Fálase

O PP obtería 13 dos 23 escanos galegos nas eleccións xerais do 23 de xullo, segundo a sondaxe que publica este sábado La Voz de Galicia. O partido liderado por Núñez Feijóo, co 40,2% dos votos, obtería tres deputados máis que hai catro anos. O PSdeG (26,2%) acadaría 6, catro menos que no 2019). Sumar (13,2%) faríase con 2 escanos, o mesmo que o BNG (10,5%). Nunhas hipotéticas eleccións ao Parlamento galego, o PP repetiría a súa maioría absoluta, con 41 escanos, fronte aos 21 do BNG e os 13 do PSdeG.

O grupo de mercenarios de Wagner desafía a Putin e entra na cidade de Rostov despois de acusar o exécito ruso de atacar os seus campamentos en Ucraína. Imaxe: RG72 (CC BY-SA)

O uso de máscaras deixará de ser obrigatorio nos hospitais, centros de saúde, farmacias, clínicas de fisioterapia ou consultas de calquera especialidade médica. O Ministerio de Sanidade e as comunidades autónomas aprobaron esta medida na reunión deste venres do Consello Interterritorial del Sistema Nacional de Saúde, presidida polo ministro José Miñones, que levará a proposta á próxima reunión do Consello de Ministros. 

Chichi Campos será o autor homenaxeado no Día da Ilustración do 2024. A Asociación Galega de Profesionais da Ilustración destaca que foi unha "figura pioneira da banda deseñada galega e mestre do humor gráfico", un "autor fundamental na Galicia dos anos 70 e 80".

• HEMEROTECA | Chichi Campos, figura incómoda que miraba "onde non se pode mirar", explicado para 'millennials' 
• HEMEROTECA | O Álbum de Galicia incorpora a Chichi Campos, o humorista símbolo dos anos 80 que "quería facer un mundo máis interesante"

Alerta amarela por calor para este sábado nunha vintena de concellos ourensáns. Meteogalicia activou o aviso amarelo na zona "Miño de Ourense", que comprende a capital ourensá e mais os municipios da Arnoia, Barbadás, Beade, Carballeda de Avia, Cartelle, Castrelo de Miño, Cenlle, Cortegada, Leiro, Melón, Nogueira de Ramuín, Padrenda, O Pereiro de Aguiar, Pontedeva, Punxín, Ribadavia, San Amaro, San Cibrao das Viñas, Taboadela e Toén. Nesta contorna prevé que durante a tarde do sábado se rexistren temperaturas máximas "que poden chegar e mesmo superar os 36ºC".

• HEMEROTECA | A crise climática xa está aquí: 300 días de temperaturas anormalmente altas en 2022
• 🔊PODCAST | Fálase - Esta calor non é normal

O Tribunal Superior de Xustiza ratifica nove anos e medio de inhabilitación para o ex-alcalde de Muras Issam Alnagm (PP) por contratar persoal para o Concello sen máis proceso selectivo que "o seu libérrimo criterio". O alto tribunal galego, en liña co sentenciado en novembro de 2022 pola Audiencia de Lugo, ve probado que Alnagm contratou como "prescindindo total e absolutamente de calquera tipo de procedemento que garantise os principios constitucionais de igualdade, mérito e capacidade para o acceso á función pública". Exímeno, non obstante, de indemnizar unha traballadora. Issam Alnagm perdeu a alcaldía en 2015, cando a logrou o BNG con Manuel Requeijo, que a revalidou en 2019 e outra volta neste 2023. Na imaxe, Issam Alnagm nunha reunión con Rueda como conselleiro en 2010.

• Inhabilitado o ex-alcalde de Muras por contratar persoal do Concello sen máis proceso selectivo que "o seu libérrimo criterio"

As medallas Castelao deste ano son para a escritora Ledicia Costas, a atleta e médica Susana Rodríguez Gacio, o empresario Lino de Prado, o oncólogo Rafael López e para a banda Siniestro Total, segundo aprobou este xoves o Consello da Xunta. Entregaranse o vindeiro 28 de xuño.

• ENTREVISTA | Rafael López: "Estarmos na vangarda da investigación en biopsia líquida permitiralle á cidadanía acceder aos seus avances"
• ENTREVISTA | Ledicia Costas: "Quería escribir unha novela de luz e bos momentos que conseguise arrincar algún sorriso"

Cargas policiais e cortes de tráfico na AP-9 nunha nova xornada de protestas e folga do metal en Vigo. Traballadores cortaron a estrada logo dunha manifestación que se dispersou ao serlles prohibida a entrada no Ifevi, onde se celebra a feira Mindtech organizada pola patronal do sector. Foto: CC BY-NC-SA Galiza Contrainfo. 

Metal, comercio ou limpeza: a loita por convenios "dignos" impulsa folgas e mobilizacións por toda Galicia

A CNMC rexistra as sedes de varias compañías eléctricas tras detectar supostas irregularidades. A Comisión Nacional do Mercado e a Competencia entrou nas sedes centrais de Endesa e Naturgy en varias cidades, segundo adiantou El Confidencial. 

• A UE chama ao aforro enerxético e recortará os beneficios das eléctricas: "O mercado xa non funciona"
• A Audiencia Nacional procesa a Iberdrola por manipular as súas centrais no Sil para inflar os prezos da electricidade

23X | Feijóo proclama que o Goberno de España promoveu un "experimento de enxeñaría social" na actual lexislatura. O ex-presidente e actual líder do PP volve cuestionar a representatividade do Congreso para aprobar leis ao afirmar que son imposicións de "minorías". Na imaxe, Feijóo e Rueda nun acto do PP en Santiago [CC BY-SA PPdeG]

• HEMEROTECA | Feijóo nega a representatividade das Cortes: novo fito no seu cuestionamento de gobernos, xuíces e entes de control
• HEMEROTECA | Feijóo tamén cuestionou que Touriño puidese ser considerado presidente
• HEMEROTECA | Feijóo carga contra o sistema parlamentario vixente porque "é igual gañar que perder"