Fálase

23X | Feijóo proclama que o Goberno de España promoveu un "experimento de enxeñaría social" na actual lexislatura. O ex-presidente e actual líder do PP volve cuestionar a representatividade do Congreso para aprobar leis ao afirmar que son imposicións de "minorías". Na imaxe, Feijóo e Rueda nun acto do PP en Santiago [CC BY-SA PPdeG]

• HEMEROTECA | Feijóo nega a representatividade das Cortes: novo fito no seu cuestionamento de gobernos, xuíces e entes de control
• HEMEROTECA | Feijóo tamén cuestionou que Touriño puidese ser considerado presidente
• HEMEROTECA | Feijóo carga contra o sistema parlamentario vixente porque "é igual gañar que perder"

O TSXG suspende cautelarmente a autorización para a construción doutro parque eólico en Zas e Santa Comba. O alto tribunal sinala que o proxecto de Engasa ocasiona "unha afectación ecosistémica" e que hai indicios dun "potencial efecto danoso de tipo ambiental". O Superior galego emitiu xa varias sentenzas paralizando ou suspendendo as autorizacións de numerosos parques. 

• O TSXG anula de novo por "fragmentación indebida" o aval da Xunta a outro parque eólico de Greenalia

Margarita Ledo gaña o premio Luís Porteiro Garea á promoción e uso do galego na USC. O xurado destacou no seu ditame o seu compromiso “incuestionable” co idioma propio de Galicia, “que atravesa de parte a parte a traxectoria vital e profesional” da profesora emérita, primeira muller que acada este galardón. A entrega terá lugar o vindeiro 29 de setembro nun acto institucional no Paraninfo da universidade compostelá.

• ENTREVISTA | "Sentímonos orgullosas da recuperación da fala, do dereito a contarnos nós propias"

Detidas dez persoas que participaron na manifestación de bateeiros o pasado 13 de abril. A policía informa de que están imputados por delitos de desordes públicas, atentado a axentes da autoridade e lesións e acusa os manifestantes de "acometer con gran violencia contra o dispositivo policial". 

• Extracción masiva e falta de calcio nas rías: o conflito da mexilla alén da 'guerra' entre bateeiros e percebeiros

23X | Feijóo reproduce as súas esixencias a Touriño e Quintana en 2009 para debater en campaña: di aceptar un cara a cara se Pedro Sánchez, candidato á reelección polo PSOE, acode representando tamén a Yolanda Díaz, cabeza de cartel de Sumar. Os conservadores tamén din aceptar eventualmente un debate a tres e outro a sete con PSOE, PP, Sumar, Vox, EH-Bildu, ERC e PNV.

• 📺 Feijóo negouse a debater nunhas eleccións galegas tras acceder a facelo nunhas xerais nas que non era candidato
• HEMEROTECA | Feijóo á procura dunha neveira

Iribarne, a obra de ButacaZero sobre Manuel Fraga, estrearase o vindeiro 12 de outubro no Centro Dramático Nacional, en Madrid. En xaneiro iniciará a súa xira por Galicia e o resto do Estado. Escrita por Esther F. Carrodeguas e dirixida por Xavier Castiñeira, conta no seu elenco con Mónica García, Xurxo Cortázar, Anxo Outumuro, Lidia Veiga, Jorge Arcos e a propia Carrodeguas, nunha obra con moita música, que pon Berto, e coreografías, a cargo de Sabela Domínguez.

• ButacaZero traballa nunha obra de teatro político sobre Fraga Iribarne, que "deseñou o que agora é Galicia e España"

A Fiscalía retira a acusación contra o cargo de Adif polo accidente de Angrois e mantén a petición de catro anos de cadea para o maquinista. O fiscal Mario Piñeiro corrixe nas conclusións finais do xuízo a súa petición inicial e di que Andrés Cortabitarte "non infrinxiu o deber que ostentaba" como director de Seguridade na Circulación de Adif e "actuou de acordo cos procedementos". Máis información ao longo do día en Praza.gal.

• AMPLIAMOS 👉 A Fiscalía retira a acusación contra o cargo de Adif e mantén a petición de catro anos de cadea para o maquinista de Angrois
• O maquinista, o cargo de Adif, ambos ou ningún: tras oito meses chega o remate do xuízo de Angrois coas conclusións

O BNG activa no Parlamento a reclamación do traspaso a Galicia de 35 competencias pendentes. "Despois de 14 anos de inacción do PP nos que non se adquiriu nin unha soa competencia, Galiza está perdendo posición e quedando atrás en poboación, en actividade industrial, en emprego, en servizos públicos… É evidente que non podemos seguir así e, ante a falta de resposta e de pulso do PP, no BNG queremos tomar a iniciativa", sinala Pontón, que defenderá a reactivación deste paquete de traspasos a través dunha proposición non de lei no pleno da Cámara.

• Pontón lanza a reclamación de 35 competencias para "mellorar a vida" en Galicia tras 15 anos sen ningunha
• HEMEROTECA | Do tren á policía: a Xunta redobra as esixencias ao Estado sobre competencias que renunciou a ter
• HEMEROTECA | Feijóo xa é o primeiro presidente da historia da Xunta en deixar o cargo sen sumar competencias

Benito Portela, de Sadamaioría, volve ser alcalde de Sada tras ser apartado hai medio ano por unha moción de censura e gañar as eleccións o 28M. Este sábado recibiu tamén o apoio do único concelleiro do BNG. [Imaxe: Sadamaioría]

• De Sada a Castrelo de Miño: as urnas premiaron ou castigaron as mocións de censura presentadas no anterior mandato

Jácome anuncia que dará a Deputación de Ourense ao PP. O líder de Democracia Ourensana comunica que os seus representantes votarán por si mesmos tanto este sábado na constitución do Concello como cando se faga o mesmo na Deputación, polo que, di, "o peso das listas máis votadas será determinante na investidura de ambas corporacións".

• AMPLIACIÓN | Jácome e o PP volven repartirse o Concello e a Deputación de Ourense
• Maioría absoluta ou forza máis votada: as dúas vías para lograr a alcaldía tras o 28M
• Fin a 36 anos dos Baltar na Deputación de Ourense