Fálase

Alberto Núñez Feijóo traslada ao rei Felipe VI a súa proposta para "activar a economía, diminuír a inflación e que as familias cheguen a fin de mes”. Accións que pasan por reducir o IRPF, como lle proporá a Pedro Sánchez este xoves. O aínda presidente da Xunta tamén conversou co rei sobre a súa “perplexidade” a respecto da decisión do Goberno de España sobre o Sáhara. 

Feijóo mostrouse como un “aliado” da monarquía, valorou que ″o Estado de dereito funcionou″ no caso do rei emérito e aseverou que ″ese asunto está resolto″ e que lle “alegra” o resultado. [Na imaxe, Feijóo e Felipe VI en setembro de 2020, despois da súa reelección na Xunta © Casa de S. M. el Rey]

A Xunta amplía a prealerta por seca a toda a demarcación hidrográfica de Galicia-Costa como medida preventiva. A oficina técnica da seca do Goberno galego acordou este mércores [na imaxe CC-BY Xunta] realizar un seguimento máis exhaustivo, constatando que os sistemas de abastecemento de auga están garantidos. 

Así, intensifícase o labor exhaustivo de control do estado dos sistemas de abastecemento do río Eume e ría de Ares; da costa de Ferrol; do río Mera, da ría de Santa Marta de Ortigueira e da ría de Cedeira; do río Sor, da ría Santa Marta de Ortigueira e da ría de Viveiro; do río Landro e mais do río Ouro; do río Masma, da e ría de Ribadeo. Como xa se viña facendo nas rías de Vigo, Pontevedra, Arousa e Baiona; así como da ría da Coruña, Betanzos e Camariñas, entre outras. 

• As chuvias concentradas e as temperaturas deste inverno aceleran a necesidade de mudar a xestión da auga

Comeza nos estaleiros de Navantia en Ferrol a construción das fragatas F-110. Pedro Sánchez, que eleva os postos de traballo que xerarán ata 9.000 "entre directos e indirectos" ata 2031, presidiu o acto simbólico de inicio dos traballos xunto á vicepresidenta Yolanda Díaz, a ministra de Facenda, María Jesús Montero, e outros membros do Executivo central. O Goberno galego estivo representado polo vicepresidente segundo, Francisco Conde, tamén conselleiro de Economía. [Imaxe: © Pool Moncloa / Fernando Calvo]

• Comeza a construción en Ferrol das fragatas F-110 que foran paralizadas polo PP e que xerarán 7.000 empregos en dez anos

A retirada da obriga xeral de uso da máscara en interiores será aprobado o vindeiro 19 de abril e entrará en vigor ao día seguinte, o 20. Así o confirmou o Ministerio de Sanidade ás comunidades autónomas. 

• + INFO | A máscara de protección pola COVID deixa de ser obrigatoria en interiores o 20 de abril tras case dous anos
• O control e illamento de casos COVID limítase á poboación e centros "vulnerables" dende o 28 de marzo

A Audiencia Nacional ve indicios de 21 delitos de homicidio por imprudencia grave no Vila de Pitanxo. Máis información, decontado en Praza.gal. 

• A "repentina parada" do motor do Villa de Pitanxo deixou o barco "exposto ao vento" e provocou o naufraxio

O Parlamento entrega este mércores as súas medallas á Valedoría do Pobo, Consello de Contas e Consello da Cultura Galega pola súa achega ao "afianzamento do autogoberno" como institucións estatutarias. O galardón, que se entrega cadrando co aniversario da promulgación do Estatuto de Autonomía, foi acordado por unanimidade na Mesa da Cámara, na que están representados os tres grupos (PP, BNG e PSdeG).

• 19/12/1981 | Galicia constitúe o seu primeiro Parlamento para "devolvernos a confianza en nós mesmos"
• HEMEROTECA | O Estatuto galego fai corenta anos tras máis dunha década co autogoberno conxelado

Os votos do PP frean no Parlamento a toma en consideración a reforma sanitaria promovida polo PSdeG para impedir demorar a cita en Atención Primaria máis de dous días. A iniciativa, defendida polo deputado Julio Torrado (na imaxe) si tivo o apoio do BNG. Durante o debate, o PP responsabilizou o Goberno de España das carencias de persoal neste servizo do Sergas.

• ANÁLISE | A sanidade pública na 'era Feijóo': 13 anos de conflitos, obras novas e protestas contra a deterioración 
• HEMEROTECA | O PSdeG promove unha reforma sanitaria para impedir demorar a cita en Atención Primaria máis de dous días

PARO REXISTRADO | As inscricións nas oficinas de emprego descenderon un -0,76% en Galicia durante o mes de marzo (a media estatal foi do -0,09%) e quedan en 153.336, o que supón 27.383 menos que hai un ano (-15,15%, fronte ao -21,29% da media). No mesmo mes, a afiliación media á Seguridade Social aumentou en 2.311 persoas (+0,23% e a media estatal, +0,71%) e sitúase en 1,03 millóns de persoas ocupadas, case un 3% máis que no mesmo mes de 2021 (o aumento estatal é do 4,8%). 

• AMPLIAMOS👉 O peso da contratación indefinida aumentou dez puntos no primeiro trimestre do ano e xa supuxo o 30% en marzo
• DATOS | O mercado laboral que deixa Feijóo: menos paro e moita menos xente a traballar

O sector bateeiro manifestouse este domingo en Compostela para reclamar á Xunta que amplíe "de forma inmediata" as zonas de recollida de cría de bivalvo, baixo o lema "sen mexilla non hai mexillón e non hai futuro". O 30 de abril finaliza o prazo para a recollida de mexilla e aseguran que a metade das bateas carecen dela neste momento.

A Portrait On The Search For Happiness (Premio ao Mellor Filme) e El último de Arganeo (Premio ao Mellor Filme Galego), gañadores na 17 Mostra Internacional de cinema etnográfico, que se pechou este sábado no Museo do Pobo Galego. A Mención de Honra do Xurado foi para Pedra patria  e o Premio do Público foi para Resonancias do pasado.

• A ollada cómplice das cineastas da Europa do leste dialoga na Mostra de Cinema Etnográfico coa crítica Mariana Hristova
• ‘O último de Arganeo’. Un documental protagonizado por Edilberto Rodríguez, pastor de 24 anos