Fálase

A Sala de Goberno do Tribunal Superior secunda a petición de que o novo programa informático para tramitar procedementos xudiciais poida empregarse tamén en galego. Na liña do reclamado pola Irmandade Xurídica Galega e apoiado por máis de 350 profesionais do Dereito, o órgano de goberno da xudicatura galega "lembra" ao Ministerio de Xustiza, que desenvolveu o aplicativo, e á Xunta, responsable de implantalo, que o galego é "lingua oficial e propia" de Galicia. [Imaxe: CC BY-SA David Cabezón / Xunta]

• Clamor na Xustiza para que o novo programa informático permita traballar tamén en galego

Investigan por un delito de agresión sexual a un sacerdote de Sarria, denunciado por un presunto caso de violencia sexual contra unha menor de idade. A xuíza do Xulgado de Instrución número 2 de Sarria interrogou o relixioso na mañá deste venres e prohibiulle aproximarse e comunicarse coa suposta vítima. Non ingresará en prisión provisional porque nin a Fiscalía nin a representación legal da denunciante o solicitaron. [📸 Xulgado en Sarria © Google Maps]

• 2 feminicidios en 15 días, 4 intentos de asasinato nun mes: a Xunta non accede a crear un comité de crise

Begoña Caamaño será a homenaxeada polo Día das Letras en 2026. Así o vén de comunicar a Academia. 

• AMPLIAMOS 👉 As Letras honrarán a Begoña Caamaño, "narración e xornalismo desde a ollada feminista"
• HEMEROTECA (2014) | A cultura galega chora o pasamento de Begoña Caamaño
• HEMEROTECA (2012) | "A sororidade é unha arma de empoderamento que só pode facernos máis libres"

Veciñanza e profesionais sanitarios de Ribeira concentráronse este xoves diante da Consellería de Sanidade para reclamar a cobertura de todas as prazas de Medicina de Familia no seu centro de saúde. Rexistraron unha nova petición de reunión co conselleiro e advirten de que seguirán manifestándose todos os xoves diante do centro de saúde de Ribeira, como levan facendo xa varios meses. [📸 CC-BY-SA Plataforma en defensa da sanidade pública da comarca do Barbanza]

Os festivos de 2026 xa son oficiais coa súa publicación no DOG. O vindeiro ano San Xoán será festivo e os outros dous días designados pola Xunta serán o 19 de marzo e o 25 de xullo. Outros dous festivos son fixados por cada concello. 

Felipe VI nomea Luz Casal marquesa de Luz e Paz, título nobiliario de nova creación, con motivo do décimo aniversario da súa proclamación como rei. Ademais, Rafa Nadal convértese en marqués de Llevant de Mallorca e Cristina García Rodero en marquesa do Val de Alcúdia. Tamén reciben marquesados o bioquímico Carlos López Otín, a nadadora Teresa Fernández Perales e Jaime Alfonsín Alonso, ex-xefe da Casa Real.

Greenfiber desiste do PERTE para instalacións eficientes e descarbonizadas do Estado, que vén de resolver a adxudicación destas axudas, para o proxecto conxunto con Altri en Palas de Rei. A Plataforma Ulloa Viva segue a reclamar ao goberno da Xunta, do Estado e da UE que o plan para instalar esta macrocelulosa non sexa "receptor de axudas ou subvencións públicas dado que é contrario ás esixencias e criterios medioambientais".  [Na imaxe, a recreación da fábrica de Altri en Palas divulgada pola propia empresa © Greenfiber]

• HEMEROTECA | Altri pide ao Estado reclamar á UE máis prazo para as axudas das que fica fóra 
• HEMEROTECA | A Comisión Europea amósase cauta con Altri mentres non obteña todos os permisos e financiamento público

O Tribunal Supremo condena os herdeiros de Franco a devolver as esculturas do Mestre Mateo ao Concello de Santiago. 

• AMPLIAMOS 👉 O Supremo condena os Franco a devolver as esculturas do Mestre Mateo ao Concello de Santiago
• HEMEROTECA | A Audiencia de Madrid recoñece que as esculturas do Mestre Mateo son do Concello de Santiago, pero seguirán en poder dos Franco
• HEMEROTECA | Santiago acha os papeis que certifican que as esculturas en mans dos Franco son propiedade municipal

O Ministerio de Igualdade presentará en setembro un anteproxecto de lei para abolir a prostitución. A ministra Ana Redondo manifesta que o seu departamento levará ao Consello de Ministros á volta do verán medidas para "avanzar con paso firme cara á abolición da prostitución e cara a unha maior calidade democrática e feminista". [📸 CC-BY-SA Ministerio de Igualdade]

Pedro Sánchez retruca ás esixencias de dimisión de Feijóo polas revelacións sobre Cerdán e Ábalos acusando o PP de ser unha "enciclopedia de corrupción". Nunha tensa sesión de control no Congreso, o presidente do Goberno de España afeou tamén ao ex-titular da Xunta que o seu sucesor, Alfonso Rueda, non actuase contra Alfonso Villares tras coñecer que fora denunciado por agresión sexual e que o ex-conselleiro permanecese no cargo durante os meses seguintes, ata que foi citado como investigado. [Imaxe: © Congreso]

• Sánchez di que gobernará "ata que a maioría democrática o queira" fronte "á peor alternativa" de Feijóo e Abascal
• A Garda Civil sinala un contrato do tren Monforte-Lugo entre os indicios de corrupción do asesor de Ábalos
• Investigado por corrupción, o 'número 3' do PSOE dimite e súmase ás frontes xudiciais que asedian a Sánchez