Fálase

O pleno de Frades, con maioría absoluta do PP (7 edís) aproba por unanimidade unha moción do PSdeG (3 edís) para instar a Xunta a cubrir os postos dos médicos titulares no Concello cando non poidan acudir a prestar servizo e mais a restablecer o servizo de pediatría, actualmente centralizado en Ordes. A iniciativa tivo o apoio do grupo do goberno, do propoñente e mais do BNG (1 edil). O PP local asegura "sumarse ás queixas polo servizo" pero matiza que  "estamos falando dun problema" de todo o Estado que consiste en "que non hai médicos, non que falten cartos".

• A Xunta leva concedidas 89 compatibilidades a persoal médico do Sergas para traballar na privada no que vai de 2022
• Máis facilidades ao persoal médico que vai á privada e menos centros de saúde, opcións da Xunta para frear a protesta sanitaria

O PP aproba, cos votos en contra de BNG e PSdeG, que o Parlamento inste a Xunta a reclamar a Pedro Sánchez "non levar a cabo ningunha modificación do Código penal que supoña derrogar o delito de sedición" e "ratificar" o artigo da Constitución relativo á unidade de España.

• Pode a reforma do delito de sedición criminalizar aínda máis a protesta social?
• Feijóo rompe a última hora: do Estatuto e o decreto do galego ao Poder Xudicial

PARO REXISTRADO | As inscricións nas oficinas de emprego descenderon en 962 durante o mes de novembro en Galicia (-0,67%, fronte ao -1,15% na media estatal) e quedaron en 142.758, o que supón 9.989 menos que hai un ano (isto é, un -6,54% interanual e na media do Estado, -9,47% interanual). No mesmo mes, a afiliación media á Seguridade Social descendeu en 1.093 persoas (-0,10%), mentres que o total estatal quedou practicamente plano (un descenso de 155). O total de cotizantes en Galicia mantense en 1,047 millóns, isto é, 12.110 máis que doce meses antes (+1,17% interanual e na media, +2,69%). 

• AMPLIAMOS 👉 Paro e ocupación mantivéronse 'planos' en Galicia en novembro, mes de habitual destrución de emprego

O xulgado envía a prisión provisional, comunicada e sen fianza ao autor confeso do asasinato de Cristina Cabo en Lugo. Tras a súa declaración ante a xuíza, na que "ratificou" o declarado ante a Policía, foi trasladado á vivenda onde a matou para realizar unha reconstrución do crime. Está acusado de homicidio "sen prexuízo do que depare a instrución", especifica o TSXG

• A Policía considera o único detido polo asasinato de Cristina Cabo en Lugo seguro autor do crime e pecha o caso

O proxecto Ponte... nas ondas logra ser recoñecido pola UNESCO como exemplo de boas prácticas na defensa do patrimonio cultural inmaterial. O 17º Comité da organización cultural da ONU, que se está a desenvolver en Rabat, vén de ratificar o recoñecemento para esta iniciativa galego-portuguesa. [Imaxe: © UNESCO]

• AMPLIAMOS 👉 A UNESCO recoñece a irmandade galego-portuguesa de Ponte nas Ondas! como exemplo de boas prácticas

SOS Sanidade Pública concéntrase en diferentes puntos do país para sumar apoios á Iniciativa Lexislativa Popular que levarán ao Parlamento con medidas "para revitalizar e fortalecer os mecanismos sanitarios de atención primaria". "Reivindicamos  un novo modelo de atención primaria que responda ás necesidades da poboación, dotado dos recursos necesarios para atender os problemas e demandas de saúde da poboación, baseado na promoción, prevención, participación social e traballo comunitario", salientan no manifesto. [Fotografía da concentración en Compostela CC-BY-SA BNG Santiago]

• Máis facilidades ao persoal médico que vai á privada e menos centros de saúde, opcións da Xunta para frear a protesta sanitaria
• SOS Sanidade Pública incrementa as mobilizacións polos problemas nos centros de saúde e nos PAC de todo o país

O vicepresidente segundo da Xunta, Diego Calvo, entrega unha medalla ao seu director xeral de Emerxencias, Santiago Villanueva, pola súa “especial dedicación nos incendios forestais do pasado verán".

• A Xunta condecora o seu director xeral de Emerxencias por participar na evacuación dun cámping no incendio do Barbanza do pasado verán

A Audiencia de Pontevedra condena o alcalde pedáneo de Bembrive, en Vigo, do PSdeG, por prevaricación ao adxudicar contratos para a festa da sidra. O tribunal di que contratou a dedo a sidra por 120.000 euros en 2019 e 130.000 en 2020 cunha “omisión reiterada, voluntaria e deliberada das normas administrativas”. [Imaxe: Concello de Vigo]

Slipknot, Pantera e Ghost encabezan o cartel do Resurrection Fest Estrella Galicia, que se celebrará en Viveiro entre o 28 de xuño e o 1 de xullo de 2023. O festival anunciou esta mañá as primeiras 80 bandas da súa programación. Papa Roach, Architects, Alter Bridge, Powerwolf,  Behemoth, The Ghost Inside, Fever 333, Motionless In White e Lacuna Coil actuarán tamén no escenario principal do evento.

A ministra de Igualdade acusa o PP de "promover a cultura da violación que pon en cuestión a credibilidade das vítimas" con campañas como a da Xunta polo 25N. Irene Montero respondía unha pregunta dos populares sobre a lei de liberdade sexual e foi reprendida pola presidenta do Congreso, Meritxell Batet (PSOE) por utilizar esa expresión mentres Jaime de Olano, deputado do PP por Lugo, a acusaba de "estar chamándonos violadores".

• Colectivos feministas e oposición lamentan a campaña da Xunta polo 25N: "Non somos nós as responsables da violencia"
• ONU - MULLERES | Dezaseis maneiras de enfrontarte á cultura da violación