Fálase

Cos pés na terra, Bibopalula e Clanes, premios especiais dos XXIII Premios Mestre Mateo. Os galardóns entregáronse durante a xuntanza de finalistas desta edición, que se celebrou no serán deste venres en Pontevedra. Bibopalula fíxose co Premio Deleite á promoción da lingua "por ofrecer a unha nova xeración de nenos e nenas a posibilidade de desfrutar dunha serie de animación feita na nosa lingua". Clanes gañou o Premio Martín Códax Rías Baixas, Fillo do Atlántico "pola autenticidade e espectacularidade coa que se retrata a riqueza paisaxística da comarca do Salnés". O Premio ABANCA ao impulso da sostibilidade foi para o programa Cos pés na terra.

• 'Rapa', 'As Neves', '+Cuñados' e 'Honeymoon' encabezan as candidaturas duns Mestre Mateo que saen das cidades
• Chega 'Bibopalula', a primeira serie musical de animación en galego para os fillos e fillas da Xeración Xabarín

O Papa Francisco sofre un "empeoramento repentino" respiratorio tras unha crise de broncoespasmo, segundo o comunicado médico no seu 15º día de hospitalización. Foto: CC BY-SA Juantenaphoto

📺Trump despreza a Zelenski na Casa Branca: "Estás xogando coa Terceira Guerra Mundial". O presidente dos EUA protagonizou unha tensa conversa co seu homólogo ucraíno ante as cámaras. 

Mondra estrea o pícaro pasodobre vale máis un canciño, que canta acompañado de múltiples instrumentistas e parte do alumnado infantil das asociacións AC Peis d’Hos (Cangas do Morrazo) e da ACF Tarambainas (Vigo), como adianto do que será o seu terceiro álbum, que verá a luz no mes de maio tras o éxito de ARDĒN. 

• ENTREVISTA | Mondra: "ARDĒN' é unha celebración da xente nova porque somos válidas e porque sen nós non hai futuro"

Touriño asina en apoio dos concelleiros de Santiago expulsados polo PSdeG, segundo avanza Europa Press na súa web. O ex-presidente suma a súa sinatura a outro medio cento de persoas do ámbito político, académico ou empresarial en contra da expulsión de Gonzalo Muíños, Mercedes Rosón, Mila Castro e Marta Álvarez.

• O PSOE expulsa catro dos seus seis edís en Santiago

O Baxi Ferrol fai historia e está xa nas semifinais da Eurocopa. O equipo ferrolán supera 89-70 o Sassari na volta dos cuartos de final nun pavillón da Malata ateigado con 3.500 persoas. Foto: FEB

Un accidente múltiple na ponte de Rande con catro vehículos implicados provoca longas retencións na autoestrada AP-9 á altura de Moaña en sentido Pontevedra. Segundo actualizou o 112, cando menos unha persoa precisou axuda dos bombeiros para abandonar o vehículo e houbo en total catro persoas evacuadas con lesións de carácter leve. Imaxe das cámaras da DGT ás 16:42, cando xa pasara máis dunha hora dende o accidente.

• HEMEROTECA | A AP-9, esixencias de máis subvencións públicas entre beneficios récord
• HEMEROTECA | Audasa é condenada a devolver o 50% de peaxes cobradas durante a obra de Rande tras lograr evitar a devolución íntegra

O bombeiro forestal Cristóbal Medeiros, novo secretario xeral de UGT-Galicia. O décimo cuarto congreso nacional do sindicato escolle a súa nova Executiva cun 60,52% dos votos. Medeiros, ata agora secretario do sindicato en Ourense, é membro da Brif Laza, onde foi presidente do comité de empresa. Substitúe no posto a José Antonio Gómez, que ocupou a secretaria xeral nas últimas dúas décadas. Na imaxe, integrantes da nova dirección de UGT-Galicia, co secretario xeral no centro.

O pleno de Santiago aproba os Orzamentos de 2025 e a Operación Peleteiro cos votos a prol do goberno municipal de BNG e CA e tamén de todo o grupo do PSdeG malia o seu conflito interno. En ambos casos, o PP votou en contra. [Imaxe: CA]

• O desbloqueo da 'operación Peleteiro' garante vivenda protexida no corazón do Ensanche compostelán
• O PSdeG abócase a ficar con dous edís en Santiago e os expulsados van "esgotar todas as vías"

A chef Lucía Freitas pregoará a 50º edición da Festa do Queixo de Arzúa. "A súa traxectoria como embaixadora da gastronomía galega, o seu compromiso cos produtos locais e a súa aposta polo talento feminino fan dela a persoa perfecta para dar inicio a esta edición tan especial", din dende a organización da festa arzuá. O pregón celébrase ás doce da mañá do 15 de marzo no Recinto Feiral Terra do Queixo, onde Freitas ofrecerá despois un showcooking para 50 persoas. Na imaxe, Lucía Freitas co alcalde de Arzúa, Xoán Xesús Carril.

• HEMEROTECA | "O futuro é galego, e o futuro é en feminino": sete 'superheroínas' promoven o uso cotián da lingua