Fálase

Feijóo reitera na Toxa que promovería a construción de "un millón" de vivendas en catro anos se o PP goberna en España. Rueda aplaude o discurso do ex-presidente no Foro La Toja afirmando que "España necesita recuperar a normalidade e dar a palabra aos españois". Durante os seus trece anos como titular da Xunta comezaron a construírse en Galicia pouco máis de 5.000 vivendas protexidas, máis da metade no primeiro ano, con múltiplos proxectos 'herdados' do Goberno de PSdeG e BNG, e nos seguintes mandatos quedaron reducidas á mínima expresión. Na imaxe, distribuída pola Xunta, Feijóo conversa co presidente de Iberdrola, Ignacio Sánchez Galán, en presenza de Rueda durante o Foro La Toja. [CC BY-SA Xoán Crespo/ Xunta]

• Feijóo promete "un millón" de pisos en catro anos tras paralizar a vivenda protexida en Galicia
• A Xunta entrega pisos públicos en Santiago por primeira vez dende a fin do Goberno de PSdeG e BNG 

En marcha as primeiras mobilizacións da xornada pola vivenda en Galicia, as de Santiago, Ourense e Ferrol. Esta tarde (19:00) continúan as protestas en Vigo, A Coruña e Lugo e o luns, en Pontevedra. Nesta ligazón, todos os detalles das convocatorias e o máis destacado das manifestacións, este serán en Praza.gal. Na imaxe, inicio da concentración na compostelá Praza do Obradoiro, este mediodía, á que tamén acudiron a portavoz nacional do BNG, Ana Pontón, e o secretario xeral do PSdeG, José Ramón Gómez Besteiro. [CC BY-NC-SA CA]

• A rabia pola vivenda desemboca en manifestacións por toda Galicia este sábado
• PP, Vox e Junts derrogan os decretos de vivenda
• ↪️ +INFO | Dereito á vivenda en Praza.gal

Varias persoas feridas de gravidade tras a explosión nunha canteira no Porriño. O suceso tivo lugar durante unha voadura na parroquia de Atios e, segundo o 112, hai catro traballadores feridos e "accesibles".

Segundo ataque fascista á Cruz Vermella en Ferrol en dúas semanas. Unha furgoneta da entidade sofre a rotura dun vidro e aparece pintada cunha esvástica tras as pintadas sufridas o pasado 22 de setembro na súa sede, que tamén fora atacada en abril. 

PP, PSdeG e BNG abandonan o pleno do Concello de Ourense despois de que Jácome "insultase reiteradamente os integrantes dos grupos da oposición" descualificando como "etarras" aos membros do Bloque. Nun comunicado conxunto, populares, socialistas e nacionalistas censuran "faltas de respecto, insultos, interrupcións e ameazas" do alcalde: "Non pode seguir tolerándose". Jácome esgrime que "levan toda a vida chamándome a min fascista".

• HEMEROTECA | A censura non baixa o Miño coma os sumarios xudiciais
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• 🔊 HEMEROTECA - PODCAST | Anatomía do de Ourense

Jácome logra aprobar o Orzamento de Ourense para 2026 co seu voto de calidade. A marcha do grupo do PSdeG (5 edís), que renunciou a participar na votación, engadida á ausencia dun edil do PP e á inesperada presenza dun concelleiro de Democracia Ourensana, enfermo dende hai meses, deu lugar a un empate a 10 votos (os de DO fronte aos 6 do PP e os 4 do BNG) que pemitiu ao alcalde desempatar e afrontar o ano electoral coas contas deste exercicio aprobadas. O rexedor constata que "a ausencia no pleno dun concelleiro do PP cambiou a aritmética" e celebra a aprobación como "moi boa" para a cidade. Na fotografía, Pérez Jácome nunha comparecencia pública.

• HEMEROTECA | A censura non baixa o Miño coma os sumarios xudiciais
• HEMEROTECA | O acordo PP-PSdeG e a promesa de Rueda que romperon os populares para volver pactar con Jácome
• 🔊 HEMEROTECA - PODCAST | Anatomía do de Ourense

O PNV votará a prol do Real Decreto-Lei que contén o groso das medidas de vivenda aprobadas polo Goberno de España e confirma o seu "non" ao que contempla os alugueiros indefinidos. Isto implica que o segundo decreto será derrogado e que a vixencia do primeiro segue nas mans de Junts per Catalunya, que decide nunha xuntanza interna este serán o sentido do seu voto. Na imaxe, Maribel Vaquero, voceira do PNV no Congreso.

• O Estado autoriza subir o IBI aos pisos turísticos ata un 150% na Coruña e Santiago
• Prórroga de alugueiros e freo a desafiuzamentos de persoas pobres: claves dos decretos de vivenda

Chega ao BOE o segundo dos Reais Decretos-Lei sobre vivenda, que regula prórrogas automáticas e renovacións de contratos de alugueiro para "reforzar a súa estabilidade". Entre os seus preceptos, unha indemnización equivalente a doce meses de renda para as persoas inquilinas ás que a propiedade non lles renove o contrato sen causa xustificada.

• O Estado autoriza subir o IBI aos pisos turísticos ata un 150% na Coruña e Santiago
• Prórroga de alugueiros e freo a desafiuzamentos de persoas pobres: claves dos decretos de vivenda

O Boletín Oficial do Estado publica o Real Decreto-Lei co groso das medidas en materias de vivenda aprobadas este martes polo Consello de Ministros. Polo momento non foi publicado o segundo, o relativo a renovacións automáticas de contratos de alugueiro e medidas a prol da duración indefinida destes.

• Prórroga de alugueiros e freo a desafiuzamentos de persoas pobres: claves dos decretos de vivenda
• O Estado autoriza subir o IBI aos pisos turísticos ata un 150% na Coruña e Santiago

Feijóo promete que "as mutuas poidan dar altas" a persoal de baixa médica con "determinadas patoloxías" se logra chegar ao Goberno de España. O ex-presidente e actual líder estatal do PP asegurouno nun acto con empresarios en Catalunya -na imaxe-, onde incidiu na ofensiva política a respecto do persoal de baixa laboral que os populares xa están a aplicar dende a Xunta. [© PP]

• A Xunta crea "coordinadores de reincorporación" tras as baixas laborais
• HEMEROTECA | A axenda patronal contra as baixas esténdese en Galicia mentres Feijóo a promete para España
• HEMEROTECA | O plan contra as baixas segue: o novo protocolo da Xunta con máis poder para as mutuas xa é oficial