Fálase

Cuarta xornada de folga para reclamar un convenio "digno" no sector do metal da provincia de Pontevedra con milleiros de traballadoras e traballadores manifestándose en Vigo, Pontevedra e Vilagarcía. CIG, CCOO e UGT trasladan un seguimento "practicamente total" nas empresas, mentres censuran que a patronal non se senta a negociar medidas como o mantemento da cláusula de revisión salarial conforme ao IPC real para compensar a perda de poder adquisitivo dos últimos anos. As tres centrais sindicais anunciaron dúas novas xornadas de folga, previstas para os días 12 e 13 de xullo, que se suman ás xa convocadas para o xoves 6 e o venres 7. [Na imaxe, a manifestación en Vigo CC-BY-SA CIG]

Feijóo desafía o presidente do Senado e négase a revelar canto cobra do PP ata despois das eleccións. O líder dos populares di que non actualizará a súa declaración na Cámara Alta ata o 17 de agosto, cando abandone o seu escano. Foto: PP. 

José Manuel Baltar advirte de que el é o "garante da unidade" do PP na provincia de Ourense. Unha semana despois de que Alfonso Rueda dese por feito que non volverá optar ao liderado do partido na provincia, o aínda presidente da Deputación en funcións reitera que "o que está claro" é que é el mesmo quen "debe anunciar" se volve presentarse ou non. A pasada fin de semana advertiu, en declaracións a La Región, de que "non marcha". Na imaxe, Baltar saúda a Rueda este martes, na inauguración dun hotel en Nogueira de Ramuín [CC BY-SA David Cabezón / Xunta]

• Baltar reaparece para advertir de que "non marcha" tras afirmar Rueda que tamén deixará o liderado do PP de Ourense

Docentes e representantes de asociacións de pais e nais mobilízanse ante a sede central da Xunta en San Caetano "pola redución de ratios, mellores horarios docentes, máis recursos para a atención á diversidade e para o ensino rural e polo mantemento da presencialidade na FP". A protesta, convocada pola CIG-Ensino, Anpas Galegas e Erguer, puxo o foco en que o Goberno galego "segue sen reverter os recortes lesivos perpetrados polos gobernos do PP da Xunta e do Estado. [Imaxe: CIG-Ensino]

• A Xunta consuma os cambios na FP que para os sindicatos favorecen a "privatización" e o ensino "low-cost"
• A CIG-Ensino volve gañar as eleccións sindicais do profesorado e obtén maioría absoluta en dúas provincias

O Senado dá sete días a Feijóo para aclarar se cobra un sobresoldo do PP adicional á súa remuneración como senador por designación do Parlamento de Galicia. A presidencia da Cámara Alta responde así a unha petición do PSOE nun contexto no que o Consello de Transparencia tamén afeou ao PP non divulgar esta información conforme á lei. Nos últimos días, o ex-presidente admitiu que si percibe ese soldo adicional do seu partido, pero evitou aclarar a cantidade. [Imaxe: © David Mudarra / PP]

• Feijóo pecha o seu ano de senador polo Parlamento galego con cinco iniciativas, ningunha sobre Galicia

23X | As Xuntas Electorais exclúen tres candidaturas ao Congreso na provincia da Coruña e unha na de Pontevedra por non cumpriren os requisitos legais. O BOE publica este martes as listas proclamadas para os comicios xerais do 23X e, no caso galego, proclama todas as presentadas agás as dos partidos Soberanía Ciudadana, Por Un Mundo Más Justo e Partido Comunista dos Traballadores da Galiza na circunscrición coruñesa e a de Por Un Mundo más Justo, na pontevedresa.

• Unha ducia de forzas políticas competirán polos escanos galegos nas xerais do 23X

23X | Feijóo promete que co PP no Goberno de España se crearía menos emprego que nesta lexislatura co Executivo do PSOE e UP. A promesa lanzada polo ex-presidente e actual candidato popular de chegar a 22 millóns de persoas afiliadas á Seguridade Social en 207 supón reducir case á metade o ritmo de crecemento da afiliación nos últimos cinco anos, como informa infoLibre.

• O PP simula que existen datos ocultos do paro como xa fixera en Galicia contra o Goberno de PSdeG e BNG
• Feijóo di que é un "insulto ás familias" presumir de xestión económica polo paro e a Xunta gábase do mellor dato histórico
• As oficinas de emprego logran apenas o 1% das colocacións mentres a Xunta sinala a poboación parada que desbota ofertas
• HEMEROTECA (2014) | Feijóo desdeña a EPA e cuestiona que parte das persoas sen traballo queiran atopalo

O fume dos grandes incendios de Canadá chega a Galicia e é apreciable na parte noroeste do país, segundo informa Meteogalicia. As imaxes do satélite permiten distinguir a chegada do fume, que se deixa notar en forma de bruma na costa, logo de percorrer máis de 5.000 quilómetros sobre o océano Atlántico. A previsión é que a nube se manteña sobre Galicia durante uns dous días máis. 

• HEMEROTECA |  VÍDEO - Así espallou o furacán Ophelia por Europa o fume dos incendios de Galicia e Portugal

O Pescados Rubén Burela FS gaña a liga de fútbol sala, que suma aos seus triunfos na Copa da Raíña, a Copa Galicia e a Supercopa nesta tempada. O equipo lucense derrotou o Navalcarnero nos penaltis despois de remontar un 0-2 en contra. As Guerreiras Laranxas obteñen deste xeito o seu quinto título de Liga, unha década depois de gañar o primeiro.

• A Mariña e Burela seguen presumindo de equipo feminino: once títulos consecutivos

O PP obtería 13 dos 23 escanos galegos nas eleccións xerais do 23 de xullo, segundo a sondaxe que publica este sábado La Voz de Galicia. O partido liderado por Núñez Feijóo, co 40,2% dos votos, obtería tres deputados máis que hai catro anos. O PSdeG (26,2%) acadaría 6, catro menos que no 2019). Sumar (13,2%) faríase con 2 escanos, o mesmo que o BNG (10,5%). Nunhas hipotéticas eleccións ao Parlamento galego, o PP repetiría a súa maioría absoluta, con 41 escanos, fronte aos 21 do BNG e os 13 do PSdeG.