Fálase

Feijóo atribúe a dimisión do presidente de RTVE a un "control férreo" por parte de Pedro Sánchez nos medios públicos, onde "ou fas o que che mandan, ou bótante", afirma. Como presidente da Xunta, o agora líder do PP asegurou ignorar as mobilizacións de persoal da CRTVG contra a manipulación informativa e polo cumprimento da lei de medios públicos

• AMPLIAMOS 👉 Feijóo denuncia o "control férreo" de Sánchez en TVE tras catro anos de 'venres negros' e unha condena por represalias na TVG
• O TSXG ratifica que a CRTVG sancionou un traballador en represalia por mobilizarse nos 'venres negros'
• HEMEROTECA | Feijóo di que "non sabe que segue" a mobilización de persoal da CRTVG, que xa dura 95 semanas
• HEMEROTECA (2015) | Feijóo coa nos orzamentos unha norma para que o PP siga controlando a dirección da RTVG

Putin concédelle a cidadanía rusa a Edward Snowden, perseguido pola xustiza estadounidense por revelar en Wikileaks información sobre a espionaxe levada a cabo dende a NSA (a axencia nacional de seguridade dos Estados Unidos). O exanalista de Intelixencia norteamericano é un máis nunha listaxe de persoas ás que o presidente ruso lles outorgou a condición de cidadáns a través dun decreto asinado este luns.  [Fotografía CC-BY-SA Wikipedia]

Dimite o presidente de RTVE. José Manuel Pérez Tornero presentará este luns a súa renuncia como máximo dirixente da radiotelevisión pública española, cargo que ocupaba desde marzo de 2021 tras substituír a Rosa María Mateo. 

• Sexta remuda na presidencia de RTVE mentres o director da CRTVG segue con mandato indefinido desde 2009

Ángel Carracedo, premio Otero Pedrayo 2022. O galardón, coorganizado pola Xunta e as catro deputacións, distingue a traxectoria científica do investigador e catedrático, cuxa candidatura foi impulsada pola Deputación da Coruña. "É unha das principais figuras da historia da ciencia galega e un home comprometido co seu tempo, disposto sempre a participar en liñas de traballo que contribúan á mellora da nosa sociedade", destaca Xurxo Couto, deputado de Cultura da institución coruñesa. [Imaxe: © USC]

• HEMEROTECA | Ángel Carracedo, no Parlamento: "Gastamos un mundo en investigadores boísimos que acaban producindo para outros"

A Xunta fai oficiais os currículos de primaria, secundaria e bacharelato 18 días despois de comezar o curso. O Goberno galego publica este luns no Diario Oficial de Galicia (DOG) os decretos adaptados ás novas regulacións estatais aprobadas para as distintas etapas entre marzo e abril. [Imaxe: CC-BY-SA Xunta]

A extrema dereita vence nas eleccións italianas. A coalición de dereitas encabezada polos posfascistas de Fratelli d'Italia (26%) logra en conxunto o 44% dos votos e está en condicións de que Giorgia Meloni sexa a vindeira primeira ministra. Nuns comicios marcados pola baixa participación, a menor da serie histórica, a alianza das esquerdas encabezada polo Partido Democrático (19,16%) queda en apenas o 26% dos votos. 

• +INFO 👉 A ultradereita obtén unha ampla maioría nas eleccións italianas coa abstención máis elevada das últimas décadas

Falece Elixio Rivas Quintas, mestre da Etnolingüística. "Amigo dos camiños, peregrino da palabra, percorreunos todos e falou con persoas de todos os territorios ao longo de máis de vinte anos, na procura infatigábel do extraordinario  tesouro lexical da nosa terra, ordenado e compilado durante máis de dez anos en vinte e sete volumes", lembra o presidente do padroado do Museo da Limia, Delfín Caseiro, no seu pasamento. Recibiu a Medalla de Ouro da provincia de Ourense no ano 2019 [na imaxe CC-BY-SA Deputación de Ourense], o presidente do ente provincial, Manuel Baltar, destacou que Rivas Quintas axudou a Ourense coa "súa propia autocomprensión grazas a unha vida dedicada á investigación". 

"En Galicia imos seguir baixando impostos, que é o que quere a xente. É o que serve para darlle cartos ás empresas, ás familias, a todo o mundo", asegurou Alfonso Rueda este domingo nun encontro con militantes do Partido Popular en Mos. "Temos a maior cantidade para gastar que tivemos nunca e o que temos que ter é sentidiño para pensar a quen lle fai máis falta que o axudemos", engadiu, dous días despois de anunciar unha rebaixa ao 50% do imposto de patrimonio, que pagan só os 8.000 galegos e galegas máis ricos. [Na imaxe, o presidente da Xunta esta mañá na procesión do Santísimo Cristo da Agonía CC-BY-SA Conchi Paz/Xunta]. 

• CRÓNICA | Rueda busca espazo no ano sen debate de política xeral
• Rueda anuncia nun foro de La Voz e Abanca que duplica a rebaixa de impostos á poboación máis rica

O Bloque Nacionalista Galego celebra os seus 40 anos no lugar da súa fundación, o frontón de Riazor. Están presentes a dirección nacional do partido, responsables políticos e militancia, xunto a moitas das persoas que protagonizaron aquela histórica xornada do 25 de setembro de 1982. O portavoz municipal do BNG no Concello da Coruña, Francisco Jorquera, deu a benvida a un acto no que intervirán militantes ao longo destes anos e que concluirá coa intervención da portavoz nacional, Ana Pontón. 

• CRÓNICA | O BNG reivindícase como "alternativa sólida" para gobernar no seu 40 aniversario e Pontón pide "ensanchar" a formación

O arquitecto pontevedrés César Portela ingresa na Real Academia Galega de Belas Artes como académico de honra. No seu discurso de ingreso, pronunciado este sábado nun acto celebrado no Pazo de Baión [rehabilitado por el], o Premio Nacional de Arquitectura no ano 2000 salientou que “a arquitectura é arte e técnica a un tempo, pero arte e técnica ao servizo da sociedade. A función social é, xustamente, o que converte a arquitectura en algo de necesaria utilidade, imprescindible, nunca gratuíto”.