Fálase

A patronal considera "inadmisible" a folga xeral anunciada pola crise da vivenda. A CEOE e mais CEPYME están en contra de que "se pretenda trasladar ás empresas, aos seus traballadores e á actividade económica o custo dunha medida de presión que sinala o goberno e a súa xestión". Aseguran que as reivindicacións "non son de natureza laboral" tras o anuncio de CCOO e UGT, que no seu comunicado aclaran que o paro é tamén por "salarios dignos" e que demandan a renovación do acordo para a negociación colectiva e o desbloqueo dos convenios en moitos sectores. 

• CCOO e UGT irán á folga xeral pola crise de vivenda

Novas manifestacións pola vivenda en Santiago e Pontevedra este luns. Un milleiro de persoas secundaron a protesta da Coordinadora da Mocidade Socialista "contra o réxime de rendistas e empresarios" en Compostela e máis de 2.000 saíron á rúa na cidade pontevedresa convocadas polo Colectivo pola Vivenda nunha marcha na que participou o alcalde, Miguel Anxo Fernández Lores. Fotos: CC-BY-NC-SA BNG / CMS. 

• CCOO e UGT irán á folga xeral pola crise de vivenda
• Clamor cidadán polo dereito á vivenda

Os sindicatos UGT e CCOO acordan apoiar a folga xeral pola crise da vivenda que xa acordara convocar a CGT xunto ao Sindicato de Inquilinas. Máis información, decontado en Praza.gal. 

• AMPLIAMOS 👉 CCOO e UGT irán á folga xeral pola crise de vivenda
• Clamor cidadán polo dereito á vivenda

O Concello de Santiago inicia os trámites para subir o IBI a 16 vivendas baleiras propiedade de bancos na cidade. Explica a voceira municipal, Míriam Louzao, que estes expedientes -que se suman a outros tres xa iniciados- se dirixen a inmobles inscritos no censo de vivendas baleiras do Goberno galego. En función das características de cada inmoble, esa suba pode ser do 50%, do 100% ou do 150%. Na mesma Xunta de Goberno o goberno local de BNG e CA aprobou a ordenación dunha parcela para que o IGVS poida construír 36 vivendas de promoción pública na Volta do Castro.

• HEMEROTECA | Os bancos teñen 4.000 vivendas baleiras en Galicia: liberamos os datos 
• HEMEROTECA | As vivendas baleiras dos bancos son tantas como as que a Xunta prevé construír nesta lexislatura
• HEMEROTECA | Santiago xa é zona tensionada: freo ás subas do alugueiro e gran posuidor dende 5 pisos 
• HEMEROTECA | O Concello de Santiago busca elevar ao máximo o IBI ás vivendas baleiras para poñelas no mercado

A Coordinadora da Mocidade Socialista convoca unha "mobilización de urxencia" este luns ás 21 horas na Alameda de Santiago "contra o réxime de empresarios e rendistas" e ante o anuncio da convocatoria de eleccións anticipadas. 

O Tribunal Constitucional fai pública a sentenza que rexeita o recurso da Xunta contra a lei estatal de vivenda de 2023. O alto tribunal avanzou hai uns días a súa decisión e agora divulga o texto íntegro. 

• (24/9/2026) O Constitucional tomba o recurso da Xunta á lei estatal de vivenda e lembra que a propiedade privada é acoutable

Bolsonaro fillo gaña cun 47% a primeira volta das eleccións en Brasil ante Lula, que obtén o 45%. Jair Bolsonaro e Lula volverán enfrontarse na segunda volta o 25 de outubro. [Foto: Goberno de Brasil]

Pedro Sánchez comparecerá ás 9 desta mañá dende La Moncloa para anunciar as súas decisións tras a derrogación dos decretos de vivenda no Congreso cos votos do PP, Vox, e Junts. Sobre a mesa, a posibilidade dun adianto das eleccións xerais. Toda a información, hoxe en Praza.gal. Na imaxe, o presidente do Goberno de España anunciando o anticipo dos comicios de 2023. [© Pool Moncloa / Borja Puig de la Bellacasa]

• Clamor cidadán polo dereito á vivenda

O alcalde de Vilagarcía, o socialista Alberto Varela, denuncia que sufriu unha agresión na rúa ao berro de "rojos de mierda". O tamén presidente da Fegamp explica que o home que se "encarou" consigo e co grupo de amizades e familiares que o acompañaba, entre eles a súa filla, tamén "recibiron golpes" no "intento de separalo". "Ela segue preguntándome por que ese home quixo pegarnos e eu aínda non sei que contarlle", explica Varela, quen sente "a obriga moral de reivindicar un mundo mellor e de manifestar a miña máis profunda repulsa aos violentos e aos impulsores do odio". O rexedor vilagarcián presentará denuncia formal este luns. [Imaxe: © Fegamp]

• AMPLIAMOS 👉 O alcalde socialista de Vilagarcía, agredido na rúa ao berro de "rojos de mierda"

Feijóo reitera na Toxa que promovería a construción de "un millón" de vivendas en catro anos se o PP goberna en España. Rueda aplaude o discurso do ex-presidente no Foro La Toja afirmando que "España necesita recuperar a normalidade e dar a palabra aos españois". Durante os seus trece anos como titular da Xunta comezaron a construírse en Galicia pouco máis de 5.000 vivendas protexidas, máis da metade no primeiro ano, con múltiplos proxectos 'herdados' do Goberno de PSdeG e BNG, e nos seguintes mandatos quedaron reducidas á mínima expresión. Na imaxe, distribuída pola Xunta, Feijóo conversa co presidente de Iberdrola, Ignacio Sánchez Galán, en presenza de Rueda durante o Foro La Toja. [CC BY-SA Xoán Crespo/ Xunta]

• Feijóo promete "un millón" de pisos en catro anos tras paralizar a vivenda protexida en Galicia
• A Xunta entrega pisos públicos en Santiago por primeira vez dende a fin do Goberno de PSdeG e BNG