Fálase

Alerta amarela por calor para este sábado nunha vintena de concellos ourensáns. Meteogalicia activou o aviso amarelo na zona "Miño de Ourense", que comprende a capital ourensá e mais os municipios da Arnoia, Barbadás, Beade, Carballeda de Avia, Cartelle, Castrelo de Miño, Cenlle, Cortegada, Leiro, Melón, Nogueira de Ramuín, Padrenda, O Pereiro de Aguiar, Pontedeva, Punxín, Ribadavia, San Amaro, San Cibrao das Viñas, Taboadela e Toén. Nesta contorna prevé que durante a tarde do sábado se rexistren temperaturas máximas "que poden chegar e mesmo superar os 36ºC".

• HEMEROTECA | A crise climática xa está aquí: 300 días de temperaturas anormalmente altas en 2022
• 🔊PODCAST | Fálase - Esta calor non é normal

O Tribunal Superior de Xustiza ratifica nove anos e medio de inhabilitación para o ex-alcalde de Muras Issam Alnagm (PP) por contratar persoal para o Concello sen máis proceso selectivo que "o seu libérrimo criterio". O alto tribunal galego, en liña co sentenciado en novembro de 2022 pola Audiencia de Lugo, ve probado que Alnagm contratou como "prescindindo total e absolutamente de calquera tipo de procedemento que garantise os principios constitucionais de igualdade, mérito e capacidade para o acceso á función pública". Exímeno, non obstante, de indemnizar unha traballadora. Issam Alnagm perdeu a alcaldía en 2015, cando a logrou o BNG con Manuel Requeijo, que a revalidou en 2019 e outra volta neste 2023. Na imaxe, Issam Alnagm nunha reunión con Rueda como conselleiro en 2010.

• Inhabilitado o ex-alcalde de Muras por contratar persoal do Concello sen máis proceso selectivo que "o seu libérrimo criterio"

As medallas Castelao deste ano son para a escritora Ledicia Costas, a atleta e médica Susana Rodríguez Gacio, o empresario Lino de Prado, o oncólogo Rafael López e para a banda Siniestro Total, segundo aprobou este xoves o Consello da Xunta. Entregaranse o vindeiro 28 de xuño.

• ENTREVISTA | Rafael López: "Estarmos na vangarda da investigación en biopsia líquida permitiralle á cidadanía acceder aos seus avances"
• ENTREVISTA | Ledicia Costas: "Quería escribir unha novela de luz e bos momentos que conseguise arrincar algún sorriso"

Cargas policiais e cortes de tráfico na AP-9 nunha nova xornada de protestas e folga do metal en Vigo. Traballadores cortaron a estrada logo dunha manifestación que se dispersou ao serlles prohibida a entrada no Ifevi, onde se celebra a feira Mindtech organizada pola patronal do sector. Foto: CC BY-NC-SA Galiza Contrainfo. 

Metal, comercio ou limpeza: a loita por convenios "dignos" impulsa folgas e mobilizacións por toda Galicia

A CNMC rexistra as sedes de varias compañías eléctricas tras detectar supostas irregularidades. A Comisión Nacional do Mercado e a Competencia entrou nas sedes centrais de Endesa e Naturgy en varias cidades, segundo adiantou El Confidencial. 

• A UE chama ao aforro enerxético e recortará os beneficios das eléctricas: "O mercado xa non funciona"
• A Audiencia Nacional procesa a Iberdrola por manipular as súas centrais no Sil para inflar os prezos da electricidade

23X | Feijóo proclama que o Goberno de España promoveu un "experimento de enxeñaría social" na actual lexislatura. O ex-presidente e actual líder do PP volve cuestionar a representatividade do Congreso para aprobar leis ao afirmar que son imposicións de "minorías". Na imaxe, Feijóo e Rueda nun acto do PP en Santiago [CC BY-SA PPdeG]

• HEMEROTECA | Feijóo nega a representatividade das Cortes: novo fito no seu cuestionamento de gobernos, xuíces e entes de control
• HEMEROTECA | Feijóo tamén cuestionou que Touriño puidese ser considerado presidente
• HEMEROTECA | Feijóo carga contra o sistema parlamentario vixente porque "é igual gañar que perder"

O TSXG suspende cautelarmente a autorización para a construción doutro parque eólico en Zas e Santa Comba. O alto tribunal sinala que o proxecto de Engasa ocasiona "unha afectación ecosistémica" e que hai indicios dun "potencial efecto danoso de tipo ambiental". O Superior galego emitiu xa varias sentenzas paralizando ou suspendendo as autorizacións de numerosos parques. 

• O TSXG anula de novo por "fragmentación indebida" o aval da Xunta a outro parque eólico de Greenalia

Margarita Ledo gaña o premio Luís Porteiro Garea á promoción e uso do galego na USC. O xurado destacou no seu ditame o seu compromiso “incuestionable” co idioma propio de Galicia, “que atravesa de parte a parte a traxectoria vital e profesional” da profesora emérita, primeira muller que acada este galardón. A entrega terá lugar o vindeiro 29 de setembro nun acto institucional no Paraninfo da universidade compostelá.

• ENTREVISTA | "Sentímonos orgullosas da recuperación da fala, do dereito a contarnos nós propias"

Detidas dez persoas que participaron na manifestación de bateeiros o pasado 13 de abril. A policía informa de que están imputados por delitos de desordes públicas, atentado a axentes da autoridade e lesións e acusa os manifestantes de "acometer con gran violencia contra o dispositivo policial". 

• Extracción masiva e falta de calcio nas rías: o conflito da mexilla alén da 'guerra' entre bateeiros e percebeiros

23X | Feijóo reproduce as súas esixencias a Touriño e Quintana en 2009 para debater en campaña: di aceptar un cara a cara se Pedro Sánchez, candidato á reelección polo PSOE, acode representando tamén a Yolanda Díaz, cabeza de cartel de Sumar. Os conservadores tamén din aceptar eventualmente un debate a tres e outro a sete con PSOE, PP, Sumar, Vox, EH-Bildu, ERC e PNV.

• 📺 Feijóo negouse a debater nunhas eleccións galegas tras acceder a facelo nunhas xerais nas que non era candidato
• HEMEROTECA | Feijóo á procura dunha neveira