A Xunta anuncia que os socios do Celta terán prioridade para mercar as entradas do concerto de Muse que patrocina o Xacobeo no estadio municipal de Balaídos. O Goberno galego di que este xoves haberá unha “prevenda” para os socios da sociedade anónima deportiva “con motivo do centenario do club” e que o venres poderán ser adquiridas polo resto de persoas. O concerto é o 8 de setembro, o aforo será de 14.000 persoas e o prezo de 65 euros. [Imaxe: Xunta de Galicia].
![](https://praza.gal/media/cache/live_image/uploads/muse-bf7904d.jpeg)