O Ministerio de Transportes defende que Renfe oferta en Galicia un 11% máis de prazas á semana que antes da pandemia, 169.000 fronte a 153.000, o que non está a impedir o colapso nalgúns traxectos, especialmente no Eixo Atántico. O secretario de Estado, David Lucas, reuniuse coa conselleira de Infraestruturas, Ethel Vázquez, e confirmou que Talgo non comezará a entregar ata decembro os trens Avril que facilitarán as conexións de alta velocidade entre Galicia e a Meseta.
![](https://praza.gal/media/cache/live_image/uploads/reunion-secretario-estado-2b8033b.jpeg)