Fálase

A Coruña xa é a primeira cidade galega declarada "zona de mercado residencial tensionado" ao abeiro da lei estatal de vivenda. O BOE publica este martes a declaración, que ten unha vixencia de tres anos e permite ao Concello coruñés activar o seu plan de medidas ao respecto. +info, hoxe en Praza.gal [Imaxe: CC BY-NC-SA Praza.gal]

• AMPLIAMOS 👉 A Coruña, primeiro municipio de Galicia en ser declarado zona residencial tensionada
• HEMEROTECA | Zona Tensionada e limitación dos pisos turísticos: A Coruña reacciona ante o problema da vivenda
• HEMEROTECA | Récord de peticións de pisos protexidos en Galicia ante a fin de quince anos de parálise
• HEMEROTECA | A Xunta ratifica o "non" a intervir nos alugueiros coa lei de vivenda da man dos demais gobernos do PP

Un incendio en Salvaterra de Miño, na parroquia de Pesqueiras, activa a Situación 2 e o desaloxo da zona pola proximidade do lume a vivendas. [Imaxe: Arquivo da Xunta]

Un grande incendio en Lindoso (Ponte da Barca), ao pé da fronteira con Galicia, afecta a Serra do Xurés. Máis de 260 bombeiros, 84 vehículos e dez medios aéreos combaten o lume, que cercou bombeiros, destruíu construcións e xa matou animais. En Galicia, hai polo menos dous incendios activos en Vilardevós e Salvaterra de Miño. Foto: @lumesgal

Recursos de Galicia, sociedade mixta na que a Xunta participa cun 30%, entra no capital social da empresa promotora da mina de Doade, sinala pola UE como estratéxica para a extracción de litio en Beariz. RDG achegará 750.000 euros mediante unha ampliación de capital do 10%; o 90% restante permanece no Grupo Samca. 

• Litio en Doade: a UE quere extraer tamén dentro de si o mineral clave na transición verde
• A Xunta reduce ao 30% a participación na empresa coa que quere explotar recursos naturais, na que están Abanca ou Ence

Pedro Sánchez anuncia "unha ampliación histórica dos permisos de nacemento e coidados" con 3 semanas "que se sumarán ás 16 que estaban en vigor". "As dúas últimas poderán gozarse de maneira flexible ata que a nena ou neno fagan 8 anos", sinala o presidente do Goberno de España na súa comparecencia para facer balance do curso político que remata. A medida atinxirá retroactivamente ás familias con crianzas que nacesen dende o 2 de agosto de 2024, que terán dúas semanas máis. No caso das familias monoparentais implicará un total de 32 semanas de permiso.

• HEMEROTECA | Xornada laboral de 38,5 horas xa en 2024 e máis permisos para conciliar: o pacto de goberno PSOE-Sumar pon o foco no social
• HEMEROTECA | Malabares laborais nun mundo "adultocéntrico": "A conciliación é unha gran mentira"

Detido o voceiro do PSdeG en Cospeito por presunta agresión á súa parella. Os feitos aconteceron durante a fin de semana no transcurso dunha voda, informa El Progreso, na que o edil supostamente empurrou a súa parella no transcurso dunha disputa entre ambos. Está previsto que Daniel Irimia pase a disposición xudicial este luns.

O pacto comercial da UE cos EUA implica aranceis do 15% aos produtos europeos sen recarga recíproca para os estadounidenses. O acordo, asinado por Von der Leyen nun complexo de golf en Escocia propiedade de Donald Trump vai ser, segundo o presidente americano, "moi bo para todos". [Imaxe: © Comisión Europea]

• AMPLIAMOS 👉 A UE acepta aranceis estadounidenses do 15% aos produtos europeos sen recarga recíproca
• HEMEROTECA | Trump sinala a cota para o galego no audiovisual como unha das razóns para impor aranceis a España
• HEMEROTECA | Os aranceis do 25% anunciados por Trump custarían 200 millóns ás empresas galegas, segundo a Xunta
• HEMEROTECA | "As fracturas na UE veranse agravadas con Trump, dando pulo ao populismo ultraconservador"

O exército de Israel aborda o barco Handala, da Flotilla da Liberdade, a menos de 100 quilómetros de Gaza. Na tripulación, de 21 persoas, viaxan dous españois e todos permanecen retidos. Imaxe: Rumbo a Gaza. 

O PSOE exixe a Feijóo que explique para que pagou a Xunta ao despacho de Montoro cando el era presidente. Montse Míguez, portavoz da comisión executiva federal dos socialistas, pregúntase se os 170.000 euros abonados ao equipo do ex-ministro "foron para beneficios fiscais para empresas na Xunta" ou para "estudos baleiros". "Queremos sabelo", di. 

A gala conmemorativa polo 40 aniversario da TVG remata con berros de "Altri non!". As proclamas contra a macrocelulosa pecharon o programa tras a interpretación do himno galego por parte das Tanxugueiras.