audiencia da Coruña. Os '19 de Meirás' subliñan a súa "reafirmación no acto simbólico para reclamar o que é de xustiza: que o Pazo ten que ser devolto ao pobo galego".

• HEMEROTECA | O xulgado arquiva a causa contra as persoas que ocuparon simbolicamente o Pazo de Meirás
• HEMEROTECA | O Supremo arquiva a causa contra Néstor Rego pola ocupación simbólica do Pazo de Meirás

Bota a andar en Castilla y León o primeiro Goberno bipartito do PP con Vox. Feijóo, que non asistiu á investidura de Alfonso Fernández-Mañueco, aplaudiuna a través das redes sociais argumentando que as Cortes desa comunidade autónoma "referendaron" que "os cidadáns confiaron" no candidato do PP", a quen identifica con "estabilidade" e "xestión", dixo nunha mensaxe na que non menciona a coalición asinada coa extrema dereita. Na imaxe [© Cortes de Castilla y León], Mañueco recibe os parabéns do seu novo vicepresidente, líder de Vox nesa autonomía.

• HEMEROTECA | Feijóo culpa o PSOE do bipartito de PP e Vox en Castela e León

Falece o poeta e profesor lugués Arcadio López Casanova (Lugo, 1942) en Valencia. Escritor, crítico literario e profesor de Literatura Española na Universitat de València, pertenceu á xeración de escritores dos 'Novísimos do 68'. Entre as súas obras, destaca a publicación de Mesteres en 1976. López Casanova [Fotografía © Galipedia] é Académico de honra da Real Academia Galega e conta con numerosos recoñecementos, como o Premio da Crítica de creación literaria por Liturxia do corpo (1984) ou o Premio Cultura Galega das Letras de 2011. 

• ENTREVISTA (2016) | Arcadio López-Casanova: “Non se pode someter a poesía a valores ideolóxicos”

O pintor Xulio Maside finou este domingo en Compostela aos 89 anos de idade. Nacido en Vigo en 1933 e sobriño de Carlos Maside, era tamén médico, profesión que sempre compaxinou coa pintura, actividade que exerceu ata os seus últimos días. Participou en múltiples mostras colectivas, con técnicas diversas, dende o debuxo á pintura pasando polo collage.

Macron gaña por catro puntos e enfrontarase a Le Pen na segunda volta das eleccións francesas. Dereita, socialistas e ecoloxistas chaman a votar polo actual presidente o vindeiro 24 de abril. [Imaxe: La République en Marche]

• AMPLIAMOS 👉 Macron volverá disputar a presidencia de Francia con Le Pen e Mélenchon fica ás portas de superar á extrema dereita

Feijóo avoga pola celebración dun congreso para a súa sucesión, que espera quede resolta no mes de maio. Asegura nunha entrevista en La Voz de Galicia que volver ao modelo das baronías territoriais sería "un grave erro" que non "representa o futuro"

• As novas boinas e birretes: Baltar e Calvo reclaman protagonismo nunha sucesión de Feijóo cos focos sobre Rueda

A ONU confirma case 1.800 persoas civís mortas e máis de 2.400 feridas na invasión de Ucraína. Do total de falecidas, 142 son crianzas. Foto. SES-Ukraine. 

Francia acode hoxe ás urnas marcada polo ascenso da dereita e a guerra da Ucraína. Macron parte como favorito nesta primeira volta fronte a un grupo con dous ultradereitistas con opcións, con Le Pen como a mellor posicionada.